Tibetan Royal Year of 2151 | Year of the Wood Dragon

ARCHIVE

Monthly Archives: June, 2017

རེས་གཟའ་པ་སངས། ༢༠༡༧།༠༦།༣༠

ཉན་པ།: Listen ཕབ་ལེན། Download མ་འོངས་ལོ་གསུམ་ནང་བོད་མི་གསུམ་སྟོང་ལ་ཨ་རིར་སྐྱབས་བཅོལ་གནང་དགོས་པའི་གྲོས་འཆར་བཏོན་འདུག ནོ་སྦེལ་གཟེངས་རྟགས་བཞེས་མྱོང་མཁན་ནས་ལི་ཞའུ་པའོ་ལགས་དང་ཁོང་གི་སྐུ་ཟླ་གཉིས་ཆ་རྐྱེན་གང་ཡང་མེད་པར་གློད་བཀྲོལ་གཏོང་དགོས་པ་གསུངས་འདུག ༸གོང་ས་༸སྐྱབས་མགོན་ཆེན་པོ་མཆོག་ཇར་མ་ནི་ནང་ཆིབས་བསྒྱུར་བསྐྱང་རྒྱུ། བོད་ཀྱི་ཨ་ཆེན་གངས་རྒྱབ་ས་ཁུལ་དེ་རྒྱལ་སྤྱིའི་རང་བྱུང་ཤུལ་བཞག་སྲུང་སྐྱོབ་ཁོངས་སུ་བཅུག་པ་དེས་བོད་མི་དང་རི་སྐྱེས་སྲོག་ཆགས་རྣམས་ཉེན་ཁའི་ནང་ལྷུང་པ་རེད་ཅེས་བརྗོད་འདུག བོད་མི་རིག་གསར་ཚོང་ལས་དྲུག་ལ་མ་དངུལ་འབུམ་གཉིས་རེ་གནང་གཏན་འཁེལ་བ། བོད་པའི་བེུད་རྐང་རྩེད་སྤོ་ལོའི་རུ་ཁག་ཁེ་ན་ཌར་བདེ་འབྱོར་བྱུང་བ། Friday 30/06/2017 Tibetan Refugee Act reintroduced in US Congress 154 Nobel laureates urge China to allow Liu Xiaobo to travel to US Dalai Lama to visit Germany in September this year China’s nomination for UNESCO World heritage risks imperilling Tibetans and wildlife TED selects six entrepreneurs, to provide startup capital of 2 lacs each Tibetan women’s soccer team arrives in Vancouver

ནོ་སྦེལ་གཟེངས་རྟགས་བཞེས་མྱོང་མཁན་ ༡༥༤ ནས་སྐུ་ཞབས་ལིའུ་ཞའུ་པའོ་ལགས་དང་ཁོང་གི་སྐུ་ཟླ་གཉིས་ཆ་རྐྱེན་གང་ཡང་མེད་པར་གློད་བཀྲོལ་གཏོང་དགོས་པ་གསུངས་འདུག

དེ་ཡང་ཕྱི་ཚེས་ ༢༦ ཉིན་རྒྱ་ནག་གཞུང་གིས་རྒྱ་རིགས་འགྲོ་བ་མིའི་ཐོབ་ཐང་འཐབ་རྩོད་པ་དང་ནོ་སྦེལ་གཟེངས་རྟགས་བཞེས་མྱོང་མཁན་སྐུ་ཞབས་ Liu Xiaobo ལགས་སྨན་བཅོས་ཀྱི་ཐོབ་ཐང་འོག་བཙོན་ཁང་ནས་གློད་བཀྲོལ་བཏང་པའི་གནས་ཚུལ་ཡོངས་ཁྱབ་བྱུང་པ་དང་བསྟུན། ཁ་སང་རྒྱལ་སྤྱིའི་ཐོག་ནོ་སྦེ་གཟེངས་རྟགས་བཞེས་མྱོང་མཁན་ ༡༥༤ འི་མཚན་རྟགས་འཁོད་པའི་ཞུ་འབོད་ཀྱི་ཡི་གེ་ཞིག་ཨ་རིར་རྟེན་གཞི་བྱས་པའི་རྒྱ་ནག་གཞུང་ཚབ་ལས་ཁུངས་བརྒྱུད་རྒྱ་ནག་གི་སྲིད་འཛིན་ཞི་ཅིང་ཕིང་ལ་བཏང་འདུག་པ་དང་། དེའི་ནང་གཙོ་བོ་ད་བར་ནོ་སྦེལ་གཟེངས་རྟགས་བཞེས་མཁན་རྣམས་ནས་སྐུ་ཞབས་ Liu Xiaobo ལགས་ཀྱི་གནས་སྟངས་ཐད་ལ་སེམས་ཚབས་ཆེན་པོ་ཡོད་པ་འགྲེལ་བརྗོད་དང་སྦྲགས། སྲིད་འཛིན་ Xi Jiping གི་ངོས་ནས་མཛའ་གྲོགས་ཀྱི་ངོ་བོ་ཐོག་ནས་སྐུ་ཞབས་ Liu Xiaobo ལགས་དང་ཁོང་གི་བཟའ་ཟླ་ Liu Xia ལགས་གཉིས་རང་དབང་ལུང་པར་སྨན་བཅོས་ཞུ་བར་བསྐྱོད་འདོད་ཡོད་པ་ལྟར་བསྐྱོད་བཅུག་དགོས་ཞེས་རེ་སྐུལ་ཞུས་འདུག ཞུ་འབོད་དེ་ནི་ཕྱི་ལོ་ ༡༩༩༣ ལོར་སྨན་གྱི་སྡེ་ཚན་ཐོག་ནོ་སྦེལ་ཞི་བདེའི་གཟེངས་རྟགས་བཞེས་མྱོང་མཁན་སྐུ་ཞབས་ Richard Roberts ལགས་ཀྱིས་ཕྱག་བྲིས་གནང་འདུག་པ་དང་། ཞུ་འབོད་དེར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གཙོས་པའི་ Jody Williams ལགས་དང་། James Watson ལགས་སོགས་ཞི་བདེ་དང་སྨན་སྦྱོར། དེ་བཞིན་དཔལ་འབྱོར་དང་ཚན་རིག་སོགས་ད་བར་སྡེ་ཚན་འདྲ་མིན་ཐོག་ནོ་སྦེལ་གཟེངས་རྟགས་བཞེས་མྱོང་མཁན་ ༡༥༤ ནས་རྒྱབ་སྐྱོར་གྱི་མཚན་རྟགས་བཀོད་འདུག གཞན་ཡང་སྐུ་ཞབས་ Liu Xiaobo ལགས་ཀྱི་ད་ལྟའི་གནས་སྟངས་དང་འབྲེལ། ཁ་ཉིན་ཨ་རིའི་གྲོས་ཚོགས་སུ་རྒྱ་ནག་གཞུང་ནས་སྐུ་ཞབས་ Liu Xiaobo ལགས་དང་ཁོང་གི་བཟའ་ཟླ་ Liu Xia ལགས་གཉིས་ཆ་རྐྱེན་གང་ཡང་མེད་པར་གློད་བཀྲོལ་བཏང་དགོས་པ་མ་ཟད། ཁོང་རྣམ་གཉིས་ལ་རང་ཉིད་ཀྱི་འདོད་མོས་ལྟར་སྨན་བཅོས་ཀྱི་ཐོབ་ཐང་དང་། རང་ཉིད་ཀྱི་ནང་མི་སྤུན་མཆེད་དང་གྲོགས་ཕོ་མོ་སོགས་དང་ལྷན་དུ་རང་དབང་ངང་ཐུག་འཕྲད་བྱེད་བཅུག་དགོས་པའི་གྲོས་ཆོད་ཅིག་གཏན་འབེབས་གནང་འདུག གྲོས་ཆོད་དེ་གྲོས་ཚོགས་ཀྱི་ཚོགས་དུས་དང་པོའི་སྐབས་ཨ་རིའི་མངའ་སྡེ་ New Jersey ནས་ཡིན་པའི་གྲོས་ཚོགས་འཐུས་མི་དང་ཨ་རི་ཕྱི་སྲིད་ལས་དོན་ཚོགས་ཆུང་གི་ཚོགས་མི་སྐུ་ཞབས་  Chris Smith ལགས་ཀྱིས་བསྣམས་པ་ཞིག་རེད་འདུག  གྲོས་ཆོད་དེའི་ནང་སྐུ་ཞབས་ Liu Xiaobo ལགས་ནས་ཕྱི་ལོ་ ༢༠༠༨ ལོར་རྒྱ་རིགས་ཤེས་ལྡན་མི་སྣ་དང་ཁྲིམས་རྩོད་པ་སོགས་ ༣༠༠ ལྷག་དང་ལྷན་དུ་རྒྱ་ནག་གི་མང་གཙོ་བཅོས་བསྒྱུར་དང་རངདབང་། དེ་བཞིན་ཁྲིམས་ལུགས་དབང་འཛིན་སོགས་ཀྱི་ཁྲིམས་འཆར་ཨང་བརྒྱད་པ་ཞེས་པའི་རྩ་འཛིན་ཡིག་ཆ་ལ་མཚན་རྟགས་བསྐྱོན་པ་སོགས་རྒྱ་ནག་གི་མང་གཙོ་དང་འགྲོ་བ་མིའི་ཐོབ་ཐང་ཐོག་ཕྱག་ལས་གནང་པ་ཁག་ཅིག་ཟུར་ཆེད་དུ་བཀོད་དང་སྦྲགས། རྒྱ་ནག་གཞུང་ནས་སྐུ་ཞབས་ Liu Xiaobo ལགས་ཀྱིས་ད་བར་གནང་པའི་ཕྱག་ལས་ཁག་ལ་བསམ་ཤེས་གནང་སྟེ། ཁོང་དང་ཁོང་གི་བཟའ་ཟླ་གཉིས་སྨན་བཅོས་ཆེད་ཕྱིར་བསྐྱོད་གནང་རྒྱུའི་རང་དབང་སྤྲོད་དགོས་པ་སོགས་གསུངས་འདུག

མ་འོངས་ལོ་གསུམ་ནང་བོད་མི་གསུམ་སྟོང་ལ་ཨ་རིར་སྐྱབས་བཅོལ་གནང་དགོས་པའི་གྲོས་འཆར་བཏོན་འདུག

ཨ་རིའི་གྲོས་ཚོགས་ནང་རྒྱ་གར་དང་བལ་ཡུལ་ནང་གི་བོད་མིའི་དཀའ་སྡུག་ཁག་སེལ་ཆེད་ཨ་རིའི་གཞུང་ནས་མ་འོངས་ལོ་གསུམ་ནང་བོད་མི་གསུམ་སྟོང་སྐྱབས་བཅོལ་དུ་ལེན་དགོས་པའི་བསྐྱར་དུ་གྲོས་འཆར་ཞིག་བཏོན་འདུག རྩ་བའི་གྲོས་འཆར་དེ་ནི་གཙོ་བོ་ཨ་རིའི་གཞུང་འཛིན་སྤྱི་མཐུན་ཚོགས་པའི་གྲོས་ཚོགས་མི་རྒན་གྲས་སྐུ་ཞབས་ Jim Sensenbrenner མཆོག་ནས་ཕྱི་ལོ་ ༢༠༡༥ ལོར་ Tibetan Refugee Assistance Act ཞེས་པའི་ཁྲིམས་སྒྲིག་འོག་ནས་བོད་མི་སྐྱབས་བཅོལ་བའི་དཀའ་ངལ་སེལ་ཆེད་དུ་བཏོན་གནང་པ་ཞིག་ཆགས་ཡོད་ཅིང་། ད་རེས་ཁོང་གིས་སླར་ཡང་བདུན་ཕྲག་འདིའི་རེས་གཟའ་མིག་དམར་ཉིན་ཕྱོགས་འགལ་མང་གཙོ་ཚོགས་པའི་གྲོས་ཚོགས་འཐུས་མི་ལྕམ་ Zoe Lofgren མཆོག་དང་ལྷན་གྲོས་འཆར་དེ་བཏོན་གནང་པ་དང་སྦྲགས། ཨ་རིའི་གཞུང་ནས་ད་བར་འཛམ་གླིང་ནང་གི་རྒྱལ་ཁབ་དགོས་མཁོ་ཅན་ཁག་ཅིག་གི་མང་ཚོགས་ཀྱི་དཀའ་སྡུག་ཁག་སེལ་ཆེད་འགྲོ་བ་མིའི་བདེ་རྩར་དམིགས་ནས་རོགས་རམ་རྒྱ་ཆེ་གནང་བཞིན་པའི་ལོ་རྒྱུས་ཡོད་པ་ལུང་འདྲེན་གྱིས་ཐེངས་འདིའི་གྲོས་འཆར་འདི་ཡང་རྒྱ་ནག་གཞུང་གི་གཉའ་གནོན་འོག་དཀའ་སྡུག་ཚད་མེད་མྱངས་ནས་རང་ཡུལ་དུ་བསྡད་མ་ཐུབ་པར་རྒྱ་གར་དང་བལ་ཡུལ་ནང་སྐྱབས་བཅོལ་དུ་ཡོང་མཁན་བོད་མི་སྐྱབས་བཅོལ་བ་རྣམས་ཀྱི་གནས་སྟངས་དང་ཁོང་ཚོའི་བདེ་རྩར་དམིགས་ཡོད་པ་གསུངས་འདུག དེ་བཞིན་ཁོང་གིས་གྲོས་འཆར་འདི་ནི་བོད་ཀྱི་གནད་དོན་ཞི་བའི་ཐོག་ནས་འཐབ་རྩོད་གནང་བཞིན་པའི་བཙན་བྱོལ་བོད་མི་སྤྱི་ཚོགས་ཀྱི་བདེ་དོན་ལ་རྒྱབ་སྐྱོར་ཞིག་དང་། ཁོང་ཚོ་རྒྱ་གར་དང་བལ་ཡུལ་ནང་དུ་ཡུལ་དུས་ཀྱི་འགྱུར་བའི་རྐྱེན་འཚོ་རྟེན་དང་དཔལ་འབྱོར་སོགས་ཀྱི་དཀའ་ངལ་ལས་མཐར་ནས་ཨ་རི་ནང་དུ་ཨ་རིའི་བོད་མིའི་གོ་སྐབས་ཤིག་གི་འོག་ནས་རང་གི་ཆོས་དང་རིག་གཞུང་གཅེས་སྲུང་དང་དར་འཕེལ་ཡོང་ཆེད་དུ་ཡིན་པ་ཡང་གསུངས་འདུག ཁྱད་པར་དུ་གྲོས་ཚོགས་འཐུས་མི་ལྕམ་ Zoe Lofgren མཆོག་གིས་གྲོས་འཆར་འདི་ལ་གྲོས་ཚོགས་དང་གཞུང་ནས་རྒྱབ་སྐྱོར་དགོས་གལ་སྐོར་དང་འབྲེལ། བོད་མི་རྣམས་རྒྱ་ནག་གཞུང་གི་དཀའ་སྡུག་འགོ་ལོ་ངོ་བཅུ་ཕྲག་མང་པོ་མྱངས་ཡོད་པ་མ་ཟད། དེའི་ཐོག་ལ་ཉེ་ས་ནས་ ༢༠༡༥ ལོར་བལ་ཡུལ་ནང་ས་ཡོམ་གྱི་གོད་ཆག་ཚབས་ཆེ་ཕོག་པའི་རྐྱེན་ཁོང་ཚོར་དཀལ་ངལ་ཆེན་པོ་འཕྲད་ཡོད་སྟབས་ཨ་རིའི་གཞུང་ནས་བཙན་བྱོལ་བོད་མི་རྣམས་ལ་ཁྲིམས་ལུགས་ལྟར་གཞུང་ནས་སྐྱབས་བཅོལ་བའི་རོགས་རམ་གནང་རྒྱུ་ནི་ཆེས་དགོས་མཁོ་ཅན་ཞིག་ཏུ་གྱུར་ཡོད་པ་གསུངས་ཡོད་པ་རེད། དུས་མཚུངས་ཡང་གྲོས་ཚོགས་འཐུས་མི་ལྕམ་ Betty McCollum མཆོག་ནས་ཀྱང་རང་གི་ཕྱག་སྦྲེལ་གྲོས་ཚོགས་འཐུས་མི་རྣམས་པ་དང་སྲིད་འཛིན་སྐུ་ཞབས་ Trump མཆོག་ལ་བོད་མི་རྣམས་ལ་འགྲོ་བ་མིའི་ཐོབ་ཐང་དང་ཆོས་དད་རང་དབང། དེ་བཞིན་དོན་ཕན་ལྡན་པའི་བོད་རྒྱ་གྲོས་མོལ་ཡོང་ཆེད་དུ་རྒྱབ་སྐྱོར་དགོས་པའི་འབོད་སྐུལ་ཞུས་ཡོད་པ་ PTI གསར་ཁང་ཐོག་གནས་ཚུལ་བཏོན་གནང་འདུག གཞི་རྩའི་ཨ་རིར་བོད་མི་སྐྱབས་བཅོལ་བ་གསུམ་སྟོང་ལེན་རྒྱུའི་གྲོས་འཆར་འདི་ནི་སྤྱི་མཐུན་ཚོགས་པའི་གྲོས་ཚོགས་མི་རྒན་གྲས་སྐུ་ཞབས་ Jim Sensenbrenner མཆོག་ནས་ཕྱི་ལོ་ ༢༠༠༨ དང་༢༠༡༥ སོགས་གྲོས་ཚོགས་སྔ་རྗེས་སུ་བཏོན་གནང་ཡོད་པ་རེད།

༸གོང་ས་༸སྐྱབས་མགོན་ཆེན་པོ་མཆོག་ཇར་མ་ནི་ནང་ཆིབས་བསྒྱུར་བསྐྱང་རྒྱུ།

བོད་མིའི་བླ་ན་མེད་པའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་རིང་མིན་ཕྱི་ཟླ་ ༩ ཚེས་ ༡༢ ནས་ཉིན་གྲངས་གསུམ་རིང་ཇར་མ་ནིའི་གྲོང་ཁྱེར་ Frankfurt ནང་ཆིབས་བསྒྱུར་བསྐྱང་གཏན་འཁེལ་འདུག འདི་ག་རླུང་འཕྲིན་ཁང་ལ་འགན་འཛིན་ཕུན་ཚོགས་ཚེ་རིང་ལགས་ཀྱིས་ད་རེས་ཁུལ་དེའི་བོད་ཁང་གིས་༸གོང་ས་༸སྐྱབས་མགོན་ཆེན་པོ་མཆོག་ལ་ཇི་ལྟར་གདན་ཞུའི་གསོལ་འདེབས་ཞུ་དོན་ལྟར། མགོན་པོ་མཆོག་འདི་ལོའི་ཟླ་ ༩ ཚེས་ ༡༡ ཉིན་ Frankfurt གྲོང་ཁྱེར་ནང་ཆིབས་བསྒྱུར་མཛད་རྒྱུ་དང་། ཕྱི་ཚེས་ ༡༢ ཉིན་དབུ་འཛུགས་ཀྱིས་ཉིན་གསུམ་རིང་ཁུལ་དེའི་བོད་ཁང་གསར་རྒྱག་ལེགས་གྲུབ་བྱུང་བར་དབུ་འབྱེད་རབ་གནས་དང་ཇར་མ་ནི་ས་གནས་མི་མང་ལ་བཀའ་སློབ་སྩལ་རྒྱུ་མ་ཟད། དེ་རྗེས་ཚེས་ ༡༣ ཉིན་ན་གཞོན་སློབ་ཕྲུག་ཁག་ཅིག་ལ་མཇལ་མོལ་གནང་རྒྱུ་དང་། ཚེས་ ༡༤ ཉིན་ཚན་རིག་དང་ནང་ཆོས་སྐོར་གྱི་བགྲོ་གླེང་ཐོག་དབུ་བཞུགས་ཀྱིས་མང་ཚོགས་ལ་སྙིང་རྗེ་དང་གོ་ལ་སྤྱིའི་འགན་འཁུར་གྱི་བརྗོད་གཞིའི་ཐོག་བཀའ་སློབ་སྩལ་རྒྱུ་རེད་འདུག ཇར་མ་ནི་བོད་ཁང་གི་འགན་འཛིན་ཕུན་ཚོགས་ཚེ་རིང་ལགས་ཀྱིས་ད་རེས་༸གོང་ས་མཆོག་ཇར་མ་ནི་ནང་ཆིབས་བསྒྱུར་མཛད་དོན་གཙོ་བོ་ནི་ཁུལ་དེར་གསར་རྒྱག་བྱུང་བའི་བོད་ཀྱི་ཁང་པ་དབུ་འབྱེད་རབ་གནས་བཀྲིན་བསྐྱང་རྒྱུའི་མཛད་འཕྲིན་ཐུགས་གཏན་འཁེལ་བ་དེ་ནི་རང་ཉིད་ལ་སྐལ་པ་བཟང་པོ་ཞིག་ཏུ་ངོས་འཛིན་ཞུ་བཞིན་ཡོད་ཅེས་དང་། ལྷག་དོན་མགོན་པོ་༸གང་ཉིད་མཆོག་གི་མཛད་འཆར་ཐོག་མང་ཚོགས་ ༩༠༠༠ ལྷག་ཆེད་བཅར་གནང་པར་ཚོད་དཔག་ཞུ་བཞིན་ཡོད་ཅེས་བརྗོད་འདུག ལྷག་དོན་ Frankfurt གྲོང་ཁྱེར་སྤྱི་ཁྱབ་པ་སྐུ་ཞབས་ Uwe Becker ལགས་ཀྱིས་༸གོང་ས་མཆོག་གིས་དབུ་ཁྲིད་པའི་ལམ་སྟོན་འོག་དབུ་བརྙེས་པའི་ཇར་མ་ནི་བོད་ཀྱི་ཁང་པ་དེ་ཡུ་རོབ་རྒྱལ་ཁབ་ནང་བོད་ཀྱི་གནའ་དེང་རིག་གཞུང་ཐོག་སློབ་གཉེར་གནང་ས་ལྟེ་གནས་ཤིག་དང་། དེ་ནུབ་ཕྱོགས་ཀྱི་སྤྱི་ཚོགས་བར་མཐུད་མཚམས་ཐུབ་པའི་ཟམ་པ་ལྟ་བུ་མཚོན་པར་བྱེད་ཀྱི་ཡོད་སྐོར་འགྲེལ་བརྗོད་གནང་པ་མ་ཟད།  མགོན་པོ་༸གང་ཉིད་མཆོག་གིས་འགྲོ་བ་མི་ཕན་ཚུན་དབར་ཞི་བདེ་བག་ཕེབས་ཡོང་སླད་མཛད་འཕྲིན་རྒྱ་ཆེ་བསྐྱངས་དང་སྐྱོང་མུས་ཡིན་པའི་སྙིང་སྟོབས་ལ་བསྔགས་བརྗོད་ཞུས་པ་དང་སྦྲགས་ཏེ་གྲོང་ཁྱེར་སྤྱི་ཁྱབ་པའི་ངོས་ནས་བོད་ཀྱི་རིག་གཞུང་ལྟེ་གནས་ཁང་དེའི་བརྒྱུད་གྲོང་ཁྱེར་ནང་གི་རིག་གཞུང་འདྲ་མིན་ལ་ཕན་ཐོགས་བསྐྲུན་ཐུབ་པར་དགའ་བསུ་བཞིན་ཡོད་ཅེས་འགྲེལ་བརྗོད་གནང་འདུག རྩ་བའི་༸གོང་ས་༸སྐྱབས་མགོན་ཆེན་པོ་མཆོག་ཇར་མ་ནི་ནང་ཆིབས་བསྒྱུར་ཐོག་མ་དེ་ཕྱི་ལོ་ ༡༩༧༣ ལོར་གནང་ཡོད་པ་དང་། ད་རེས་ཀྱི་ཆིབས་བསྒྱུར་དེ་ཐེངས་ ༤༠ པ་དེ་ཆགས་ཀྱི་ཡོད་པ་རེད།

བོད་ཀྱི་ཨ་ཆེན་གངས་རྒྱབ་ས་ཁུལ་དེ་རྒྱལ་སྤྱིའི་རང་བྱུང་ཤུལ་བཞག་སྲུང་སྐྱོབ་ཁོངས་སུ་བཅུག་པ་དེས་བོད་མི་དང་རི་སྐྱེས་སྲོག་ཆགས་རྣམས་ཉེན་ཁའི་ནང་ལྷུང་པ་རེད་ཅེས་བརྗོད་འདུག

ཨ་རི་ནང་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་རྒྱ་ནག་གཞུང་ནས་ Kokoxili བོད་ཀྱི་ཨ་ཆེན་གངས་རྒྱབ་ས་ཁུལ་དེ་རྒྱལ་ཚོགས་ཀྱི་རང་བྱུང་ཤུལ་བཞག་སྲུང་སྐྱོབ་མིང་གཞུང་ཁོངས་སུ་བཅུག་འཆར་ཡོད་པ་དེས་ཁུལ་དེའི་ནང་གི་བོད་མི་དང་རི་སྐྱེས་སྲོག་ཆག་རྣམས་ཉེན་ཁའི་ནང་ལྷུང་པ་རེད་ཅེས་སྐྱོན་བརྗོད་བྱས་འདུག དེའང་ཟླ་ ༧ ཚེས་ ༢ ཉིན་ཡུ་རོབ་ Poland གྱི་གྲོང་ཁྱེར་ Krakow ནང་དུ་ 41th UNESCO World Heritage Committee Meets འམ་མཉམ་འབྲེལ་རྒྱལ་ཚོགས་ཀྱི་ཤེས་ཡོན་དང་ཚན་རིག དཔལ་འབྱོར། རིག་གཞུང་སྲུང་སྐྱོབ་སྡེ་ཚབ་ཀྱི་གནའ་བོའི་རིག་གནས་ཤུལ་བཞག་ཚོགས་ཆེན་ཐེངས་ ༤༡ པ་ཚོགས་ཀྱི་ཡོད་པ་རེད། ཚོགས་ཆེན་དེའི་ཐོག་རྒྱ་ནག་གཞུང་གིས་བོད་ཀྱི་མཚོ་སྔོན་ཞིང་ཆེན་ཁོངས་ཀྱི་སྤྱི་ལི་གྲུ་བཞི་མ་ཁྲི་དྲུག་ལྷག་ཡོད་པའི་ཨ་ཆེན་གངས་རྒྱབ་ཀྱི་ས་ཁུལ་དེ་རྒྱལ་ཚོགས་ཀྱི་རང་བྱུང་ཤུལ་བཞག་སྲུང་སྐྱོབ་ས་ཁུལ་ཁོངས་སུ་བཅུག་ཕྱིར་རྒྱལ་ཚོགས་ཀྱི་ UNESCO སྡེ་ཚན་དུ་མིང་འབོད་ཞུ་རྒྱུ་ཡིན་པ་རེད། རྒྱལ་སྤྱིའི་བོད་དོན་ལས་འགུལ་ཁང་གིས་ཚོགས་ཆེན་དེ་དང་བསྟུན། དེ་རིང་ཚེས་ ༣༠ ཉིན་རྒྱ་ནག་གཞུང་ནས་བོད་ཀྱི་ཨ་ཆེན་གངས་རྒྱབ་ས་ཁུལ་དེ་རྒྱལ་ཚོགས་ཀྱི་རང་བྱུང་ཤུལ་བཞག་སྲུང་སྐྱོབ་མིང་གཞུང་ཁོངས་སུ་བཅུག་འཆར་ཡོད་པ་དེས་ཁུལ་དེའི་བོད་མི་དང་རི་སྐྱེས་སྲོག་ཆགས་རྣམས་ཉེན་ཁའི་ནང་ལྷུང་པ་རེད་ཅེས་སྙན་ཐོ་ཞིག་འདོན་སྤེལ་བྱས་འདུག སྙན་ཐོའི་ནང་གཙོ་བོ་ལྟེ་གནས་ཁང་གི་ངོས་ནས་ལོ་མང་རིང་རྒྱ་གཞུང་གིས་བོད་ཀྱི་རང་བྱུང་ཁོར་ཡུག་སྲུང་སྐྱོབ་ཀྱི་ལས་འཆར་འོག་ས་ཁུལ་དེ་དག་ནང་དུ་འཚོ་རྟེན་བྱེད་བཞིན་པའི་བོད་མིའི་འབྲོག་པ་དང། རི་སྐྱེས་སྲོག་ཆགས། རྩ་ཐང། གནམ་གཤིས་ཚ་དྲོད་རྒྱས་པ་སོགས་ད་བར་ངལ་བ་འཕྲད་ཁག་ཆེད་བཏོན་བྱས་ཡོད་པ་མ་ཟད། ལྷག་པར་དུ་བོད་ཀྱི་ཨ་ཆེན་གངས་རྒྱབ་ས་ཁུལ་འདིའི་འཛུགས་སྐྲུན་ལས་འཆར་དེའི་ཁོངས་སུ་རྒྱ་གཞུང་ནས་བོད་མཐོ་སྒང་གི་ལོ་རྒྱུས་རང་བཞིན་ལྡན་པའི་སྲོལ་རྒྱུན་འབྲོག་པ་རྣམས་ཀྱི་འཚོ་རྟེན་དང། ས་ཁུལ་དེའི་ནང་རི་སྐྱེས་སྲོག་ཆགས་རྩ་གཏོར་དུ་འགྲོ་ཉེན་ཡོད་པ་སོགས་མངོན་གསལ་བྱས་འདུག རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་སྐུ་ཞབས་ Matteo Mecacci ལགས་ཀྱིས་རྒྱ་ནག་གཞུང་ནས་ UNESCO རང་བྱུང་ཤུལ་བཞག་ཁོངས་སུ་ཨ་ཆེན་གངས་རྒྱབ་ས་ཁུལ་བཅུག་རྒྱུའི་དམིགས་ཡུལ་དེར་རྒྱབ་སྐྱོར་ཡོད་ཀྱང་། ད་ལན་རྒྱ་གཞུང་གིས་བོད་ཀྱི་ལོ་རྒྱུས་ཐོག་ཡུན་རིང་ནས་ས་ཁུལ་དེའི་ནང་དུ་འཚོ་རྟེན་བྱེད་བཞིན་པའི་བོད་མིའི་འབྲོག་རྣམས་སྲུང་སྐྱོབ་ས་ཁུལ་ཁོངས་ནས་ཕྱིར་ཕུད་བྱེད་རྒྱུ་དང། རྒྱ་གཞུང་གིས་ UNESCO རང་བྱུང་ཤུལ་བཞག་སྲུང་སྐྱོབ་ཀྱི་མིང་སྤྱོད་ནས་ཁུལ་དེར་འཛུགས་བསྐྲུན་དང་ཡུལ་སྐོར་སྤྲོ་འཆམ་གྱི་ས་གནས་རྒྱ་སྐྱེད་བྱ་རྒྱུ་བཅས་ཀྱི་རྒྱུ་མཚན་ལྡན་པ་ཞིག་མི་འདུག་ཅེས་སྐྱོན་བརྗོད་གནང་ཡོད་པ་རེད། དེ་བཞིན་ལས་འགུལ་ཁང་དེས་ད་ལན་རྒྱལ་ཚོགས་སུ་མིང་འབོད་ཞུས་པའི་ཨ་ཆེན་གངས་རྒྱབ་ས་ཁུལ་དེ་ UNESCO རང་བྱུང་ཤུལ་བཞག་ས་ཁོངས་སུ་འདེམས་ཐོན་བྱ་རྒྱུའི་ཐག་གཅོད་ཕྱིར་འཐེན་བྱེད་དགོས་པའི་ཞུ་འབོད་བྱས་པ་དང་འབྲེལ། རྒྱལ་ཚོགས་ཀྱི་ལམ་སྟོན་རྩ་འཛིན་གཞི་བཟུང་གནད་ཆེ་བའི་རང་བྱུང་ས་ཁུལ་ཐོག་བསྐྱར་དུ་ཆེད་ལས་མི་སྣ་དང། མཁས་དབང་སོགས་ཀྱི་བརྒྱུད་ནས་ཞིབ་འཇུག་ནན་པོ་ཡོང་བར་འབོད་སྐུལ་ཞུས་འདུག གཞི་རྩའི་དངོས་གཞིའི་ཚོགས་ཆེན་དང་འབྲེལ་དེ་རིང་ 4th International Civil Society Forum on World Heritage at Risk ཞེས་པའི་འཛམ་གླིང་ནང་གི་ཉེན་ཚབས་ཆེ་བའི་གནའ་བོའི་རིག་གནས་ཤུལ་བཞག་ཞེས་པ་ཚོགས་ཀྱི་ཡོད་པ་དང་། ཚོགས་འདུའི་ཐོག་རྒྱལ་སྤྱིའི་བོད་དོན་ལས་འགུལ་ཁང་ནས་ད་རེས་འདོན་སྤེལ་བྱས་པའི་སྙན་ཐོ་དེའི་ཕུལ་གྱི་ཡོད་པ་རེད་འདུག གཞི་རྩའི་རྒྱ་གཞུང་གིས་དུས་ད་ལྟར་བར་དུ་བོད་མཐོ་སྒང་གི་ཁོར་ཡུག་སྲུང་སྐྱོབ་དང་འཛུགས་སྐྲུན་གྱི་ལས་གཞིར་ཁ་གཡར་ནས་བོད་ནང་གི་འབྲོག་པ་ས་ཡ་ ༢ ལྷག་གནས་སྤོས་ཟིན་ཡོད་པ་རེད། ལྷག་པར་དུ་ཉེ་ཆར་རྒྱ་ནག་གཞུང་གིས་བོད་མཐོ་སྒང་ས་ཁུལ་ཆ་ཚང་ Third pole National Park ཞེས་འཛམ་གླིང་སྣེ་མོ་གསུམ་པའི་རྒྱལ་ཡོངས་རང་བྱུང་སྲུང་སྐྱོབ་ས་ཁུལ་དུ་བསྒྱུར་རྒྱུའི་ཞུ་སྙན་ UNESCO ཕུལ་ཏེ། ས་ཁུལ་དེ་འཛམ་གླིང་ནང་རང་བྱུང་ཤུལ་བཞག་སྲུང་སྐྱོབ་ཁོངས་སུ་ཚུད་རྒྱུར་འབད་བརྩོན་བྱེད་བཞིན་པར་རྒྱལ་སྤྱིའི་བོད་དོན་ལས་འགུལ་ཁང་དང་སེཀོརྚ་ལན་ཌི་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པ། དབྱིན་ཡུལ་བོད་རང་དབང་ཚོགས་པ། དེ་བཞིན་བོད་མིའི་སྒྲིག་འཛུགས་སྲིད་བྱུས་ཉམས་ཞིབ་པ་ཁག་ནས་སྐྱོན་བརྗོད་ཀྱང་བྱས་ཡོད་པ་རེད།

ཧི་མཱ་ལ་ཡའི་རི་བརྒྱུད་ཀྱི་མང་ཚོགས་ནས་དཔལ་ན་ལནྡྲའི་གཞུང་ཆེན་རྒྱ་གར་ནང་སླར་གསོ་ཡོང་བར་ཞབས་འདེགས་སྒྲུབས་དགོས་ཞེས་བཀའ་བསྩལ་འདུག

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ལ་དྭགས་གཙོས་པའི་ཧི་མཱ་ལ་ཡའི་རི་བརྒྱུད་ཀྱི་མང་ཚོགས་ནས་དཔལ་ན་ལནྡྲའི་གཞུང་ ཆེན་རྣམས་རིམ་བཞིན་རྒྱ་གར་ནང་སླར་གསོ་ཡོང་རྒྱུར་ཞབས་འདེགས་སྒྲུབས་དགོས་པ་དང། དེའང་ནང་ཆོས་དང་འབྲེལ་མ་དགོས་པར་ཤེས་ཡོན་གྱི་འདུ་ཤེས་ཁོ་ནའི་ཐོག་ནས་གནང་དགོས་ཀྱི་རེད་ཅེས་བཀའ་གནང་འདུག སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ཨ་རིའི་ནང་གི་མཛད་འཆར་ཁག་ལེགས་པར་གྲུབ་རྗེས་ཁ་ས་སྔ་དྲོ་རྒྱ་གར་བྱང་ཕྱོགས་ལ་དྭགས་ཀྱི་རྒྱལ་ས་སླེ་ཞི་བའི་ཚལ་ཕོ་བྲང་དུ་༸ཞབས་སོར་བདེ་བར་འཁོད་མ་ཐག དགའ་ལྡན་ཁྲི་ཟུར་རི་རྫོང་རིན་པོ་ཆེ་མཆོག་གིས་དབུས་པའི་མཁན་བླ་སྤྲུལ་ཁག་ཅིག ས་གནས་ཀྱི་གྲོས་ཚོགས་འཐུས་མི། ལ་དྭགས་རང་སྐྱོང་རི་ལྗོངས་ཡར་རྒྱས་ཚོགས་པའི་འགོ་དཔོན་དང་དེ་བཞིན་བོད་མིའི་སྒྲིགས་འཛུགས་ཀྱི་ལ་སྤྱི་སོགས་སེར་སྐྱ་མང་ཚོགས་ཁག་ཅིག་ལ་ཚོུད་ཕྱེད་ཀ་ལྷག་ཙམ་རིང་ལ་བཀའ་སློབ་ལམ་སྟོན་མཛད་ཡོད་པ་རེད། མགོན་པོ་༸གང་ཉིད་མཆོག་གིས་སྐབས་དེར་ཁོང་རྣམས་ལ་འཚམས་འདྲི་དང་འབྲེལ་ད་རེས་ལ་དྭགས་སུ་ཆིབས་སྒྱུར་མཛད་དོན་སྐོར་བཀའ་སྩལ་བ་མ་ཟད། ཉེ་ལམ་མགོན་པོ་མཆོག་ཨ་རིའི་ནང་༸སྐུའི་འཕྲོད་བཞེས་བརྟག་དཔྱད་གནང་པའི་བརྒྱུད་རིམ་ཁག་ངོ་སྤྲོད་གནང་ནས་ད་ཆ་མགོན་པོ་༸གང་ཉིད་མཆོག་སྐུ་གཟུགས་བདེ་ཐང་ཡིན་ཞེས་བཀའ་སྩལ་འདུག ༸གོང་ས་མཆོག་གིས་ད་དུང་ལ་དྭགས་ཀྱི་མང་ཚོགས་རྣམས་ཕ་མེས་ནས་ནང་པ་སངས་རྒྱས་པའི་ཆོས་དང་སྒོས་བོད་གངས་ཅན་པའི་སངས་རྒྱས་པའི་ཆོས་ལ་དད་པ་བྱེད་མཁན་ཞིག་ཆགས་ཡོད་པས་དེའང་གཙོ་བོ་དཔལ་ན་ལནྡྲའི་ཆོས་བརྒྱུད་དྲི་མ་མེད་པ་འཛིན་མཁན་ཞིག་ཆགས་ཡོད་ཅེས་བཀའ་སྩལ་འདུག ལྷག་དོན་ལ་དྭགས་གཙོས་པའི་ཧི་མཱ་ལ་ཡའི་མང་ཚོགས་ནས་ནང་པའི་ཆོ་ག་ཕྱག་ལེན་གནང་རྒྱུ་གཙོ་བོར་ངོས་མ་འཛིན་པར་གཞུང་ཆེན་ཁག་ལ་བསླབ་པ་སློབ་གཉེར་གནང་སྟེ། དཔལ་ན་ལནྡྲའི་གཞུང་ཆེན་དེ་དག་རྒྱ་གར་ནང་སླར་གསོ་ཐུབ་རྒྱུར་ཞབས་འདེགས་སྒྲུབས་དགོས་ཀྱི་རེད་ཅེས་ལམ་སྟོན་མཛད་འདུག   གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་ལ་དྭགས་ནང་ཟླ་བ་གཅིག་ལྷག་ཙམ་རིང་བཞུགས་ཞག་མཛད་ཀྱི་ཡོད་པ་དང། མགོན་པོ་༸གང་ཉིད་མཆོག་ནས་དུས་ཡུན་དེའི་ཁྲོད་ལ་དྭགས་ཀྱི་རྒྱལ་ས་སླེ་དང་ཟངས་དཀར། ནུབ་ར་། ཏུར་ཏུཀ་སོགས་སུ་ཆིབས་སྒྱུར་གྱིས་བཀའ་ཆོས་དང་ཚེ་དབང་སོགས་ཀྱི་མཛད་འཆར་ཁག་ཅིག་བསྐྱང་གཏན་འཁེལ་བ་མ་ཟད། རིང་མིན་ཟླ་ ༧ ཚེས་ ༦ སྟེ་༸གོང་ས་མཆོག་གི་༸སྐུའི་འཁྲུངས་ལྷ་དབྱར་གསོལ་ཉིན་མགོན་པོ་༸གང་ཉིད་དབུ་བཞུགས་ཐོག་སླེ་ཞི་བའི་ཚལ་དུ་མཛད་སྒོ་གཟབ་རྒྱས་ཤིག་ཚོགས་གཏན་འཁེལ་དོན་ལྟར། ལ་དྭགས་ས་ཕྱོགས་གང་ས་ནས་མང་ཚོགས་སྟོང་ཕྲག་དུ་མ་འདུ་འཛོམས་གནང་གི་ཡོད་པ་རེད།

༸གོང་ས་མཆོག་གིས་སྐུ་ཞབས་ Liu Xiaobo ལགས་ཀྱི་གནས་སྟངས་ལ་ཐུགས་གསོ་མཛད་་འདུག

ཁ་སང་ཟླ་ ༦ ཚེས་ ༢༨ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་རྒྱ་གཞུང་གི་བཙོན་ཁང་ནང་མཆིན་པའི་སྐྲན་ནད་ཕོག་རྐྱེན་སྨན་བཅོས་ཆེད་གློད་བཀྲོལ་ཐོབ་པའི་རྒྱ་རིགས་འགྲོ་བ་མིའི་ཐོབ་ཐང་འཐབ་རྩོད་པ་དང་ནོ་སྦེལ་ཞི་བདེའི་གཟེངས་རྟགས་བཞེས་མྱོང་མཁན་སྐུ་ཞབས་ Liu Xiaobo ལགས་ལ་ཐུགས་གསོའི་གསུང་འཕྲིན་ཞིག་བསྩལ་འདུག མགོན་པོ་༸གང་ཉིད་མཆོག་གི་ཐུགས་གསོའི་གསུང་འཕྲིན་དེའི་ནང་ངོས་རང་ནོ་སྦེལ་ཞི་བདེའི་གཟེངས་རྟགས་བཞེས་མྱོང་མཁན་སྐུ་ཞབས་ Liu Xiaobo ལགས་བཙོན་ཁང་ནས་གློད་བཀྲོལ་ཐོབ་པར་ཐུགས་དགྱེས་ཚོར་ཆེན་པོ་བྱུང་ཡང་། དེ་མཚུངས་ཁོང་ལ་འབྲས་ནད་ཀྱི་ནད་གཞི་ཕོག་སྟབས་འཕྲོད་བསྟེན་གྱི་གནས་སྟངས་སྐྱོ་བོ་ཆགས་པར་ཐུགས་ཕམ་ཆེན་པོ་བྱུང་ཞེས་བཀའ་བསྩལ་འདུག ༸གོང་ས་མཆོག་ནས་སྐུ་ཞབས་ Liu Xiaobo ལགས་ནི་རྒྱ་གཞུང་གིས་ཉེས་མེད་འཛིན་བཟུང་བཙན་ཁྲིད་བྱས་པའི་ཆབ་སྲིད་བཙོན་པ་གྲགས་ཆེ་ཤོས་གྲས་ཤིག་ཡིན་པ་དང་། ཁོང་གིས་ད་བར་སྐུ་ལས་དང་སྡུག་སྦྱོང་ཚད་མེད་མྱངས་པ་དེ་དག་གིས་རྒྱ་ནག་དེ་ཞི་བདེ་ལྷིང་འཇགས་ལྡན་པའི་ཡར་རྒྱས་ཅན་གྱི་རྒྱལ་ཁབ་ཞིག་ཏུ་འགྱུར་རྒྱུ་སྤྱི་དང་སྒོས་འཛམ་གླིང་སྤྱིའི་ཞི་བདེ་ལ་ཕན་པའི་ཐུགས་རེ་མཛད་འདུག གཞན་ཡང་༸གོང་ས་༸སྐྱབས་མགོན་ཆེན་པོ་མཆོག་གིས་སྐུ་ཞབས་ Liu Xiaobo ལགས་ཀྱིས་དེ་སྔ་མཚན་རྟགས་བསྐྱོན་པའི་རྒྱ་ནག་གི་མང་གཙོ་བཅོས་བསྒྱུར་དང་རང་དབང་། དེ་བཞིན་ཁྲིམས་ལུགས་དབང་འཛིན་སོགས་དང་འབྲེལ་བའི་ཁྲིམས་འཆར་ཨང་ ༨ ཞེས་པ་དེ་མགོན་པོ་༸གང་ཉིད་མཆོག་ཙམ་མ་ཟད། རྒྱ་རིགས་ཤེས་ལྡན་མི་སྣ་མང་དག་ཞིག་ལ་སེམས་འགུལ་ཐེབས་ཐུབ་པ་བྱུང་ཡོད་སྐོར་སོགས་བཀའ་འགྲེལ་དང་སྦྲགས། མགོན་པོ་མཆོག་ནས་རྣམ་ཀུན་སྐུ་ཞབས་ Liu Xiaobo ལགས་ཀྱི་འཕྲོད་བསྟེན་དང་བདེ་ཐབས་ཐོག་ཐུགས་སྨོན་གནང་བཞིན་ཡོད་པ་དང་། རྒྱ་ནག་གཞུང་ནས་ཡིན་ནས་སྐུ་ཞབས་ Liu Xiaobo ལགས་ཀྱི་འཕྲོད་བསྟེན་སྨན་བཅོས་སླད་དགོས་ངེས་ཀྱི་མཐུན་འགྱུར་ལེགས་ཤོས་དེ་སྦྱོར་རྒྱུ་དང་། སྨན་བཅོས་ཁག་ལམ་ལྷོང་ཡོང་བར་ཐུགས་རེ་ཡོད་ཅེས་བཀའ་བསྩལ་འདུག གཞི་རྩའི་ཟླ་བ་འདིའི་ཚེས་ ༢༦ ཉིན་རྒྱ་ནག་གཞུང་གིས་སྐུ་ཞབས་ Liu Xiaobo ལགས་སྨན་བཅོས་ཀྱི་ཐོབ་ཐང་འོག་བཙོན་གྲོལ་བཏང་པའི་གནས་ཚུལ་ཡོངས་ཁྱབ་བྱུང་རྗེས། ཨ་རིས་གཙོས་པའི་རྒྱལ་སྤྱིའི་གཞུང་དང་ཚོགས་པ། དེ་བཞིན་ལས་འགུལ་བ་སོགས་མང་པོ་ཞིག་ནས་སྐུ་ཞབས་ Liu Xiaobo ལགས་ཀྱི་གཟུགས་གཞིའི་གནས་སྟངས་ཐད་ལ་སེམས་ཚབས་དང་སྦྲགས། རྒྱ་ནག་གཞུང་ནས་སྐུ་ཞབས་ Liu Xiaobo ལགས་ལ་རང་ཉིད་ཀྱི་འདོད་མོས་ལྟར་རྒྱ་ནག་ནང་ཙམ་མ་ཟད། ཕྱིའི་རྒྱལ་ཁབ་ཁག་ཏུ་སྨན་བཅོས་ཆེད་བསྐྱོད་རྒྱུར་ཐོབ་ཐང་སྤྲོད་དགོས་པ་དང་། ཟང་བཙོན་འོག་ཡོད་པའི་ཁོང་གི་བཟའ་ཟླ་ Liu Xia ལགས་ཀྱང་འཕྲལ་དུ་གློད་བཀྲོལ་བཏང་དགོས་པའི་ཞུ་འབོད་རིམ་པ་གནང་ཡོད་པ་རེད།

བོད་པའི་བེུད་རྐང་རྩེད་སྤོ་ལོའི་རུ་ཁག་ལ་འགོག་རྐྱེན་འཕྲད་བཞིན་ཡོད་ནའང་གོ་སྒྲིག་ཚོགས་ཆུང་ནས་རྒྱབ་སྐྱོར་ཤུགས་ཆེ་གནང་འདུག

ཟླ་བ་རྗེས་མའི་ཕྱི་ཚེས་ ༧ ནས་ཁེ་ན་ཌ་ནང་ Vancouver International Soccer festival ཞེས་ཁུལ་དེའི་ནང་རྒྱལ་སྤྱིའི་རྒྱལ་ཁབ་ཁག་ཅིག་གི་བེུད་རྐང་རྩེད་སྤོ་ལོའི་རུ་ཁག་འདྲ་མིན་དབར་ལ་རྩེད་འགྲན་ཞིག་ཚོགས་འཆར་ཡོད་པ་ལྟར། ཁེ་ན་ཌའི་ BC Soccer བོུའི་རུ་ཁག་ནས་བོད་པའི་བེུད་རྐང་རྩེད་སྤོ་ལོའི་རུ་ཁག་ལ་ཆ་རྐྱེན་འདྲ་མིན་བཏོན་ནས་འགོག་རྐྱེན་བཟོ་བཞིན་ཡོད་སྟབས། རྩེད་འགྲན་གོ་སྒྲིག་ཚོགས་ཆུང་ནས་ཁེ་ན་ཌའི་ BC Soccer རུ་ཁག་དང་འབྲེལ་ལམ་ཡོངས་སུ་བཅད་ནས་བོད་པའི་བེུད་རུ་ཁག་ལ་འཕྲད་བཞིན་པའི་དཀའ་ངལ་ཁག་ལ་གདོང་ལེན་གྱིས་རྒྱབ་སྐྱོར་གནང་འདུག གནད་དོན་འདིའི་སྐོར་ལ་ CBC བརྒྱུད་ལམ་སྟེང་གནས་ཚུལ་ཐོན་པར། ཐེངས་འདིའི་རྩེད་འགྲན་ཉིན་དང་པོའི་ཐོག་ཁེ་ན་ཌའི་ BC Soccer བོུའི་རུ་ཁག་དེ་ཉིད་དང་བོད་པའི་བོུའི་རུ་ཁག་གཉིས་དབར་ལ་འགྲན་བསྡུར་གནང་གཏན་འཁེལ་ཡོད་པ་དང་འབྲེལ། ཉིན་ཤས་གོང་ Canadaའི་ BC བོུའི་རུ་ཁག་ནས་གོ་སྒྲིག་ཚོགས་ཆུང་ལ་བོད་པའི་བེུད་རྩེད་འགྲན་པ་ཚོའི་མིང་དང་བོད་ཀྱི་རྒྱལ་ཡོངས་རྩེད་རིགས་ཚོགས་པའི་ཆོག་མཆན་བཀའ་འཁྲོལ་ཡིག་ཆ་ཁག་སོགས་བསྟན་དགོས་པའི་ཆ་རྐྱེན་ཁག་ཅིག་བཏོན་ཡོད་པ་རེད་འདུག འོན་ཀྱང་རྩེད་འགྲན་གོ་སྒྲིག་ཚོགས་ཆུང་གི་གཙོ་འཛིན་སྐུ་ཞབས་ Adri Kamael ལགས་ནས་རྩེད་འགྲན་འདི་ནི་མི་རིགས་དང་རྒྱབ་ལྗོངས། ཡིག་ཆ་ཇི་ཡོད་སོགས་ལ་མ་ལྟ་བར་གུས་བརྩི་དང་འདྲ་མཉམ་གྱི་ལྟ་གྲུབ་གཙོ་བོར་བཞག་ནས་འགྲོ་གི་ཡོད་སྟབས། ཁེ་ན་ཌའི་བོུའི་རུ་ཁག་གི་བཏོན་པའི་ཆ་རྐྱེན་ཁག་ལ་ངོས་ལེན་གནང་ཐབས་མེད་པ་མ་ཟད། རུ་ཁག་དེ་ཉིད་རྩེད་འགྲན་ཁོངས་སུ་མ་ཞུགས་རོགས་ཞེས་ལན་འདེབས་གནང་འདུག ལྷག་པར་དུ་སྐུ་ཞབས་ Adri Kamael ལགས་ཀྱིས་བརྒྱུད་ལམ་དེའི་ཐོག་ད་རེས་བོད་པའི་བེུད་རྐང་རྩེད་སྤོ་ལོའི་རུ་ཁག་དེ་Canada ནང་དུ་འཛམ་གླིང་ཁག་ཅིག་གི་བོུའི་རུ་ཁག་དང་མཉམ་དུ་ཐེངས་དང་པོ་འགྲན་བསྡུར་གནང་ཡོད་པ་སོགས་འགྲེལ་བརྗོད་གནང་འདུག ད་དུང་ VISF རྩེད་འགྲན་གོ་སྒྲིག་ཚོགས་ཆུང་ནས་ཁོང་ཚོར་གནོན་ཤུགས་དང་དཀའ་ངལ་གང་འདྲ་ཞིག་འཕྲད་ཀྱང་རུང་། འདི་ལོའི་རྩེད་འགྲན་དེ་དུས་ཚོུད་དང་ས་གནས་ཆ་བགོས་ལྟར་འགྲི་རྒྱུ་ཡིན་པ་ལས་འགྱུར་བ་གང་ཡང་མེད་པའི་ཐོག ཕྱི་ཟླ་༧ ཚེས་༧ཏེ་ཉིན་དང་པོར་ བོད་པའི་བེུད་རུ་ཁག་དང་ཁེ་ན་ཌའི་ BC Soccer རུ་ཁག་དབར་རྩེད་འགྲན་གནང་རྒྱུ་ཡིན་ཞེས་གསུངས་འདུག རྩ་བའི་ཨ་རི་བ་ཁེ་སི་ལགས་ནས་སྣེ་ཁྲིད་པའི་ཐེངས་འདིའི་བོད་པའི་བེུད་རྐང་རྩེད་སྤོ་ལོའི་རུ་ཁག་ལ་དེ་སྔ་ཨ་རིར་སྐྱོད་རྒྱུར་མཐོང་མཆན་ཐོབ་མེད་ནའང་། ད་རེས་རྩེད་འགྲན་པ་བོུ་ ༡༤  ཡོད་པ་རྣམས་ལ་ཁེ་ན་ཌར་བསྐྱོད་རྒྱུའི་མཐོང་མཆན་ཐོབ་ཡོད་པ་མ་ཟད། ཕྱི་རྒྱལ་དུ་རྒྱལ་ཁབ་འདྲ་མིན་གྱི་རུ་ཁག་དང་མཉམ་དུ་འགྲན་བསྡུར་ཐེངས་དང་པོ་གནང་གི་འདུག བཞུགས་སྒར་དུ་རྟེན་གཞི་བྱས་པའི་བོད་རྒྱལ་ཡོངས་རྩེད་རིགས་ཚོགས་པའི་ངོས་ནས་ཨ་རི་བ་ Cassie ལགས་ནས་སྣེ་ཁྲིད་པའི་རུ་ཁག་དེ་ནི་མི་སྒེར་ཞིག་བཙུགས་པའི་རུ་ཁག་ཅིག་ལས་བོད་རྒྱལ་ཡོངས་བེུད་རྐང་རྩེད་སྤོ་ལོའི་རུ་ཁག་ཅིག་ཏུ་ངོས་འཛིན་གནང་གི་མེད་པ་རེད།        

ཉེན་རྟོག་དམག་མི་ཕོན་ཆེ་འགྲེམས་འཇོག་འོག་ཞི་ཅིང་ཕིང་ཧོང་ཀོང་དུ་འབྱོར་འདུག

ཞི་ཅིང་ཕིང་རྒྱ་ནག་གི་སྲིད་འཛིན་གོ་གནས་བཟུང་ནས་ཧོངཀོང་ནང་གཞུང་འབྲེལ་གྱི་སྐོར་བསྐྱོད་ཐེངས་དང་པོ་དེ་བྱེད་པའི་ཁྲོད་ ཉེན་རྟོག་དམག་མི་ཕོན་ཆེ་འགྲེམས་འཇོག་འོག་ཡོང་དགོས་བྱུང་འདུག དེའང་རེས་གཟའ་སྤེན་པ་ཟླ་ ༧ ཚེས་ ༡ ཉིན་ཧོང་ཀོང་རྒྱལ་ཁབ་དེ་བཞིན་དེ་སྔ་ཕྱི་ལོ་ ༡༩༩༧ ལོར་དབྱིན་ཡུལ་གྱིས་རྒྱ་ནག་ལ་རྩིས་སྤྲོད་བྱས་ཏེ་ལོ་ངོ་ ༢༠ འཁོར་བའི་དུས་དྲན་མཛད་སྒོ་ཞིག་ཚོགས་ཀྱི་ཡོད་པ་རེད། འོན་ཀྱང་ཉེ་བའི་ལོ་ཤས་ནང་ཁུལ་དེའི་ནང་དུ་ Umbrella Movement ལས་འགུལ་གཙོས་པའི་ཁུལ་དེའི་མང་ཚོགས་ནས་ཧོང་ཀོང་རྒྱལ་ཁབ་དེ་རྒྱ་ནག་མངའ་འོག་རང་བཙན་དགོས་པའི་ལས་འགུལ་དང། རྒྱ་གཞུང་ནས་ཧོང་ཀོང་ལ་འཛིན་བཞིན་པའི་སྲིད་བྱུས་ལ་སྐྱོན་བརྗོད་ཤུགས་ཆེ་བྱེད་བཞིན་ཡོད་པ་མ་ཟད། ལྷག་དོན་ད་ལན་ཞི་ཅིང་ཕིང་ཧོང་ཀོང་ནང་མ་འབྱོར་བའི་ཉིན་ཤས་སྔོན་དང། དེ་རིང་ཁོ་པ་ཧོང་ཀོང་དུ་འབྱོར་སྐབས་བཅས་ལ་ཡུལ་དེའི་མང་གཙོ་དོན་གཉེར་བ་དང་སློབ་ཕྲུག་སོགས་ནས་ཞི་ཅིང་ཕིང་དང་རྒྱ་གཞུང་ནས་ཧོང་ཀོང་ལ་མང་གཙོ་དང་རང་དབང་སྤྲོད་དགོས་པའི་ངོ་རྒོལ་སྐད་འབོད་ཀྱི་ལས་འགུལ་བསྟུད་མར་སྤེལ་བཞིན་ཡོད་པ་རེད་འདུག རྒྱ་ནག་གི་སྲིད་འཛིན་ཞི་ཅིང་ཕིང་ཧོང་ཀོང་རྒྱལ་ཁབ་ནང་ཆེས་ཐོག་མའི་གཞུང་འབྲེལ་སྐོར་བསྐྱོད་དེའི་ཁྲོད་ས་གནས་ཉེན་རྟོག་པས་ཉིན་ཤས་སྔོན་ཧོང་ཀོང་གི་སློབ་ཕྲུག་ལས་འགུལ་བའི་འགོ་ཁྲིད་ Joshua Wong འཛིན་བཟུང་བཙན་ཁྲིད་བྱས་པ་མ་ཟད། དེ་བཞིན་ཡོངས་གྲགས་ཡིན་པའི་ལས་འགུལ་བ་ཁག་ཅིག་སྲིད་འཛིན་ཞི་ཅིང་ཕིང་མ་འབྱོར་བའི་ཉིན་གཅིག་གི་སྔོན་ཚོད་ནས་འཛིན་བཟུང་བྱས་འདུག ཧོང་ཀོང་རང་དབང་ལས་འགུལ་བ་རྣམས་ནས་གསར་འགྱུར་བརྒྱུད་ལམ་ཁག་ཏུ་ད་རེས་ཞི་ཅིང་ཕིང་གི་ཧོང་ཀོང་ནང་གི་སྐོར་བསྐྱོད་བྱེད་ཡུལ་ས་ཚིགས་ཚང་མར་ངོ་རྒོལ་གྱི་ལས་འགུལ་བསྟུད་མར་སྤེལ་རྒྱུ་ཡིན་པ་དང། ལྷག་པར་དུ་ཟླ་ ༧ ཚེས་ ༡ ཉིན་ ཧོང་ཀོང་གི་རྒྱལ་ཁབ་དེ་དབྱིན་ཇིའི་མངའ་འོག་ནས་རྒྱ་ནག་ལ་རྩིས་སྤྲོད་བྱས་ཏེ་ལོ་ངོ་ ༢༠ འཁོར་བའིདུས་དྲན་མཛད་སྒོ་དང་བསྟུན་མཛད་སྒོ་ཚོགས་ཡུལ་ས་ཚིགས་སུ་རྒྱ་ནག་བཙན་གནོན་རིང་ལུགས་ལ་ངོ་རྒོལ་གྱི་གོམ་བགྲོད་གནང་རྒྱུ་རེད་འདུག རྒྱ་ནག་གི་སྲིད་འཛིན་ཞི་ཅིང་ཕིང་ཧོང་ཀོང་ནང་འབྱོར་ཡོད་པ་དང་བསྟུན་རྒྱལ་མཚམས་མེད་པའི་གསར་འགོད་མཐུན་ཚོགས་ནས་འདས་པའི་ལོ་ ༢༠ ནང་ཧོང་ཀོང་ནང་གི་གསར་འགོད་རང་དབང་གནས་སྟངས་ཕྱོགས་བསྡོམས་ཞུས་པའི་དཔྱད་རྩོམ་ཞིག་སྤེལའདུག དེའི་ནང་རྒྱ་གཞུང་གིས་ཧོང་ཀོང་དེ་དབྱིན་ཇི་མངའ་འོག་ནས་རྩིས་ལེན་པ་ནས་བཟུང་ཁུལ་དེའི་ནང་གི་གསར་འགོད་རང་དབང་གནས་སྟངས་ཆེས་ཇེ་ཞན་ཇེ་སྡུག་ཏུ་ཕྱིན་ཡོད་ཅེས་བརྗོད་འདུག དེ་བཞིན་འདས་པའི་ལོ་ ༢༠ འདིའི་རིང་ལ་ཧོང་ཀོང་ནང་གི་གསར་བསྒྱུར་བརྒྱུད་ལམ་གཙོ་ཁག་རྒྱ་གཞུང་གིས་སྟངས་འཛིན་འོག་བཞག་ཡོད་པ་མ་ཟད། རྒྱ་གཞུང་དང་ལྟ་ཕྱོགས་མི་མཐུན་པའི་གནས་ཚུལ་ཁྱབ་སྤེལ་དང་སྐྱོན་བརྗོད་རིགས་སྤེལ་མཁན་གྱི་གསར་ཁང་གི་ཆོག་མཆན་ལག་འཁྱེར་མེད་པ་བཟོས་པ་དང། གཞུང་འབྲེལ་ཁག་གི་མཛད་སྒོར་ཡོང་མི་ཆོག་པ། གསར་འགོད་དང་རྩོམ་སྒྲིག་པའི་ཐོག་དྲག་གནོན་དང་སུན་གཙེར་དང་ལས་གནས་ནས་ཕྱིར་ཕུད་བཏང་བ། དེ་བཞིན་དྲ་རྒྱའི་ཐོག་གནས་ཚུལ་འགོད་སྤེལ་བྱེད་མཁན་ཐོག་དམ་དྲག་གིས་རྒྱ་ནག་གཞུང་ལ་ཟུར་ཟ་དང་འབྲེལ་བའི་དཔེ་དེབ་འགྲེམ་སྤེལ་བྱེད་མཁན་ཚོང་གཉེར་བ་ཁག་བཙན་ཁྲིད་དང་བཙན་དབང་གིས་ཉེས་མིང་འོག་བཙོན་འཇུག་ཁྲིམས་ཐག་བཅད་པ་སོགས་ཞིབ་ཕྲའི་གནས་ཚུལ་ཁག་མངོན་གསལ་གནང་འདུག གཞན་ཡང་དེ་སྔ་ཧོང་ཀོང་དེ་དབྱིན་ཡུལ་གྱི་མངའ་འོག་ཏུ་ཡོད་སྐབས་དུས་དེའི་སྲིད་སྐྱོང་མཐའ་མ་སྐུ་ཞབས་ Chris Patten ལགས་ཀྱིས་དུས་ཚིགས་འདི་དང་བསྟུན་གསར་འགོད་པའི་བཅར་འདྲི་དང་ལེན་གནང་པར་ས་གནས་དེའི་རང་སྐྱོང་གི་གནས་བབ་ཉམས་རྒུད་འགྲོ་བཞིན་པར་བློ་ཚབས་ཡོད་པའི་རྣམ་པ་མངོན་གསལ་དང་སྦྲགས། རྒྱ་གཞུང་གི་ངོས་ནས་ལོ་ ༢༠ གོང་ཧོང་ཀོང་དེ་དབྱིན་ཡུལ་ནས་རྒྱ་ནག་ལ་རྩིས་སྤྲོད་སྐབས་ས་གནས་ཀྱི་ཡུལ་མི་རང་དབང་ལ་རྒྱབ་སྐྱོར་ཞུ་རྒྱུར་ཁས་ལེན་བྱས་ཡོད་ཀྱང་། ད་ཆ་དེ་ལྟར་མེད་པར་རྩིས་མེད་གཏོང་བཞིན་འདུག་ཅེས་སྐྱོན་བརྗོད་གནང་འདུག ད་དུང་ཁོང་གིས་རྒྱ་གཞུང་གིས་དེ་སྔོན་ཧོང་ཀོང་ནང་གི་དཔེ་དེབ་ཚོང་གཉེར་བ་ཁག་ཅིག་འཛིན་བཟུང་བྱས་པའི་གནད་དོན་ལུང་འདྲེན་དང་འབྲེལ། ཧོང་ཀོང་ནང་དུ་རྟེན་གཞི་བྱས་པའི་རྒྱ་ནག་གཞུང་འབྲེལ་ལས་ཁུངས་ཁག་ནས་ཧོང་ཀོང་ས་གནས་གཞུང་གི་ལས་དོན་ཁག་ལ་ཐོག་མཐའ་བར་གསུམ་དུ་ཐེ་བྱུས་བྱེད་བཞིན་པར་སྐྱོན་བརྗོད་ཀྱང་ཤུགས་ཆེ་གནང་འདུག

Latest news