Tibetan Royal Year of 2151 | Year of the Wood Dragon

ARCHIVE

Monthly Archives: July, 2017

རང་ལུས་མེར་སྲེག་གནང་མཁན་དེ་ནོར་གླིང་ལས་བྱེད་པ་སངས་དོན་གྲུབ་ཡིན་པ་གསུངས་སོང་།

ཡིག་ཆ་དང་དངོས་པོ་སོགས་ཁག་ཅིག་ལ་དཔྱད་ཞིབ་བྱས་རྗེས་རྡ་རམ་ས་ལ་མེག་ལོར་འབྲེལ་ཡོད་ས་གནས་ཉེན་རྟོག་པ་གཙོ་འཛིན་སྐུ་ཞབས་ Surender Rana ལགས་དང་ས་གནས་འགོ་འཛིན་ཟླ་བ་རིན་ཆེན་ལགས་གཉིས་ཀྱིས་ཁ་ཉིན་ཕྱི་ཚེས་ ༢༩ ཉིན་རྒྱབ་སྐོར་ལམ་དུ་རང་ལུས་མེར་སྲེག་གནང་མཁན་དེ་བཞུགས་སྒར་ཉེ་འཁྲིས་ནོར་བོད་ཀྱི་རིག་གཞུང་གཅེས་སྐྱོང་ཁང་གི་ཤིང་ཚོན་སྡེ་ཚན་གྱི་ལས་བྱེད་དོན་གྲུབ་ཡིན་པ་གསུངས་སོང་། རྩ་བའི་པ་སངས་དོན་གྲུབ་འམ་དོན་གྲུབ་ལགས་ནི་ད་ལྟར་ལོ་ ༤༩ ཡིན་པ་དང་ཕ་ཡུལ་རྒྱང་རྩེ་ནས་ཡིན་ཞིང་། ཕ་མིང་ལ་ཡེ་ཤེས་ཚེ་རིང་དང་མ་མིང་ལ་བཅོ་ལྔ་ལྷ་མོ་རེད་འདུག རང་སྲེག་མ་གནང་གོང་བཞུགས་སྒར་གྱི་ཉེ་འཁྲིས་སུ་ཡོད་པའི་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་ཤིང་ཚོན་སྡེ་ཚན་གྱི་ལས་མི་ཡིན་པ་མ་ཟད། དེ་སྔ་ཕྱི་ལོ་ ༢༠༡༢ ལོར་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་དུ་འཛུལ་ཞུགས་གནང་འདུག ཁོང་དེ་སྔ་སྦིར་སློབ་གྲྭ་ནས་འཛིན་རིམ་བཅུ་པ་སློབ་ཐོན་ཟིན་པའི་ལག་འཁྱེར་ཡང་འདུག ཁ་ཉིན་རང་ལུས་མེར་སྲེག་གི་དོན་རྐྱེན་ཐོག་དཔྱད་ཞིབ་གནང་མཁན་འབྲེལ་ཡོད་ས་གནས་ཉེན་རྟོག་པ་གཙོ་བོ་སྐུ་ཞབས་Surender Rana ལགས་ཀྱིས་འདི་ག་རླུང་འཕྲིན་ཁང་གི་བཅར་འདྲི་དང་ལེན་གནང་སྟེ། ཐེངས་འདིའི་རང་སྲེག་རྗེས་འབྲེལ་ནས་དེ་རིང་བར་གྱི་བརྒྱུད་རིམ་ཆ་ཚང་འགྲེལ་བརྗོད་གནང་སོང་བ་མ་ཟད། ལྷག་པར་དུ་ཁ་ཉིན་རང་ལུས་མེར་སྲེག་གནང་མཁན་གྱི་ས་ཚིགས་ནས་རྙེད་པའི་ལྡེ་མིག་དེ་ནོར་གླིང་ཉེ་འཁྲིས་སུ་བཞུགས་པའི་དོན་གྲུབ་ལགས་ཀྱི་ཁང་པའི་ལྡེ་མིག་ཡིན་པ་དང་། དེ་བཞིན་སིལ་ལྷམ་ཐོག་གི་ཚོན་དང་ནང་ནས་རྙེད་པའི་གྱོན་ཆས་ཐོག་གི་ཚོན། ཕུང་པོ་དང་ནང་ནས་བརྙེད་པའི་པར། ད་དུང་རྒྱ་གར་སྐྱབས་བཅོལ་ལག་དེབ་དང་བཙན་བྱོལ་བོད་མིའི་དང་བླངས་དཔྱ་དངུལ་ལག་དེབ་སོགས་དངོས་རྫས་ཁག་ཅིག་ནས་བོད་མི་རང་ལུས་མེར་སྲེག་གནང་མཁན་དེ་ཕལ་ཆེར་དོན་གྲུབ་ཡིན་པ་ཤེས་རྟོགས་བྱུང་ཡོང་གི་འདུག་ཅེས་གསུངས་སོང་། ས་གནས་འགོ་འཛིན་ཟླ་བ་རིན་ཆེན་ལགས་ཀྱིས་དེ་རིང་སྔ་དྲོ་གསར་འགོད་ལྷན་ཚོགས་ཐོག་རང་སྲེག་གནང་མཁན་དེ་བོད་མི་ཞིག་ཡིན་པ་ར་སྤྲོད་གཙང་མ་བྱུང་ཡོད་པ་རེད། འོན་ཀྱང་ད་ལྟ་ནོར་གླིང་གི་འགན་འཛིན་གཞོན་པ་ཚེ་རིང་ཕུན་ཚོགས་ལགས་ཀྱིས་ཞལ་པར་བརྒྱུད་ནས་དེ་གར་དུ་ཕུང་པོ་དང་མཉམ་དུ་རྙེད་པའི་སིལ་ལྷམ་སོགས་ལ་དཔྱད་ཚེ་དོན་གྲུབ་ཡིན་པར་དོགས་གཞི་ཡོད་སྐོར་གསུངས་པ་དང་། དེ་བཞིན་རེས་གཟའ་སྤེན་པའི་ཉིན་ལས་ཁུངས་ལ་སླེབས་མེད་པ་གསུངས་ནས་ང་འདིར་བཅར་རོགས་ཞེས་གསུངས་པ་ལྟར་ངས་རྒྱ་གར་གྱི་ཉེན་རྟོག་པ་འཁྲིད་ནས་དོན་གྲུབ་ལགས་ཀྱི་སྡོད་གནས་སུ་ཕྱིན་པ་དང་། དེ་སྔོན་ཕུང་པོའི་ཉེ་འཁོར་ནས་ལྡེ་མིག་གཅིག་རྙེད་སོན་བྱུང་བ་དེ་ཁོང་གི་ཁང་པའི་སྒོ་ལྕགས་ཕྱེ་ཐུབ་པ་དེས་ལྡེ་མིག་དེ་དོན་གྲུབ་ཀྱི་ཡིན་པ་དང་། ཁང་པ་དེའི་ནང་གི་ཅ་དངོས་དང་རྒྱ་གར་དུ་གནས་སྡོད་ཆོག་པའི་ལག་དེབ་ RC རྡ་ས་ཁོར་ཡུག་གཙང་བཟོ་ལག་དེབ། བཙན་བྱོལ་བོད་མིའི་དང་བླངས་དཔྱ་དངུལ་ལག་དེབ་སོགས་ལ་བརྟག་དཔྱད་གནང་མཐར་ཁ་ཉིན་རང་སྲེག་གནང་མཁན་དེ་ཁོང་ཡིན་པར་ཕལ་ཆེར་ར་སྤྲོད་་ཐུབ་སྐོར་གསུངས་སོང་། གཞི་རྩའི་དོན་གྲུབ་ལགས་ཀྱི་བཞུགས་སྒར་སྐོར་ལམ་དུ་རང་ལུས་མེར་སྲེག་གནང་པའི་ས་ཚིགས་དེ་ནས་ལྡེ་མིག་ཆ་གཅིག་དང་། ལྷག་པར་རས་ཁུག་དམར་པོ་ཞིག་གི་ནང་དུ་བོད་ཀྱི་རྒྱལ་དར་དང་ཉི་གདུགས་ནག་པོ་གཅིག ཧིན་སྒོར་ཤོག་ལོར་ ༨༠༠ དེ་བཞིན་ཤོག་བུ་དཀར་པོའི་སྟེང་དབྱིན་སྐད་ཐོག་ Dalai lama 80th happy birthday Nyima Gyalpo ཞེས་དང་། ད་དུང་ནོར་གླིང་ས་གནས་ཀྱི་བརྙན་འཕྲིན་ལས་མི་ཞིག་གི་ཁ་པར་ཨང་བཅས་སོགས་འཁོད་ཡོད་སྟབས། འདི་ག་རླུང་འཕྲིན་ཁང་ནས་དཔྱད་ཞིབ་བྱས་པའི་ཁྲོད་རང་ལུས་མེར་སྲེག་གནང་མཁན་དོན་གྲུབ་ལགས་ནི་ཤིང་ཚོན་སྡེ་ཚན་གྱི་རྒན་ཉི་མ་རྒྱལ་པོ་ལགས་ཀྱི་ཁྱབ་ཁོངས་ལས་བྱེད་ཡིན་པ་དང་ཤོག་བུ་དེ་དང་དེའི་སྟེང་གང་བྲིས་ཡོད་པ་དེ་རྒན་ཉི་མ་རྒྱལ་པོ་ལགས་ཀྱི་ཕྱག་བྲིས་རེད་འདུག ད་དུང་ཤོག་བུ་དེའི་སྟེང་ཁུལ་དེའི་བརྙན་འཕྲིན་ལས་མི་ཞིག་གི་ཁ་པར་ཨང་གྲངས་ཡོད་པ་དེ་ནི་པ་སངས་དོན་གྲུབ་ལགས་ནས་ཁ་ཉིན་རང་ལུས་མེར་སྲེག་མ་བཏང་གོང་དུ་ནོར་གླིང་ལས་བྱེད་ལ་བཀའ་འདྲི་ཞུས་འདུག པ་སངས་དོན་གྲུབ་ལགས་དང་འདྲིས་ཆེ་ཤོས་གྲས་ཡིན་པ་རྒན་ཉི་མ་རྒྱལ་པོ་ལགས་སུ་ཁོང་གང་ནས་ཡིན་པ་སོགས་བཅར་འདྲི་ཞུས་ཡོད། པ་སངས་དོན་གྲུབ་ལགས་ཀྱི་བཞུགས་གནས་ནོར་གླིང་ཉེ་འཁྲིས་རྒྱ་གར་བ་ཁང་བདག་ Ishwar Dass ལགས་ལ་བཅར་འདྲི་ཞུས་པར་པ་སངས་དོན་གྲུབ་ལགས་ཉེ་ཆར་གནས་སྤོ་ཟིན་ཙམ་རེད། འོན་ཀྱང་ཁོང་མི་ཉམ་ཆུང་དང་སྐད་ཆ་ཉུང་ཉུང། རྙོག་གྲ་རིགས་གཏན་ནས་མེད་མཁན་ཞིག་ཡིན་པ་གསུངས་ སོང་། གཞི་རྩའི་པ་སངས་དོན་གྲུབ་ལགས་ཀྱིས་རང་ལུས་མེར་སྲེག་གནང་ཡུལ་སྐོར་ལམ་དེ་ནི་ས་ཆ་ཏོག་ཙམ་ཁུག་སྐྱོག་ཆགས་ཡོད་སྟབས། སྐབས་དེ་དུས་དངོས་སུ་མཐོང་མཁན་མི་རེ་ཟུང་མ་གཏོགས་བྱུང་མེད་པ་དང་།  ཁོང་རྣམ་པས་བོད་མི་ཞིག་ཡིན་པ་ར་སྤྲོད་བྱས་པ་མ་ཚད་༸རྒྱལ་བ་རིན་པོ་ཆེ་༸སྐུ་ཚེ་ཁྲི་ལོར་བརྟན་པར་ཤོག་ཅེས་པའི་འབོད་ཚིག་སྒྲོག་ཡོད་པ་གསུངས་ཡོད། ཁ་ཉིན་པ་སངས་དོན་གྲུབ་ལགས་ཀྱིས་རང་ལུས་མེར་སྲེག་གནང་ས་དང་དེ་བཞིན་དེ་རིང་ཁོང་གི་ནང་ནས་ད་བར་ཞལ་ཆེམས་ཡི་གེ་རིགས་གང་ཡང་རྙེད་མེད་པ་རེད། ཤེས་རྟོགས་བྱུང་བར་ས་གནས་ཀྱི་ཉེན་རྟོག་དང་འབྲེལ་ཡོད་ཚན་པས་རིམ་བཞིན་པ་སངས་དོན་གྲུབ་ལགས་ཀྱི་སྐུ་ཕུང་རྡ་ས་ས་གནས་འགོ་འཛིན་ལ་རྩིས་སྤྲོད་གནང་གི་འདུག་པ་དང་། དེ་ནས་ནོར་གླིང་རིག་གཞུང་གཅེས་སྐྱོང་ཁང་ནས་འགན་རྐང་བཞེས་གནང་གི་འདུག སྐུ་ཕུང་ཞུགས་འབུལ་ག་དུས་གནང་མིན་སོགས་ཀྱི་ཚེས་གྲངས་ད་ལྟའི་ཆར་གཏན་འཁེལ་གནང་མི་འདུག་པས་རིམ་པས་གསར་འགྱུར་ནང་རྒྱང་སྲིང་ཞུ་རྒྱུ་ཡིན།

རེས་གཟའ་ཟླ་བ། ༢༠༡༧།༠༧།༣༡

ཉན་པ།: Listen ཕབ་ལེན། Download ཇ་མུ་ཀཤྨིར་སྤྱི་ཁྱབ་བློན་ཆེན་མཆོག་ནས་༸གོང་ས་མཆོག་ལ་མཇལ་བཅར་ཞུས་པ། ཁ་ཉིན་རང་སྲེག་གནང་མཁན་དེ་ནོར་གླིང་ལས་བྱེད་པ་སངས་དོན་གྲུབ་ཡིན་པ་གསུངས་སོང་། དོན་ངོ་མ་བོད་དོན་ཆེད་ཡིན་ཡང་མང་དྲག་སོང་ཞེས་འབོད་སྐུལ་གནང་བཞིན་འདུག རྒྱ་གཞུང་གིས་རང་སྲེག་གནང་མཁན་བོད་མི་གསུམ་སྔ་རྗེས་གློད་བཀྲོལ་བཏང་འདུག Monday 31/07/2017 Chief Minister of Jammu and Kashmir calls on the Dalai Lama Dharamsala self immolator identified as Dhundup from Norbulingka Institute Even if it was for Tibet, it’s enough: Tibetan netizens express frustration and sadness Kirti self immolator released after 6 years

རྒྱ་གཞུང་གིས་རང་སྲེག་གནང་མཁན་བོད་མི་གསུམ་གློད་བཀྲོལ་བཏང་འདུག

རང་ལུས་མེར་བསྲེགས་བཏང་ནས་རྒྱ་གཞུང་ལ་ཞི་རྒོལ་གནང་རྐྱེན་འཛིན་བཟུང་བྱས་པའི་བོད་མིའི་ཁྲོད་ནས་རྔ་བ་ཀིརྟི་དགོན་པའི་དགེ་འདུན་པ་གསུམ་དུས་ཚོད་སྔ་རྗེས་སུ་གློད་བཀྲོལ་བཏང་འདུག དེའང་ཟླ་བ་འདིའི་ཚེས་ ༢༩ ཉིན་གྲྭ་བློ་བཟང་སྐལ་བཟང་ལགས་རྔ་བ་ཏིག་ཡང་བཙོན་ཁང་ནས་གློད་གྲོལ་བཏང་ཡོད་པ་དང་། ཁོང་ནི་དེ་སྔོན་༢༠༡༡ ལོ་ཟླ་ ༣ ཚེས་ ༡༦ ཉིན་རང་ལུས་མེར་སྲེག་གནང་མཁན་གྲྭ་ཕུན་ཚོགས་ལགས་ཀྱི་ཚ་བོ་ཡིན་པ་རེད་འདུག གཞི་རྩའི་ཕྱི་ལོ་ ༢༠༡༡ ཟླ་ ༩ ཚེས་ ༢༦ ཉིན་བོད་ནང་གི་སྔ་དྲོ་ཚོུད་ ༡༠།༠༠ ཡས་མས་ཤིག་ལ་བོད་མདོ་སྨད་རྔ་བ་ཀིརྟི་དགོན་གྱི་རང་ལོ་ ༡༨ སོན་པའི་གྲྭ་བློ་བཟང་སྐལ་བཟང་ལགས་དང་རང་ལོ་ ༡༨ ཡིན་པའི་གྲྭ་བློ་བཟང་དཀོན་མཆོག་ལགས་རྣམ་གཉིས་ཀྱིས་༸རྒྱལ་བ་རིན་པོ་༸སྐུ་ཚེ་ཁྲི་ལོར་བརྟན་པར་ཤོག བོད་ལ་ཆོས་དད་རང་དབང་དགོས་ཞེས་རྔ་པ་རྫོང་གི་ཁྲོམ་གཞུང་དུ་རང་སྲེག་གནང་བཞིན་ཞི་རྒོལ་གནང་ནས་དུས་ཡུན་རིང་པོ་མ་འགོར་བར་རྒྱ་གཞུང་གི་དྲག་ཆས་ཉེན་རྟོག་མི་སྣ་འབྱོར་ནས་ཁོང་གཉིས་འཛིན་བཟུང་བྱས་རྗེས་ད་བར་ལོ་ངོ་དྲུག་ཙམ་རིང་གར་སོང་ཆ་མེད་དུ་གྱུར་ཡོད་པ་རེད། དེ་བཞིན་ཁོང་གི་རོགས་པ་རྔ་བ་ཀིརྟི་དགོན་གྱི་གྲྭ་བློ་བཟང་དཀོན་མཆོག་ལགས་འདིའི་ལོ་ཟླ་ ༣ ཚེས་ ༢༨ མཚནམོར་རྒྱ་ནག་ཟི་ཁྲོན་དན་ཡང་བཙོན་ཁང་ནས་གློད་བཀྲོལ་བཏང་ཡོད་པ་དང་། དྲག་ཆས་ཉེན་རྟོག་དམག་མིས་གསང་སྟབས་འོག་ནས་རང་ཁྱིམ་དུ་བསྐྱེལ་ཡོད་པ་དང་། ཁོང་རང་ཁྱིམ་དུ་འབྱོར་སྐབས་རྐང་པ་གཡས་པ་བཏུབ་ཡོད་པ་མ་ཟད་གཟུགས་གཞིའི་གནས་སྟངས་ཆེས་ཞན་པོ་ཆགས་ཡོད་པ་རེད་འདུག དེ་མིན་ཕྱི་ལོ་ ༢༠༡༢ ལོར་རྒྱ་གཞུང་གིས་བཙན་གནོན་ལ་ཞི་རྒོལ་སླད་རང་སྲེག་གནང་མཁན་གྲྭ་བློ་བཟང་རྒྱ་མཚོ་ལགས་ཀྱང་སྔ་ལོ་ ༢༠༡༦ ཟླ་ ༥ ཚེས་ ༡༠ ཉིན་རྒྱ་ནག་ཟི་ཁྲོན་ཏན་ཡང་བཙོན་ཁང་ནས་གློད་བཀྲོལ་བཏང་ཡོད་པ་རེད་འདུག ད་ལྟའི་ཆར་ཁོང་གི་གཟུགས་གཞིའི་གནས་སྟངས་ཇི་ཆགས་སོགས་ཀྱི་གནས་ཚུལ་ཞིབ་ཕྲ་ཤེས་རྟོགས་ཐུབ་ཀྱི་མེད་པ་རེད། འདི་གའི་ས་གནས་གསར་འགོས་པས་ཁུངས་ལྡན་གནས་ཚུལ་ཤེས་རྟོགས་ཡོད་པའི་བོད་མི་ཞིག་ལ་བཅར་འདྲི་ཞུས་དོན་ལྟར་ཁོང་གིས་བཙོན་གྲོལ་དང་འབྲེལ་བའི་ཁུངས་ལྡན་གནས་ཚུལ་འགྲེལ་བརྗོད་གནང་ཡོད་པ་རེད། རྩ་བའི་རྒྱ་གཞུང་གིས་འདི་ལོ་ནང་བོད་དོན་སླད་རང་སྲེག་གནང་མཁན་བོད་མི་གསུམ་བཙོན་གྲོལ་བཏང་འདུག

ཇ་མུ་ཀཤྨིར་སྤྱི་ཁྱབ་བློན་མཆོག་ནས་༸གོང་ས་མཆོག་ལ་མཇལ་བཅར་ཞུས་པ།

དེ་རིང་ཕྱི་ཟླ་ ༧ ཚེས་ ༣༠ བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པ་མཆོག་གིས་རྒྱ་གར་བྱང་ཕྱོགས་ལ་དྭགས་ཁུལ་དུ་ཉིན་མཐའ་མའི་ཆོས་འབྲེལ་ལེགས་གྲུབ་ཀྱི་མཛད་སྟོན་ཐོག་རྒྱ་གར་བྱང་ཕྱོགས་ཇ་མུ་ཀཤྨིའི་མངའ་སྡེའི་སྤྱི་ཁྱབ་བློན་ཆེན་ལྕམ་སྐུ་ Mehbooba Mufti མཆོག་ཆེད་བཅར་གྱིས་༸གོང་ས་མཆོག་དང་མཇལ་འཕྲད་ཞུས་པ་དང་འབྲེལ། མགོན་པོ་༸གང་ཉིད་མཆོག་ནས་ཇ་མུ་ཀཤྨིར་མངའ་སྡེའི་ས་གནས་གང་སར་ཆིབས་བསྒྱུར་ཡང་ཡང་མཛད་ནས་མངའ་ཁུལ་འདིའི་ནང་དུ་ཞི་བདེ་ལྷིང་འཇགས་ཡོང་རྒྱུར་ཐུགས་སྨོན་གནང་སྐྱོང་ཡོང་བར་གསོལ་འདེབས་དང་འབོད་སྐུལ་ཤུགས་དྲག་ཞུས་སོང་། མཛད་སྟོན་དེའི་ཐོག་སྤྱི་ཁྱབ་བློན་ཆེན་ལྕམ་སྐུ་མུཧྥ་ཏི་མཆོག་གིས་ཁོང་རང་ཉིད་ད་རེས་༸གོང་ས་མཆོག་དབུ་བཞུགས་ཀྱི་མཛད་སྟོན་ཐོག་ལྷན་བཅར་ཞུས་ཐུབ་པ་འདི་ནི་སྐལ་པ་བཟང་པོ་ཞིག་ཏུ་ངོས་འཛིན་ཞུ་བཞིན་ཡོད་པ་མ་ཟད། ཇ་མུ་ཀཤྨིར་མང་ཚོགས་སྤྱི་དང་ལྷག་པར་དུ་ལ་དྭགས་ནང་དུ་༸གོང་ས་མཆོག་ལོ་ལྟར་ཆིབས་སྒྱུར་མཛད་ནས་མང་ཚོགས་ལ་ཐུགས་བརྩེའི་བྱིན་རླབས་ཡང་ཡང་བསྩལ་བ་ནི་ལ་དྭགས་མང་ཚོགས་ཚོར་ཧ་ཅང་སྐལ་པ་བཟང་པོ་ཞིག་ཡིན་པ་གསུངས་པ་དང་ཆབས་ཅིག སླད་ཕྱིན་མགོན་པོ་༸གང་ཉིད་མཆོག་སྐུ་ཁམས་གསལ་ཐང་ཐོག་ལོ་ལྟར་མངའ་ཁུལ་འདིར་ཆིབས་སྒྱུར་མཛད་དེ་ས་གནས་ཀྱི་མང་ཚོགས་ལ་ཐུགས་བརྩེའི་བྱིན་རླབས་ཡང་ཡང་ཅི་ནས་ཀྱང་བསྩལ་གནང་ཡོང་བར་གསོལ་འདེབས་ཤུགས་དྲག་དང་བཅས་ཞུས་ཡོད་པ་རེད། དེ་བཞིན་ཁོང་གིས་༸གོང་ས་མཆོག་ནས་ཆིབས་སྒྱུར་མཛད་ཡུལ་ས་ཁུལ་ཁག་གི་མང་ཚོགས་ལ་ཞི་བདེའི་ཁོར་ཡུག་ཞིག་སྐྲུན་ཡོད་པ་དང་། ལྷག་དོན་མགོན་པོ་༸གང་ཉིད་མཆོག་ལ་དྭགས་སུ་འདས་པའི་ལོ་ངོ་དེ་དག་ནང་ཆིབས་སྒྱུར་གྱིས་ཐུགས་རྗེ་ཆེན་པོས་བཀའ་སློབ་ཟབ་མོ་བསྩལ་བ་བཅས་ལ་བརྟེན་ནས་ལ་དྭགས་མང་ཚོགས་ཀྱི་འཚོ་བའི་ནང་དུ་བཟང་ཕྱོགས་ཀྱི་འགྱུར་ལྡོག་ཆེན་པོ་ཕྱིན་ཡོད་པར་ཡི་རངས་བསྔགས་བརྗོད་ཞུས་པ་མ་ཟད། ཁོང་གིས་སྣེ་ཁྲིད་པའི་གཞུང་འཛིན་གྱི་ངོས་ནས་ལ་དྭགས་འདི་མ་འོངས་པར་རྒྱ་གར་ནང་ཙམ་མིན་པར་འཛམ་གླིང་ཐོག་གི་ས་གནས་ཨང་དང་པོ་ཞིག་བཟོ་རྒྱུའི་འཆར་གཞི་ཡོད་པ་ལྟར་ལ་དྭགས་བརྒྱུད་ནས་ས་གནས་ཡུལ་མི་ཚོ་བོད་ནང་ཡོད་པའི་གངས་རིན་པོ་གནས་མཇལ་ཞུ་བར་འགྲོ་ཐུབ་རྒྱུར་རེ་བ་གནང་བཞིན་ཡོད་ཅེས་གསུངས་སོང་། སྤྱི་ཁྱབ་བློན་མཆོག་གིས་ད་དུང་ཡང་༸གོང་ས་མཆོག་གིས་ཁ་ཆེ་ཆོས་ལུགས་དེ་འཛམ་གླིང་ཐོག་ཡོད་པའི་ཆོས་ལུགས་ཆེ་ཁག་གཞན་ལྟར་སྤྱི་ཚོགས་ཁྲོད་ལ་བྱམས་བརྩེ་དང་ཞི་བདེ་སྤེལ་མཁན་གཅིག་མཚུངས་ཡིན་པ་མ་ཟད། ཁྱད་པར་དུ་འཛམ་གླིང་ཐོག་གི་མང་ཚོགས་ལ་ཁ་ཆེའི་ཆོས་ལུགས་འཛིན་མཁན་དང་། ཁ་ཆེ་དྲག་སྤྱོད་པ་ཞེས་པ་གཉིས་མཉམ་བསྲེས་བྱེད་རྒྱུ་མེད་པར་བཀའ་ནན་བསྩལ་བཅས་ལ་བརྟེན་ནས་ཁོང་རང་ཉིད་ལ་སེམས་སྐུལ་ཤུགས་ཆེ་ཐེབས་སོང་ཞེས་གསུངས་པ་དང་འབྲེལ། སླད་མར་༸གོང་ས་མ ཆོག་ནས་ཇ་མུ་ཀཤྨིར་མངའ་སྡེའི་ས་ཁུལ་གང་སར་ཆིབས་བསྒྱུར་ཡང་ཡང་གནང་སྐྱོང་ཡོང་བར་འབོད་སྐུལ་ཞུས་ཡོད་པ་རེད། མགོན་པོ་༸གང་ཉིད་མཆོག་གིས་ཇ་མུ་ཀཤྨིར་མངའ་སྡེ་འདིའི་ནང་ལོ་བཅུ་ཕྲག་ཁ་ཤས་རིང་དཀའ་ངལ་ཕྲན་བུ་འཕྲད་བཞིན་ཡོད་པ་དང་། དཀའ་ངལ་དེ་ནི་གཙོ་བོ་མིས་བཟོས་པ་ཞིག་ཡིན་པས་མི་རང་ཉིད་ནས་སེལ་དགོས་པ་དང་། དེ་ཡང་གཙོ་བོ་འགྲོ་བ་མི་ཕན་ཚུན་དབར་ལ་གཅིག་འགྱུར་གྱི་འདུ་ཤེས་འཛིན་ཐོག་གུ་ཡངས་ཀྱི་བསམ་བློ་གཏོང་ནས་སེལ་དགོས་པའི་ལན་སྟོན་མཛད་ཡོད་པ་རེད། མཐར་༸གོང་ས་མཆོག་གིས་༸གང་ཉིད་མཆོག་སྐུ་གཟུགས་གསལ་ཐང་བྱུང་ཚེ་ལོ་རྗེས་མ་སླར་ལ་དྭགས་སུ་ཆིབས་བསྒྱུར་མཛད་རྒྱུ་ཡིན་ཞེས་བཀའ་བཞེས་བཟང་པོ་སྨིན་སྩལ་མཛད་ཡོད་པ་རེད། གཞན་ཡང་མགོན་པོ་མཆོག་ལ་ལ་དྭགས་ཁུལ་དུ་ཆིབས་སྒྱུར་གསོལ་འདེབས་དང་གོ་སྒྲིག་ཞུ་མཁན་ལ་དྭགས་ནང་ཚོགས་ཀྱི་ཚོགས་གཙོ་ཚེ་དབང་འཕྲིན་ལས་ལགས་ཀྱིས་སེམས་ཚོར་ཆེན་པོ་དང་སྦྲགས་ཏེ་༸གོང་ས་མཆོག་ལོ་ལྟར་ལ་དྭགས་སུ་ཆིབས་བསྒྱུར་བཀྲིན་བསྐྱངས་ནས་མང་ཚོགས་ལ་བཀའ་ཆོས་བཀྲིན་བསྐྱངས་པར་ཐུགས་རྗེ་བླ་མེད་དུ་ཆེ་ཆེ་ཞུས་པ་དང་ཆབས་ཅིག་ཏུ་༸གང་ཉིད་མཆོག་ནས་བཀའ་སློབ་ཕེབས་དོན་བཞིན་ང་ཚོའི་ངོས་ནས་དུས་རབས་ཉེར་གཅིག་པའི་ནང་པ་ཞིག་བྱེད་རྒྱུར་འབད་བརྩོན་ཞུ་རྒྱུ་ཡིན་ཞེས་དམ་བཅའ་ཕུལ་སོང་། རྩ་བའི་སྔ་དྲོ་མགོན་པོ་༸གང་ཉིད་མཆོག་གིས་ཕྱི་ནང་གི་དད་ལྡན་ཆོས་ཞུ་བ་སྟོང་ཕྲག་བརྒལ་བར་སྤྱོད་འཇུག་ཆེན་མོའི་ལེའུ་དྲུག་པ་བཟོད་པའི་ལེའུ་བར་བཀའ་ཁྲིད་དང་། མགོན་པོ་༸གང་ཉིད་མཆོག་གིས་སེར་སྐྱ་མང་ཚོགས་རྣམས་ལ་སྒྲོལ་དཀར་ཡེ་ཤེས་འཁོར་ལོའི་ཚེ་དབང་དང་། སྟོན་པའི་མཚན་སྔགས། མ་ཎི་ཡིག་དྲུག སྒྲོལ་མ། རྟ་འགྲིན་གཟུངས་སྔགས་བཅས་ཀྱི་ལྗགས་ལུང་བསྩལ་ནས་ཐེངས་འདིའི་ལ་དྭགས་ཁུལ་གྱི་ཆོས་འབྲེལ་ལེགས་གྲུབ་མཛད་ཡོད་པ་རེད། ལ་དྭགས་གླེ་གཙོ་བོར་འགྱུར་པའི་མདའ་ཧ་ནུ་དང་ཤམ། ཟངས་དཀར། ནུབ་ར། བྱང་ཐང་སོགས་ཀྱི་ས་ཁུལ་སོ་སོའི་མི་རིགས་ཀྱི་སྐུ་ཚབ་མི་སྣ་ཁག་ནས་རང་རེའི་ཡུལ་ལུང་ཐོན་ཛས་ཀྱི་ཕུད་མགོན་པོ་མཆོག་ཕུལ་བཞིན་བཀྲིས་པའི་གླུ་དབྱངས་དང་བཅས་ལ་དྭགས་མང་ཚོགས་ཀྱིས་མཆོད་ཛས་སྣ་ཚོགས་འདེགས་འབུལ་ཞུས་ཐོག་༸གོང་ས་མཆོག་སྐུ་ཚེ་མི་འཇིགས་རྡོ་རྗེའི་ཁམས་སུ་བརྟན་ཕྱིར་བརྟན་བཞུགས་བསྟར་འབུལ་ཞུས་ཡོད་པ་རེད།

རེས་གཟའ་ཉི་མ། ༢༠༡༧།༠༧།༣༠

ཉན་པ།: Listen ཕབ་ལེན། Download བོད་ཀྱི་བེུད། བོད་མིའི་ནུས་གསོ་ལྟེ་གནས་ཁང་གི་སྤྱི་ཁྱབ་ངེས་སྟོན་པ་བདེ་ལེགས་དབང་མོ་ལགས། Sunday 30/07/2017 Women of Tibet series: Delek Wangmo, a special educator and executive Director of Tibetan Ability Center

རེས་གཟའ་སྤེན་པ། ༢༠༡༧།༠༧།༢༩

ཉན་པ།: Listen ཕབ་ལེན། Download ༸གོང་ས་མཆོག་གིས་བླ་མ་མཚན་ཉིད་ཚང་བ་ཞིག་དགོས་རྒྱུ་ཧ་ཅང་གལ་ཆེ་ཡིན་པ་ལམ་སྟོན་བསྩལ་འདུག རྒྱ་གཞུང་གི་མི་སྣས་ཚོུད་གཉིས་རིང་འབོད་སྐུལ་ཞུས་ཀྱང་Bostwana སྲིད་འཛིན་གྱིས་༸གོང་ས་མཆོག་གི་ཆིབས་སྒྱུར་དང་འབྲེལ་བའི་ཐོག་ལ་འགྱུར་བ་མེད་པ་གསུངས་འདུག རྒྱ་ནག་ནང་སྐུ་ཞབས་ལིའུ་ཞོ་པོ་ལགས་དང་འབྲེལ་བའི་གནས་ཚུལ་ཐོག་མུ་མཐུད་བཀག་སྡོམ་བྱེད་བཞིན་པ་ཐེར་སྟོན། དགའ་ལྡན་བྱང་རྩེ་གྲྭ་ཚང་དུ་གཞུང་ཆེན་ཀ་པོད་ལྔའི་བགྲོ་གླེང་ཆེན་མོ་ལེགས་གྲུབ། ཇཱ་མུ་ཀཤ་མཱིར་མངའ་སྡེའི་སྤྱི་ཁྱབ་བློན་ཆེན་མཆོག་གི་སློབ་སྟོན་པས་༸གོང་ས་མཆོག་གི་མཇལ་ཁར་བཅར་ནས་ལམ་སྟོན་ཞུས་འདུག བཞུགས་སྒར་སྐོར་ལམ་དུ་བོད་མི་ཞིག་གིས་རང་ལུས་མེར་སྲེག་གནང་ནས་འདས་གྲོངས་སུ་འགྱུར་འདུག Saturday 29/07/2017 Dalai Lama speaks on ethics of a spiritual guru as he continues religious teaching in Ladakh Amitabh Mattoo, JK Chief Minister advisor calls on Dalai Lama Khama unmoved after two-hour plea by Chinese officials over Dalai Lama visit Censorship of ‘Time’ magazine in China sparks outrage and ridicule on the web A Tibetan self immolates in Dharamsala, details unclear

༸གོང་ས་མཆོག་གིས་བླ་མ་མཚན་ཉིད་ཚང་བ་ཞིག་དགོས་རྒྱུ་ཧ་ཅང་གལ་ཆེན་པོ་རེད་ཅེས་བཀའ་སྩལ་བ།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཚེས་ ༢༩ ཉིན་སྔ་དྲོ་ལ་དྭགས་ཞི་བའི་ཚལ་གསུང་ཆོས་ར་བར་ཕྱི་ནང་གི་ཆོས་ཞུ་བ་ཚོ ར་སྤྱོད་འཇུག་ཆེན་མོའི་བཀའ་ཆོས་འཕྲོ་སྐྱོང་མཛད་པ་དང་འབྲེལ། བླ་མ་མཚན་ཉིད་ཚང་བ་ཞིག་དགོས་རྒྱུ་ནི་ཧ་ཅང་གལ་ཆེན་པོ་རེད་ཅེས་བཀའ་སྩལ་སོང། སྐབས་དེར་མགོན་པོ་༸གང་ཉིད་མཆོག་གིས་སྤྱོད་འཇུག་ཆེན་མོའི་ལེའུ་ལྔ་པ་ཤེས་བཞིན་བསྟན་པའི་སྐོར་བཀའ་འགྲེལ་སྩལ་བ་དང་སྦྲགས་ཏེ། ངོས་ནས་དུས་རྟགད་ཏུ་དགེ་བཙུན་ཚོར་རབ་བྱུང་ངུར་སྨྲིག་གི་ཆོས་གོས་གོན་རྒྱུ་དེ་ནི་རང་ཉིད་ཀྱི་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ཡིན་པ་དྲན་གསོ་གཏོང་རྒྱུའི་ཆེད་ཡིན་པ་དང། གལ་ཏེ་ལུས་ལ་རབ་བྱུང་ངུར་སྨྲིག་གི་ཆོས་གོས་གོན་ནས་སེམས་ལ་འཇིག་རྟེན་ཕལ་པ་ལྟར་ཕྱིན་པ་ཡིན་ན། སྐྱག་རྫུན་བཤད་མཁན་ལྟ་བུ་ཆགས་པ་རེད། དེས་ན་རབ་ཏུ་བྱུང་ཟིན་རྗེས་རང་ཉིད་ཁྱིམ་ནས་ཁྱིམ་མེད་པར་རབ་བྱུང་བ་ཞིག་ཡིན་པའི་འདུ་ཤེས་འཛིན་ནས་དགེ་ཚུལ་སློང་གི་སྡོམ་པ་གང་ཡོད་ཚུལ་བཞིན་སྲུང་དགོས་གལ་ཡིན་པའི་ལམ་སྟོན་བཀའ་སློབ་བཀྲིན་ཆེ་བ་བསྩལ་ཡོད་པ་རེད། དེ་བཞིན་༸གོང་ས་མཆོག་གིས་བླ་མ་ཡང་དག་པ་གང་འདྲ་ཞིག་དགོས་མིན་སྐོར་ལམ་སྟོན་སྩལ་སྐབས་དེ་སྔ་བོད་གངས་ཅན་ལྗོངས་ལ་ལོ་ངོ་བརྒྱ་ཕྲག་རིང་སྤྲུལ་སྐུ་རེད་ཅེས་བླ་བྲང་ཡོད་པ་དང། བླ་བྲང་དེ་ཡང་རྫིག་པོ་ཡོད་བསྡན་པ་ལས་དོན་དངོས་ཐོག་དགོས་པའི་ལུང་རྟོགས་ཀྱི་ཡོན་ཏོན་མེད་པ་རེད། དེ་དག་ནི་སྤྲུལ་སྐུ་ཆགས་ཀྱང་བླ་མའི་མཚན་ཉིད་ཚང་གི་མེད་སྟབས། བླ་མ་མཚན་ཉིད་ཚང་བ་ཞིག་དགོས་རྒྱུ་ནི་ཧ་ཅང་གལ་ཆེན་པོ་རེད་ཅེས་བཀའ་ནན་བསྩལ་སོང། ༸གོང་ས་མཆོག་གིས་ད་དུང་ཡང་དད་ལྡན་ཆོས་ཞུ་བ་ཚོར་དེ་སྔ་རྒྱ་ནག་ནང་དུ་བོད་ནས་ཡོང་བའི་བླ་མའི་མིང་འཁྱེར་ནས་ནང་པའི་དད་ལྡན་ཚོར་མགོ་སྐོར་བཏང་བའི་གནས་ཚུལ་བྱུང་བ་ལུང་འདྲེན་དང་འབྲེལ། ནང་པའི་དད་ལྡན་ཚོའི་ངོས་ནས་བླ་མའི་དྲུང་ནས་ཆོས་མ་ཞུ་བའི་སྔ་རོལ་དུ་རྨོངས་དད་ཙམ་མིན་པར་བླ་མ་དེར་བླ་མའི་མཚན་ཉིད་ཚང་ཡོད་མེད་བརྟག་དཔྱད་བྱ་རྒྱུ་གལ་ཆེན་པོ་རེད་ཅེས་ལམ་སྟོན་མཛད་ཡོད་པ་རེད། ལྷག་དོན་ནང་པའི་ཆོས་ལ་སློབ་གཉེར་གནང་ཚེ་ངེས་པར་དུ་ཐོས་བསམ་སྒོམ་གསུམ་རིམ་བཞིམ་གནང་རྒྱུ་གལ་ཆེན་པོ་ཡིན་པ་དང། ཁྱད་པར་དུ་བོད་གངས་ཅན་ལྗོངས་སུ་ཡོད་པའི་ཆོས་བརྒྱུད་ཁག་འཛིན་མཁན་ཚོར་རང་ཆོས་བརྒྱུད་ཀྱི་གཞུང་གཅིག་པོ་མིན་པར་ས་དགེ་བཀའ་རྙིང་རིས་མེད་ཀྱི་གཞུང་ཆེན་དག་ལ་སློབ་གཉེར་གནང་དགོས་ཞེས་བཀའ་ཡང་བསྩལ་ཡོད་པ་རེད། རྩ་བའི་དེ་རིང་གི་ཆོས་འབྲེལ་ཐོག་མགོན་པོ་མཆོག་གིས་ཆོས་ཞུ་བ་ཚོར་སྤྱོད་འཇུག་ཆེན་མོའི་ལེའུ་ལྔ་པ་ཤེས་བཞིན་བསྟན་པ་དང། དེ་ནས་ལེའུ་དྲུག་པ་བག་ཡོད་བསྟན་པའི་ལེའུ་ཕྱེད་ཀའི་བར་བཀའ་ཁྲིད་གནང་ཡོད་པ་རེད། མཛད་འཆར་ལྟར་ན་སང་ཚེས་ ༣༠ ཉིན་ཆོས་འབྲེལ་ཉིན་མཐའ་མའི་ཐོག་ཆོས་ཞུ་བ་ཚོར་ཚེ་དབང་བཀྲིན་བསྩལ་རྒྱུ་ཡིན་པ་རེད།

རྒྱ་གཞུང་གི་མི་སྣས་ཚོུད་གཉིས་རིང་འབོད་སྐུལ་ཞུས་ཀྱང་བྷོ་ཙ་ཝ་ན་སྲིད་འཛིན་གྱིས་༸གོང་ས་མཆོག་གི་ཆིབས་སྒྱུར་དང་འབྲེལ་བའི་ཐོག་ལ་འགྱུར་བ་མེད་པ་གསུངས་འདུག

རྒྱ་ནག་གཞུང་ཚབ་མི་སྣས་ཆུ་ཚོད་གཉིས་རིང་ཁུལ་དེར་༸གོང་ས་མཆོག་གི་ཆིབས་བསྒྱུར་བསྐྱང་རྒྱུ་ཐོག་བཀའ་སྡོམ་བྱེད་དགོས་པའི་འབོད་སྐུལ་ཞུས་ཡོད་ཀྱང་བྷོ་ཙ་ཝ་ནའི་སྲིད་འཛིན་སྐུ་ཞབས་ Ian Kaham མཆོག་ནས་༸གོང་ས་མཆོག་གི་ཆིབས་སྒྱུར་དང་འབྲེལ་བའི་བཞེངས་ཕྱོགས་ལ་འགྱུར་བ་མེད་པ་གསུངས་འདུག དེ་ཡང་ཉེ་ཆར་ཟླ་ ༧ ཚེས་ ༢༥ ཉིན་བྷོ་ཙ་ཝ་ན་ཕྱི་སྲིད་བློན་ཆེན་ལྕམ་ Pelonomi VensonMoitoi མཆོག་གིས་ཡུལ་དེའི་གྲོས་ཚོགས་སུ་༸གོང་ས་མཆོག་གི་ཆིབས་བསྒྱུར་དང་འབྲེལ་བའི་དྲི་བར་ལན་འདེབས་གནང་སྐབས་མགོན་པོ་མཆོག་གི་ཆིབས་སྒྱུར་དང་འབྲེལ་བའི་ཐོག་ཉེ་ཆར་བྷོ་ཙ་ཝ་ན་རྒྱལ་ས་ Gaborone ནང་དུ་རྟེན་གཞི་བྱས་པའི་རྒྱ་ནག་གཞུང་ཚབ་མི་སྣས་སྲིད་འཛིན་ཁ་མཱ་མཆོག་གི་ལྷན་དུ་ཆུ་ཚོད་གཉིས་རིང་ཐུག་འཕྲད་བྱེད་དེ་༸གོང་ས་མཆོག་ཡུལ་དེར་ཆིབས་བསྒྱུར་གནང་བཅུག་རྒྱུ་མེད་པར་ཞུ་འབོད་བྱས་ཡོད་ཀྱང་སྲིད་འཛིན་མཆོག་གིས་དེར་དང་ལེན་མ་གནང་ཁར་རྒྱ་གཞུང་གིས་གནོན་ཤུགས་སྤྲོད་པར་ལྟོས་མེད་ཀྱིས་འགྱུར་ལྡོག་གང་ཡང་མེད་པ་གསུངས་ཡོད་པ་རེད། རྒྱ་གཞུང་གིས་༸གོང་ས་མཆོག་གི་ཆིབས་སྒྱུར་དང་འབྲེལ་བའི་ཐོག་བྷོ་ཙ་ཝ་ན་གཞུང་གི་བཞེངས་ཕྱོགས་ལ་འགྱུར་ལྡོག་ཡོང་ཐབས་སུ་ཆེད་དམིགས་ཀྱིས་ཉེ་ཆར་ཡུལ་དེའི་གསར་འགྱུར་བརྒྱུད་ལམ་ཁག་ཅིག་ལ་དཔལ་འབྱོར་གྱི་མཐུན་འགྱུར་སྦྱོར་བྱེད་བཞིན་ཡོད་པ་མངོན་གསལ་གནང་འདུག སྐབས་དེར་གྲོས་ཚོགས་འཐུས་མི་ Dithapelo Keorapetse ལགས་ཀྱིས་དྲི་བར་ལན་འདེབས་སྐྱོན་པའི་ནང་དུ་བློན་ཆེན་མཆོག་གིས་ང་ཚོའི་གཞུང་ཕྱོགས་ནས་རྒྱ་གཞུང་མི་སྣའི་ལྷན་དུ་ཐུག་འཕྲད་བྱས་ཡོད་པ་དང། སྐབས་དེར་ཁོ་ཚོས་༸གོང་ས་མཆོག་གི་ཆིབས་སྒྱུར་གྱི་གནད་དོན་ལ་དགག་བྱ་དང་འདོད་བློ་མེད་པ་འགྲེལ་བརྗོད་བྱས་ཡོད་ཀྱང་། ང་ཚོའི་ངོས་ནས་༸གོང་ས་མཆོག་ནི་ཞི་བདེའི་དེད་དཔོན་ཞིག་ལ་ངོས་འཛིན་ཞུ་བཞིན་ཡོད་པ་མ་ཟད། Interpol འམ་རྒྱལ་སྤྱིའི་སྐོར་སྲུང་ལྷན་ཚོགས་བརྒྱུད་ནས་རྟོག་ཞིབ་མཐིལ་ཕྱིན་ཞུས་རྗེས་༸གོང་ས་མཆོག་ནི་ཉེན་ཚབས་ཡོད་པའི་མི་སྣ་ཞིག་མིན་པ་ར་སྤྲོད་བྱུང་སོང་། ང་ཚོས་ཕྱི་མི་ཞིབ་བཤེར་ཁྲིམས་སྒྲིག་ལྟར་རྒྱལ་ཁབ་ལ་ཉེན་ཁ་མེད་པའི་མི་སུ་འདྲ་ཞིག་ཡིན་རུང་སྣ་ཡུལ་འདིའི་ནང་ཕེབས་ཆོག་གི་ཡོད་སྟབས། Botswana རྒྱལ་ཁབ་འདི་ཡུལ་འདིའི་འབངས་མི་སེར་རྣམས་ཀྱི་ཡིན་སྟབས། ང་ཚོས་ཁེ་ཕན་ཕྲན་བུ་ཞིག་ལ་ལྟོས་མེད་ཀྱིས་༸གོང་ས་མཆོག་གི་ཆིབས་སྒྱུར་གནད་དོན་དང་འབྲེལ་ཐད་ཕྱིའི་རྒྱལ་ཁབ་གཞན་ཞིག་ནས་ཐག་གཅོད་བྱེད་རྒྱུར་ཆོག་མཆན་སྤྲད་རྒྱུ་མིན་ཞེས་གསུངས་འདུག ཡུལ་དེའི་ཕྱི་སྲིད་བློན་ཆེན་མཆོག་གིས་རྒྱ་ནག་གཞུང་གི་ཕྱི་འབྲེལ་སྲིད་བྱུས་དང་འབྲེལ་བའི་གནད་དོན་ནི་རྒྱལ་ཁབ་དེའི་ནང་གནད་ཡིན་པས་རྒྱལ་སྤྱིའི་ངོས་ནས་ཐད་བྱུས་བྱ་རྒྱུ་མེད་པར་དགོས་འདུན་སྟོན་པ་ལྟར་རྒྱ་ནག་གཞུང་ཕྱོགས་ནས་ཀྱང་བྷོ་ཙ་ཝ་ན་གཞུང་གིས་རང་ཐག་རང་གཅོད་གནང་པ་དེར་གུས་བརྩི་དང་ཐད་བྱུས་མི་གནང་པར་རེ་བ་གནང་བཞིན་ཡོད་ཅེས་ནན་བརྗོད་གནང་འདུག ༸གོང་ས་མཆོག་གི་ཆིབས་སྒྱུར་གྱི་གནད་དོན་དང་འབྲེལ་རྒྱ་ནག་གི་དཔོན་རིགས་ཆེ་གྲས་ཁག་ཅིག་གིས་གལ་སྲིད་བྷོ་ཙ་ཝ་ན་གཞུང་གི་ངོས་ནས་༸གོང་ས་མཆོག་གི་ཆིབས་སྒྱུར་ལ་དང་ལེན་ཞུ་ཚེ་ གནད་དོན་འདིའི་རྐྱེན་པས་རྒྱ་ནག་དང་བྷོ་ཙ་ཝ་ན་རྒྱལ་ཁབ་ཕྱོགས་གཉིས་པོའི་དབར་འབྲེལ་བ་དམ་ཟབ་ཡོད་པ་དེར་འགྱུར་བ་འགྲོ་ངེས་ཡིན་པའི་ཉེན་བརྡ་བཏང་ཡོད་པ་རེད། གཞི་རྩའི་ཕྱི་ཟླ་ ༨ ཚེས་ ༡༧ ནས་ ༡༩ བར་ཉིན་གྲངས་ ༣ རིང་ཡུལ་དེའི་རྒྱལ་ས་ Gaborone ནང་དུ་ ལུས་སེམས་སྲོག་གི་ལྷན་ཚོགས་ཤིག་ཚོགས་གཏན་འཁེལ་ཐོག་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་མཛད་རྒྱུ་དང་། དབང་རྩའི་རིག་པའི་ཚན་རིག་པ་རྣམ་པའི་དབར་ Botho/Ubuntu ཞེས་པའི་ཨ་ཕི་རི་ཀའི་གདོད་མའི་མི་རིགས་རྣམས་ཀྱི་ཁྲོད་གནའ་སྔ་མོ་ནས་ཡོད་པའི་བསམ་བློའི་རིག་གཞུང་ཐོག་གོ་བསྡུར་སྦྱང་བཤད་གནང་རྒྱུ་དང་། ལྷན་ཚོགས་ཀྱི་དབུ་འབྱེད་མཛད་སྒོའི་ཐོག་སྲིད་འཛིན་ Ian Khama མཆོག་གིས་དབུ་འབྱེད་གསུང་བཤད་ཀྱང་གནང་རྒྱུ་ཡིན་པ་འཁོད་འདུག  

Latest news