བཞུགས་སྒར་དུ་ཆོ་འཕྲུལ་སྨོན་ལམ་ཆེན་མོ་དབུ་འཛུགས་གནང་པ།


vot.org
Facebooktwittergoogle_plusmail
བཞུགས་སྒར་དུ་ཆོ་འཕྲུལ་སྨོན་ལམ་ཆེན་མོ་དབུ་འཛུགས་གནང་པ།

ཐེག་ཆེན་ཆོས་གླིང་གཙུག་ལག་ཁང་གི་ཡང་སྟེང་ཚོགས་ཁང་དུ་རབ་གནས་མེ་སྤྲེལ་ལོའི་ཆོ་འཕྲུལ་སྨོན་ལམ་ཆེན་མོ་དབུ་DSC_0014འཛུགས་གནང་སོང་།
དེ་རིང་ཟླ་ ༢ ཚེས་ ༡༨ ཉིན་གྱི་སྔ་དྲོ་ཚོུད་ ༦།༣༠ སྟེང་བཞུགས་སྒར་དུ་རྟེན་གཞིས་བྱས་པའི་ཐེག་ཆེན་ཆོས་གླིང་གཙུག་ལག་ཁང་གི་རྟེན་མཆོག་སྤྱན་སྔའི་དྲུང་དུ་མཆོད་སྤྲིན་སྣ་ལྔ་འབུལ་གཤོམ་དང་འབྲེལ། རབ་གནས་མེ་སྤྲེལ་ལོའི་ཆོ་འཕྲུལ་སྨོན་ལམ་ཆེན་མོའི་ཚོགས་མགོན་དུ་རྣམ་རྒྱལ་གྲྭ་ཚང་གི་མཁན་ཟུར་བྱ་རྡོ་རོན་པོ་ཆེ་མཆོག་དབུ་བཞུགས་ཀྱིས་གཙོས། བཞུགས་སྒར་དུ་གཉུག་མར་གནས་པ་དང་གློ་བུར་དུ་ལྷགས་པ་སེར་སྐྱ་མང་ཚོགས་བཅས་ལྷན་འཛོམས་ཀྱིས་ཆོ་འཕྲུལ་སྨོན་ལམ་ཆེན་མོ་དབུ་འཛུགས་གནང་ཡོད།  དེ་རྗེས་རྣམ་རྒྱལ་གྲྭ་ཚང་གི་མཁན་ཟུར་བྱ་རྡོ་རོན་པོ་ཆེ་མཆོག་གིས་ ཆོ་འཕྲུལ་སྨོན་ལམ་ཆེན་མོDSC_0016འི་ངོ་སྤྲོད་དང་། སྟོན་པའི་སྐྱེས་རབས་གསུང་ཆོས་བསྩལ་གནང་སོང་།
གཞི་རྩའི་ལོ་འདིའི་ཆོ་འཕྲུལ་སྨོན་ལམ་ཆེན་མོ་འདི་བཞིན་དེ་རེང་ནས་དབུ་འཛུགས་ཀྱིས་བོད་ཚེས་བཅོ་ལྔ་བར་ཉིན་གྲངས་ལྔའི་རིང་ཚོགས་གནང་གི་ཡོད་པ་དང་། དེ་ཡང་གཙོ་བོ་རྣམ་རྒྱལ་གྲྭ་ཚང་གི་མཁན་པོ་དང་མཁན་ཟུར་རྣམ་གཉིས་ནས་རེས་མོས་ཀྱིས་དབུད་བཞུགས་ཐོག་རྡ་སར་གཉུག་མར་གནས་པ་དང་གློ་བུར་དུ་ལྷགས་པ་སེར་སྐྱ་མང་ཚོགས་ཀུན་ལ་སྐྱེས་རབས་ཀྱི་གསུང་ཆོས་ཁག་གནང་པ་མ་ཟད། དགེ་བཙུན་རྣམ་པས་རིགས་ལམ་འགྲན་རྩོད་ཡང་གནང་ཡོད་པ་རེད།

འབྲེལ་ཡོད་གསར་འགྱུར།