Monthly Archives: December, 2017

ཉན་པ།: Listen ཕབ་ལེན། Download ཝཱ་ཎ་དབུས་གཙུག་ལག་སློབ་གཉེར་ཁང་ལོ་ལྔ་བཅུ་འཁོར་བའི་དུས་སྟོན། Sunday 31/12/2017 Centrel Institute of higher Tibetan Studies, Sarnath turns 50

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་རྒྱ་གར་ Uttra Pradesh མངའ་སྡེ་ནང་དུ་ རྟེན་གཞི་བྱས་པའི་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་དུ་རྒྱ་གར་ལྟ་གྲུབ་དང་ཚན་རིག་ནང་སེམས་ཞེས་པའི་རྒྱལ་སྤྱིའི་བགྲོ་གླེང་ཚོགས་འདུའི་ཐོག་དབུ་བཞུགས་མཛད་ཡོད་པ་རེད།   མགོན་པོ་༸གང་ཉིད་མཆོག་གིས་མཛད་སྒོའི་ཐོག་འདས་པའི་ལོ་ངོ་སྟོང་ཕྲག་མང་པོའི་རིང་ལ་འགྲོ་བ་མི་རྣམས་ནས་རང་ལ་བཟང་ཕྱོགས་ཀྱི་ནུས་སྟོབས་ཡོད་པ་དེ་དག་བེད་སྤྱོད་ལོག་པར་བཏང་ནས་མིའི་སྤྱི་ཚོགས་འདི་བཞིན་མི་གསོད་ཁྲག་སྦྱོར་དང་གཏོར་རྒོལ་སོགས་དམག་འཁྲུག་ཅན་གྱི་སྤྱི་ཚོགས་ཤིག་བཟོས་ཡོད་པ་བཀའ་གནང་པ་དང་འབྲེལ། དེང་གི་དུས་རབས་འདིའི་ནང་འཛམ་གླིང་ཤར་ནུབ་དང་བྱང་ཤར་སོགས་ཕྱོགས་གང་སར་ཡོད་པའི་འགྲོ་བ་མིའི་སྤྱི་ཚོགས་ནང་ཚོང་འབྲེལ་དང་ཁོར་ཡུག གནམ་གཤིས་འགྱུར་ལྡོག་སོགས་གང་འདྲ་ཞིག་ཡིན་ཡང་ཚང་མ་གཅིག་ལ་གཅིག་བརྟེན་གྱི་འབྲེལ་བ་གྲུབ་ཡོད་སྟབས། འགྲོ་བ་མི་རྣམས་ནས་འདས་ཟིན་པའི་དམག་འཁྲུག་གི་བསམ་བློ་དེ་དག་དོར་ཏེ་དཀའ་རྙོག་རིགས་འཕྲད་སྐབས་གྲོས་མོལ་གྱི་ལམ་ནས་སེལ་ཐབས་གནང་སྟེ་དུས་རབས་༢༡ པ་འདི་བཞིན་འཚེ་བ་མེད་པ་གྲོས་མོལ་གྱི་དུས་རབས་ཤིག་བསྐྲུན་དགོས་གལ་ཡིན་པ་སོགས་ལམ་སྟོན་བཀའ་སློབ་རྒྱ་ཆེ་བསྩལ་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་རྒྱ་གར་ལྟ་གྲུབ་དང་ཚན་རིག་ནང་སེམས་ཞེས་པའི་རྒྱལ་སྤྱིའི་བགྲོ་གླེང་ལྷན་ཚོགས་ཐོག་དབུ་བཞུགས་མཛད་པ། འཚེ་མེད་ཞི་བའི་འཐབ་རྩོད་ཀྱི་ལམ་བུ་ཡག་ཤོས་ནི་སྒྱུ་སྩལ་བ་བྱ་རྒྱུ་རེད་ཅེས་གསུངས་སོང་། བཀྲིས་དབང་ཕྱུག་ལགས་བདུན་ཕྲག་རྗེས་མའི་ནང་ཁྲིམས་གཏུགས་བྱ་རྒྱུ། བོད་པའི་བེུད་༣༦ལ་རྐང་སྤོལ་རྩེད་འགྲན་གྱི་སྦྱོང་བརྡར་ཕུལ་བཞིན་འདུག རྒྱལ་གཅེས་པ་དཀོན་པེ་ལགས་ཀྱི་ཆེད་མཆོད་འབུལ་སྨོན་ལམ་ཚོགས་པ། ༸གོང་ས་མཆོག་གི་གསུང་ཆོས་ལེ་ཚན་ནང། བྱང་ཆུབ་སེམས་ཀྱི་ཕན་ཡོན། Saturday 30/12/2017 Dalai Lama graces Intl. Conference on Concept of mind in science and philosophy Studio ‘59, Tibetan Artists Residency opened in Dharamsala Tibetan language activist Tashi Wangchuk to go on trial on Jan 4 TNSA begins football training camp for 36 Tibetan women Tibetans in south India hold solidarity vigil for latest Ngaba self immolator FEATURE: Dalai Lama on compassionate heart during Choejuk teaching

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག རྒྱ་གར་རྒྱལ་ས་ལྡི་ལི་ནང་གི་མཛད་འཕྲིན་ལེགས་པར་འགྲུབ་ཀྱིས་དེ་རིང་ཉིན་རྒྱབ་གནས་མཆོག་ཝ་ཎ་སི་༸ཞབས་སོར་བདེ་བར་འཁོད་འདུག ༸གོང་སྐྱབས་མགོན་ཆེན་པོ་མཆོག་དེ་རིང་ཝ་ན་གཙུག་ལག་སློབ་གཉེར་ཁང་དུ་༸ཞབས་གསོར་འཁོད་སྐབས། ཕེབས་བསུར་ཝ་ན་གཙུག་ལག་སློབ་གཉེར་ཁང་གི་ཉེ་བའི་རིགས་བདག་དགེ་བཤེས་ངག་དབང་བསམ་གཏན་ལགས་ཀྱི་ལགས་ཀྱི་གཙོས་པས། གཙུག་ལག་སློབ་གཉེར་ཁང་གི་དགེ་ལས་སློབ་མ་རྣམས་ནས་དགའ་དད་སྤྲོ་གསུམ་ངང་མགོན་པོ་མཆོག་ལ་ཕེབས་བསུའི་སྣེ་ལེན་ཟབ་རྒྱས་ཞུས་འདུག མཛད་འཆར་ལྟར་ན། ༸གོང་ས་སྐྱབས་མགོན་ཆེན་པོ་མཆོག་གིས། སང་ཉིན་ཕྱི་ཚེས་༣༠་དང་སྣང་ཉིན་༣༡བཅས་སུ་ཁུལ་དེའི་ནང་ཝ་ཎ་དབུས་གཙུག་ལག་སློབ་གཉེར་ཁང་ནས་གོ་སྒྲིག་ཞུས་པའི་རྒྱ་གར་གྱི་གནའ་བོའི་ལྟ་གྲུབ་དང་དེང་དུས་དུས་ཚན་རིག་ཞེས་པའི་རྒྱལ་ཚོགས་ལྷན་ཚོགས་དབུ་འབྱེད་དང་བཀའ་སློབ་བཀྲིན་བསྩལ་གནང་གི་ཡོད་པ་དང། ལྷན་ཚོགས་དེའི་ཐོག་ཨ་རི་དང་ཧྥ་རན་སི། ཨི་ཊ་ལི་བཅས་ནས་མཚན་རིགས་མཁས་དབང་དང། དེ་བཞིན་ཤི་རི་ལང་ཀའི་ནང་པ་དང། རྒྱ་གར་གྱི་གཙུག་ལག་སློབ་གྲྭ་ཆེན་མོའི་མཁས་དབང་སོགས་འདུ་མཁྱོན་མི་གྲངས་༡༥༠༠ལྷག་བཅར་གྱི་འདུག དེ་བཞིན་ཕྱི་ཟླ་དང་པོིའི་ཚེས་༡ཉིན། ཝ་ཎ་གཙུག་ལག་སློབ་གཉེར་ཁང་ནས་དབུ་བརྙེས་ནས་མི་ལོ་༥༠འཁོར་བའི་དུས་དྲན་མཛད་སྒོ་ཐོག་སྐུ་མགྲོན་གཙོ་བོར་༸གོང་ས་མཆོག་གིས་དབུས་པས། གཞན་ཡང་བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་མཆོག་དམིགས་བསལ་སྐུ་མགྲོན་དང། གཞན་ཡང་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་བོད་མིའི་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་སོགས་གཞུང་འབྲེལ་གནད་ཡོད་མི་སྣ་དང། དེ་བཞིན་དགེ་ལས་སློབ་ཟུར་བཅས་ཕེབས་ཀྱི་འདུག    

ཉན་པ།: Listen ཕབ་ལེན། Download ༸གོང་ས་མཆོག་གནས་མཆོག་ཝཱ་ར་ཎ་སིར་༸ཞབས་སོར་བདེ་བར་འཁོད་འདུག བོད་རིགས་གཞོན་སྐྱེས་ཁག་ཅིག་གིས་ལྡི་ལིར་བོད་དོན་ཞུ་གཏུགས་ཀྱི་ལས་འགུལ་སྤེལ་འདུག གཡུ་ཐོག་ཀརྨ་དགེ་ལེགས་མཆོག་ཆོས་རིག་དང་ཤེས་རིག་བཀའ་བློན་གཅིག་ལྕོགས་སུ་བསྐོ་བཞག བོད་ནང་ས་ཡོམ་རྐྱེན་པས་རྒྱ་གར་ལ་ཆུ་ལོག་གི་ཉེན་ཁ། བོད་མིའི་སྒྲིག་འཛུགས་ཀྱི་སྐུ་ཚབ་ནས་མངའ་སྡེའི་སྤྱི་ཁྱབ་བློན་ཆེན་གསར་པའི་དམ་འབུལ་མཛད་སྒོར་བཅར་བ། དམིགས་གསལ་ལེ་ཚན། ལ་དྭགས་བསོད་ནམས་གླིང་བོད་མིའི་གཞིས་ཆགས། Friday 29/12/2017 Dalai Lama arrives at Institute of Higher Tibetan Studies, Varanasi TYC youth group lobbies Indian politicians for Tibet support Incumbent Religion Kalon to also head Education Department Lakes formed by Tibet earthquake triggers Brahmaputra flood concern CTA Himachal Representative attends swearing in ceremony of HP CM DIASPORA FEATURE: Ladakh Sonam Ling Tibetan settlement

བཙོན་གྲོལ་རྗེས་སུའང་སུན་བརྩེར་དང་དཀའ་སྡུག་མྱོང་བཞིན་པའི་བོད་མི་ཆབ་སྲིད་བཙོན་ཟུར་གཞོན་ནུ་དཔལ་ལྡན་ལགས་ཀྱི་གནས་སྟངས་སྐོར་བཙན་བྱོལ་ནང་དུ་གནས་ཚུལ་གྱར་བའི་རྐྱེན་གྱིས་རྒྱ་ནག་གཞུང་གི་ཁོང་སླར་ཡང་བཟང་བཙོན་འོག་བཞག་འདུག བོད་མདོ་སྨད་རྨ་ཆུ་ཁུལ་ནས་ཡིན་པའི་གཞོན་ནུ་དཔལ་ལྡན་ལགས་ནི་ཕྱི་ལོ་ ༢༠༠༨ ལོའི་བོད་མི་ས་བྱི་ཞི་རྒོལ་ཆེན་མོའི་སྒེར་ལངས་སྐབས་རྨ་ཆུ་ནང་དུ་ལས་འགུལ་སྣེ་ཁྲིད་བྱས་པའི་ཉེས་འཛུགས་འོག་རྒྱ་གཞུང་གིས་ཕྱི་ལོ་ ༢༠༡༢ ལོར་འཛིན་བཟུང་གིས་ཟླ་བ་གཉིས་དང་ཕྱེད་ཀ་ཙམ་བཀག་ཉར་བྱས་རྗེས་ལོ་གཉིས་དང་ཟླ་བ་དགུའི་བཙོན་འཇུག་ཁྲིམས་ཐག་བཅད་ཡོད་པ་དེ་ལྟར་ཡང། བཀག་ཉར་འོག་ཁོང་ལ་ཚད་ལས་བརྒལ་བའི་སྡུག་སྦྱོང་མནར་གཅོད་བཏང་བའི་རྐྱེན་གྱིས་དེ་སྔ་ནད་གཞི་གང་ཡང་མེད་པའི་གཞོན་ནུ་དཔལ་ལྡན་ལགས་ཀྱི་གཟུགས་གཞི་གནས་སྟངས་ཛ་དྲགས་ཆགས་པའི་རྐྱེན་གྱིས་ཁོང་ཕྱི་ལོ་ ༢༠༡༣ ལོར་བཙོན་འཇུག་དུས་ཡུན་མ་ཚང་གོང་དུ་ཀློད་གྲོལ་བཏང་ཡོད་པ་རེད། ཉེ་ཆར་བཞུགས་སྒར་དུ་རྟེན་གཞིས་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་བསྟི་གནས་ཁང་གིས་གཞོན་ནུ་དཔལ་ལྡན་ལགས་ཀྱི་གནས་སྟངས་སྐོར་གནས་ཚུལ་སྤེལ་བའི་ནང། ཁོང་ཀློད་གྲོལ་རྗེས་ནས་བཟུང་གཤག་བཅོས་ཐེངས་གཉིས་བཏང་དགོས་འཁེལ་བའི་འོག་ནང་མིར་དཔལ་འབྱོར་གྱི་དཀའ་ངལ་འཕྲད་བཞིན་པ་མ་ཟད། འདི་ལོ་སློབ་ཞུགས་བྱེད་ལ་ཉེ་བའི་ཁོང་གི་བུ་མོ་སློབ་ཞུགས་སྙན་ཞུའི་ནང་སྐྱེས་ལོ་སྐྱེས་ཚེས་ནོར་བར་ཁ་གཡར་སྟེ་སློབ་ཞུགས་བྱ་རྒྱུར་བཀག་སྡོམ་བྱས་སྐོར་གསུངས་ཡོད་པ་རེད། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་བསྟི་གནས་ཁང་གི་དྲ་གནས་ཐོག་ད་ཆ་ཡང་བསྐྱར་གནས་ཚུལ་ཞིག་སྤེལ་བའི་ནང་དུ། ཁ་སང་སྔ་འདྲོ་ཚོུད་ ༡༠ པ་ཙམ་ལ་གཞོན་ནུ་དཔལ་ལྡན་ལགས་ས་གནས་ཉེན་རྟོགས་ལས་ཁུངས་སུ་ཤོག་ཟེར་ནས་བདེ་འཇགས་མི་སྣའི་རུ་ཁག་ཞིག་གིས་ཕྱི་དྲོ་ཚོུད་ ༧ པའི་བར་ཁོང་གི་གནས་ཚུལ་ཕྱི་ལ་གྱར་སྟངས་སྐོར་ལ་འདྲི་རྩད་དང། ཁོང་གི་ལག་ཐོ་ཁ་པར་སོགས་གཞུང་བཞེས་བཏང་པ་མ་ཟད། གཞུང་གི་བརྡ་ཁྱབ་མ་སླེབས་བར་དུ་རང་གི་ཁྱིམ་ནས་ཕྱིར་ཐོན་མི་ཆོག་པའི་བཙན་བཀའ་བཏང་ཡོད་པ་རེད། ད་ལྟའི་ཆར་ནང་མི་ཉེ་འབྲེལ་རྣམས་ནས་གཞོན་ནུ་དཔལ་ལྡན་ལགས་རྒྱ་གཞུང་གི་སླར་ཡང་བཙོན་འཇུག་ཁྲིམས་ཐག་བཅད་སྲིད་པ་དང། ཁོང་གི་གཟུགས་གཞིའི་གནས་སྟངས་ཇེ་སྡུག་ཏུ་འགྲོ་སྲིད་པའི་སེམས་འཚབ་ཆེན་པོ་བྱེད་བཞིན་པ་རེད་འདུག  

ཉན་པ།: Listen ཕབ་ལེན། Download ༸གོང་ས་མཆོག་ལ་ཁེ་ཆེའི་དབུ་ཁྲིད་ཅིག་ནས་ཆེས་བསྟོད་གཟེངས་རྟགས་ཕུལ་འདུག སྲིད་སྐྱོང་མཆོག་གིས་དོན་གྲུབ་དབང་ཆེན་ལགས་རང་དབང་ལུང་པའི་ནང་བདེ་འབྱོར་བྱུང་བར་དགའ་བསུའི་འཚམས་འདྲི་གནང་འདུག བོད་མི་ཆབ་སྲིད་བཙོན་ཟུར་ཞིག་སླར་ཡང་བཟང་བཙོན་འོག་བཞག་འདུག ཤེས་ཡོན་སྲིད་བྱུས་ལག་བསྟར་ཡོང་བར་ཕ་མར་གོ་རྟོགས་དགོས་གལ་ཡིན་པ་གསུངས་སོང་། འཕྲོད་བསྟེན་ཤེས་བྱ་ངོ་སྤྲོད། དགུན་དུས་ཟས་བཅུད་བསྟེན་སྟངས། Thursday 28/12/2017 Dalai Lama honored with Syedna Qutbuddin Harmony Prize in Delhi Dhundup Wangchen’s escape to California welcomed, Sikyong expresses relief Ailing former Tibetan political prisoner interrogated and put under house arrest Workshop on CTA’s Education Policy to Mevon Peton School teachers HEALTH FEATURE: Winter food safety

  བོད་མིའི་བླ་ན་མེད་པའི་དབུ་ཁྲིད་ སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ལ་ཤི་ཡ་ཁ་ཆེའི་ཆོས་ལུགས་ཀྱི་དབུ་ཁྲིད་ཞིག་ནས་ཆེས་བསྟོད་གཟེངས་རྟགས་ཤིག་ཕུལ་སོང་བ་དང་། གཟེངས་རྟགས་དེ་ནི་༸གོང་ས་སྐྱབས་མགོན་ཆེན་པོ་མཆོག་༸གང་ཉིད་ཀྱི་རྒྱལ་སྤྱིའི་ཁྱོན་དུ་ཞི་བདེ་གོང་འཕེལ་དང་ཆོས་ལུགས་དང་མི་རིགས་སོགས་དབྱེ་བ་མེད་པར་ཕན་ཚུན་མཐུན་འབྲེལ་གོང་འཕེལ་ལས་དོན་བཅས་ཀྱི་རླབས་ཆེན་མཛད་འཕྲིན་ལ་ཆེས་བསྟོད་ཞུས་པའི་གཟེངས་རྟགས་ཤིག་ཡིན་པ་རེད། དེ་ཡང་ད་རང་སྔ་དྲོ་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ནེ་རུ་གཙུག་ལག་སློབ་གྲྭའི་ནང་སློབ་གྲྭ་ཆེན་མོ་དེའི་ཨ་རབ་དང་ཨ་ཕི་རི་ཀའི་སློབ་གཉེར་བལྟེ་གནས་དང་།   Qutbi jubilee scholarship Program  ཞེས་ཁ་ཆེའི་ཚོགས་པ་གཉིས་ཐུན་མོང་གིས་གོ་སྒྲིག་ཞུས་པའི་ཆོས་ལུགས་མཐུན་འབྲེལ་གྱི་ལྷན་ཚོགས་ཤིག་གི་ཐོག་༸གོང་ས་སྐྱབས་མགོན་ཆེན་པོ་མཆོག་སྐུ་མགྲོན་གཙོ་བོའི་ངོ་བོར་གདན་ཞུ་གནང་ཡོད་པ་མ་ཟད།   འཛམ་གླིང་གི་ཆོས་ལུགས་ཆེ་ཁག་ཡེ་ཤུ་དང་ཁ་ཆེ། ཧིན་དྷུ། སིག་དང་ཇེན། མཇེའུ་སོགས་ཀྱི་བླ་ཆེན་དབུ་བཞུགས་གནང་བའི་ལྷན་ཚོགས་དེའི་ཐོག་ནས།   མགོན་པོ་༸གང་ཉིད་མཆོག་ལ་ཁ་ཆེའི་ཤི་ཡ་བྷོ་ར་ཆོས་ལུགས་ཀྱི་བླ་ཆེན་ Syedna Taher  Fakhruddin Saheb  མཆོག་ནས་ཆེས་བསྟོད་ཀྱི་གཟེངས་རྟགས་དེ་དང་དངུལ་འབོར་ཧིན་སྒོར་འབུམ་བཅུ་བཅས་ཕུལ་ཡོད་པ་རེད། ༸ གོང་ས་སྐྱབས་མགོན་ཆེན་པོ་མཆོག་གིས་སྐབས་དེར་ད་རེས་ JNU གཙུག་ལག་སློབ་གྲའི་སློབ་གཉེར་སྡེ་ཚན་དང་ཁ་ཆེའི་ཆོས་ལུགས་ཀྱི་ངོས་ནས་ལྷན་ཚོགས་དེ་ལྟར་ཞིག་གོ་སྒྲིག་ཞུས་ཐུབ་པར་ཐུགས་དགྱེས་ཚོར་ཆེན་པོ་བྱུང་བའི་སྐོར་དང་།   ལྷག་པར་དེང་སྐབས་འཛམ་གླིང་ནང་ཁ་ཆེའི་ཆོས་ལུགས་པ་ཚོར་ལྟ་སྟངས་ངན་པ་ཞིག་ཡོད་པ་དེ་ནི་ནོར་འཁྲུལ་ཆེན་པོ་ཞིག་ཡིན་པ་དང་།   མགོན་པོ་༸གང་ཉིད་ཀྱི་ངོས་ནས་དགུ་པའི་བཅུ་གཅིག་གི་དོན་རྐྱེན་དེའི་རྗེས་དངོས་སུ་ཕྱི་ལ་ཐོན་སྟེ་ཁ་ཆེའི་ཐོག་འཛིན་པའི་བསམ་ཚུལ་དེར་ཁས་ལེན་རྩ་བ་ནས་མེད་པ་གསལ་པོར་བཤད་ཀྱི་ཡོད་བཀའ་བསྩལ་གནང་བ་མ་ཟད།    སྤྱིར་སྟངས་ཆོས་ལུགས་ཆེ་ཁག་ཕན་ཚུན་ཙམ་མ་ཟད་ཆོས་ལུགས་གང་ཟག་ནང་ཁུལ་ཡང་ཕྲན་བུའི་རྙོག་ཁྲ་དེ་འདྲ་ཡོང་གི་ཡོད་པ་ཡིན་ནའང་།    སྤྱི་ཡོངས་ནས་ཆོས་ལུགས་ཚང་མའི་བསླབ་བྱ་དེ་ཞི་བདེ་མཉམ་གནས་བྱེད་རྒྱུ་དེ་ཡིན་སྟབས་རྒྱུན་དུ་བསམ་བློ་རྒྱ་ཆེ་ས་ནས་གཏོང་དགོས་པ་སོགས་ཀྱི་ལམ་སྟོན་བཀྲིན་བསྩལ་ཡོད་པ་རེད། གཞི་རྩའི་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་རྒྱ་གར་ལྷོ་ཕྱོགས་ཁུལ་གྱི་མཛད་འཆར་ཁག་ལེགས་པར་གྲུབ་སྟེ་ཁ་སང་རྒྱ་གར་གྱི་རྒྱལ་ས་ལྡི་ལིར་ཞབས་སོར་འཁོད་ཡོད་པ་དང་།     མགོན་པོ་༸གང་ཉིད་མཆོག་སང་ཉིན་མཛད་ཆར་སྔོན་སྒྲིག་ལྟར་རྒྱ་གར་ཡུ་སྤི་མངའ་སྡེའི་ཝ་ར་ན་སིར་ཆིབས་བསྒྱུར་གནང་གི་ཡོད་པ་རེད།      

འཇིགས་བྲལ་ཞེས་པའི་གློག་བརྙན་བཟོ་བསྐྲུན་གནང་བའི་རྐྱེན་གྱིས་རྒྱ་ནག་གི་བཙོན་ཁང་དུ་ལོ་དྲུག་བཙོན་འཇུག་བྱས་མྱོང་ཡོད་པ་སྐུ་ཞབས་དོན་གྲུབ་དབང་ཆེན་ལགས་བོད་ནས་བྲོས་བྱོལ་གྱིས་ཨ་རི་ California མངའ་སྡེའི་San Fransicco གྲོང་ཁྱེར་དུ་བདེ་འབྱོར་བྱུང་འདུག དོན་གྲུབ་དབང་ཆེན་ལགས་སུད་སི་བརྒྱུད་ཟླ་བ་འདིའི་ཚེས་ ༢༥ ཉིན་ San Fransicco གྲོང་ཁྱེར་དུ་གནས་སྡོད་ཁོང་གི་ནང་མི་དང་མཉམ་འཛོམས་བྱུང་ཡོད་པ་དང། རང་ཁྱིམ་དུ་འབྱོར་མ་ཐག་ཁོང་གིས་ད་རེས་ལོ་མང་རྗེས་རང་དབང་ལུང་པའི་ནང་འབྱོར་བར་དགའ་སྤྲོ་དཔག་མེད་བྱུང་ཡོད་སྐོར་འགྲེལ་བརྗོད་གནང་པ་དང་ཆབས་གཅིག རང་ཉིད་ཀྱི་ཕ་ཡུལ་བཞག་ནས་བྲོས་བྱོལ་དུ་ཕེབས་དགོས་བྱུང་བར་སེམས་ལ་ན་ཟུག་ཆེན་པོ་གཏོང་བཞིན་ཡོད་པའི་འགྲེལ་བརྗོད་ཀྱང་གནང་འདུག གཞི་རྩའི་དོན་གྲུབ་དབང་ཆེན་ལགས་དང་ཁོང་གི་ཕྱག་རོགས་མགོ་ལོག་འཇིགས་མེད་ལགས་ཀྱིས་ཕྱི་ལོ་༢༠༠༨ལོའི་པེ་ཅིངཨོ་ལམ་སྤིག་རྩེད་འགྲན་གོང་ཙམ་དུ་བོད་ནང་གི་བོད་མི་མང་དག་ཞིག་ལ་ཨོ་ལམ་སྤིག་རྩེད་འགྲན་དང་བོད་ནང་གི་གནས་སྟངས། ༸གོང་ས་མཆོག་ལ་དད་པ་དམ་ཚིག་སོགས་ཀྱི་སྐོར་ལ་བཅར་དྲི་ཞུས་པའི་གློག་བརྙན་འཇིགས་བྲལ་ཞེས་པ་ཞིག་བཟོ་བསྐྲུན་གནང་རྗེས། ཁོང་ལོ་དེ་རང་གི་ཕྱི་ཟླ་ ༣ ཚེས་ ༢༦ ཉིན།མཚོ་སྔོན་ཟི་ལིང་ནས་འཛིན་བཟུང་གིས་རྒྱ་ནག་གི་བཙོན་འོག་ནང་ལོ་ ༦ གྱི་བཙོན་འཇུག་ཁྲིམས་ཆད་མྱངས་རྗེས་ཕྱི་ལོ་༢༠༡༤ལོའི་ཕྱི་ཟླ་ ༦ པའི་ནང་ཀློད་གྲོལ་བཏང་ཡོད་པ་རེད། ཁོང་གི་ཕྱག་རོགས་ མགོ་ལོག་འཇིགས་མེད་ལགས་ཀྱང་སྔ་ཕྱི་ཐེངས་ ༣ ཙམ་ལ་རྒྱ་གཞུང་གིས་འཛིན་བཟུང་བྱས་ཏེ་རྡུང་རྡེག་མནར་གཅོད་མང་པོ་བཏང་ཡོད་པ་དང། ཁོང་༢༠༡༢ ཟླ་ ༩ པའི་ནང་བཙོན་ཁང་ནས་བྲོས་བྱོལ་གྱིས་ཕྱི་ལོ་༢༠༡༤ལོའི་ཕྱི་ཟླ་༥པའི་ནང་རྒྱ་གར་ལ་བདེ་འབྱོར་བྱུང་ཡོད་པ་རེད། ཤེས་རྟོགས་བྱུང་བར་གཞིགས་ན། དོན་གྲུབ་དབང་ཆེན་ལགས་ཀྱི་ཉིན་ཤས་རྗེས་གསར་འགོད་ལྷན་ཚོགས་ཞིག་གནང་གི་ཡོད་པ་རེད་འདུག