Monthly Archives: September, 2016

དེ་ཡང་ཁ་སང་བོད་རང་སྐྱོང་ལྗོངས་ཀྱི་འགོ་གཙོ་གསར་པ་ཝུ་ཡིང་ཇེས་གཏམ་བཤད་སྤེལ་བའི་གནས་ཚུལ་ཞིག་དེ་རིང་ Reuters གསར་སྤེལ་ཁང་ནས་སྤེལ་འདུག་པ་དང། ཁོ་པས་ཏཱ་ལའི་བླ་མའི་ཤུགས་རྐྱེན་ལ་གདོང་ལེན་བྱ་རྒྱུ་ནི་བོད་ནང་གི་ལས་དོན་གཙོ་གྲས་ཤིག་ཡིན་པ་བརྗོད་འདུག དེ་བཞིན་ཁོ་པས་ཏཱ་ལའི་རུ་ཚོགས་ཀྱི་ལས་དོན་ལ་གདོང་ལེན་བྱ་རྒྱུ་གཙོ་བཟུང་གིས་གྲངས་ཉུང་མི་རིགས་ཕན་ཚུན་དབར་གྱི་ཕུགས་རྒྱང་གི་ཆིག་སྒྲིལ་ནུས་ཤུགས་ཆེ་རུ་གཏོང་དགོས་པ་དང་། གཞན་ཡང་ཏཱ་ལའི་བླ་མ་སྐུ་ཕྲེང་བཅུ་བཞི་པའི་ཁ་བྲལ་གྱི་ལས་དོན་ཡོངས་རྫོགས་མཐིལ་ཕྱིན་པར་བྱ་དགོས་པ་མ་ཟད། ཁ་བྲལ་གྱི་ལས་དོན་ཐོག་དམ་དྲག་གིས་དེ་དག་རྩ་མེད་གཏོང་དགོས་སྐོར་བརྗོད་འདུག རྩ་བའི་ཝུ་ཡིང་ཇེ་ནི་འདི་ལོའི་ཟླ་ ༨ ཚེས་ ༢༨ ཉིན་བོད་རང་སྐྱོང་ལྗོངས་ཟེར་བའི་དྲུང་ཆེ་ཁྲེན་ཆོན་གོའི་ཚབ་ཏུ་བསྐོ་གཞག་བྱས་པ་དང། ཁྲེན་ཆོན་གོ་ཤིན་ཅང་རང་སྐྱོང་ས་ཁུལ་གྱི་དམར་ཤོག་ཚོགས་པའི་དྲུང་ཆེར་གནས་སྤར་བཏང་ཡོད་པ་རེད། ད་ལྟ་རང་ལོ་ ༥༩ ཡིན་པའི་ཝུ་ཡིང་ཇེ་ནི་ཕྱི་ལོ་ ༡༩༧༤ ཙམ་ནས་བོད་དུ་བསླེབས་ཏེ་མི་ཚེ་ཧྲིལ་པོ་ཁུལ་དེའི་ནང་བསྐྱལ་པ་མ་ཟད། ཕྱི་ལོ་ ༡༩༩༨ ལོར་བོད་རང་སྐྱོང་ལྗོངས་སློབ་གསོ་ལྷན་ཁང་གི་དྲུང་ཆེ་གཞོན་པ་དང་། ཕྱི་ལོ་ ༢༠༠༥ ལོར་དྲིལ་བསྒྲགས་ལྷན་ཁང་གི་འགན་འཛིན། ཕྱི་ལོ་ ༢༠༠༦ ལོར་བོད་རང་སྐྱོང་ལྗོངས་ཀྱི་གཙོ་འཛིན་གཞོན་པ་དང་། ཕྱི་ལོ་ ༢༠༡༣ ལོར་བོད་རང་སྐྱོང་ལྗོངས་ཀྱི་དམར་ཤོག་ཚོགས་པའི་གཙོ་འཛིན་གཞོན་པ་བཅས་བྱས་ཡོད་པ་རེད། སྐབས་དེར་བརྒྱུད་ལམ་ཁག་ཏུ་ཝུ་ཡིང་ཇེ་དང་འབྲེལ་བའི་དཔྱད་རྩོམ་དང་བསལ་ཚུལ་འདྲ་མིན་སྤེལ་མཁན་བྱུང་པའི་ཁྲོད། རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་བུ་ཆུང་ཚེ་རིང་ལགས་ཀྱིས་ཉེ་ཆར་རྩོམ་ཡིག་ཞིག་སྤེལ་བའི་ནང། དེ་ནི་རྒྱ་ནག་གཞུང་ལ་བོད་རང་སྐྱོང་ལྗོངས་ཀྱི་འགོ་གཙོར་བོད་མི་བསྐོ་གཞག་བྱ་རྒྱུར་བློ་ཁོག་མེད་པ་དང་། བོད་མིར་ཡིད་ཆེས་མེད་པ་མ་ཟད། དོན་དངོས་ཐོག་རྒྱ་གཞུང་གིས་ཕྱི་ལོ་ ༡༩༥༠ ལོ་ནས་བཟུང་ད་བར་བོད་མིའི་ཐོག་ལྟ་སྟངས་ལ་འགྱུར་བ་གང་ཡང་ཕྱིན་མེད་ཅེས་གསུངས་འདུག ད་དུང་བུ་ཆུང་ཚེ་རིང་ལགས་ཀྱིས་ད་རེས་ཝུ་ཡིང་ཇེ་ལ་ཐོབ་པའི་གོ་གནས་དེ་ནི་ཁོ་པས་བོད་མིའི་བདེ་སྡུག་ལ་སེམས་བཟང་དང་ཡ་ལན་གནང་རྒྱུའི་གོ་སྐབས་ཤིག་ཐོབ་པ་རེད་ཅེས་དང། ལྷག་དོན་ཁོང་གིས་རྒྱ་ནག་གཞུང་ནས་ད་བར་བོད་ནང་བོད་མི་རྣམས་བདེ་སྐྱིད་ཀྱི་འཚོ་བར་རོལ་བཞིན་ཡོད་པ་བརྗོད་ཀྱང། དོན་དངོས་ཐོག་བོད་མི་ཚོ་རྒྱ་གཞུང་ལ་བློ་གཏད་ཡིད་ཆེས་མེད་པའི་གནས་སྟངས་འོག་གནས་བཞིན་ཡོད་སྟབས། གལ་སྲིད་ཝུ་ཡིང་ཇེས་ཁོ་པ་རང་ཉིད་ཆུང་དུས་ནས་བོད་ལ་འཚོ་བ་བསྐྱལ་བའི་རྒྱ་རིགས་མི་ཐོག་གཉིས་པར་དངོས་འབྲེལ་ངོས་འཛིན་བྱེད་བཞིན་ཡོད་ན། བོད་མིའི་མངོན་འདོད་ཤེས་པའི་ཐོག་ནས་ལས་དོན་གཉེར་དགོས་པ་བརྗོད་འདུག

ཉན་པ།: Listen ཕབ་ལེན། Download ལྷ་རྒྱ་རི་རྣམ་རྒྱལ་སྒྲོལ་དཀར་ལགས་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་གཙོར་བདམས་པ། ཧོང་ཀོང་མི་སེར་ཚོས་བོད་ཀྱི་རྒྱལ་རབས་ལོ་རྒྱུས་ལས་བསླབ་བྱ་བླང་དགོས་པ་བརྗོད་འདུག རྒྱ་གཞུང་གིས་༸གོང་ས་མཆོག་ལ་གདོང་ལེན་བྱ་རྒྱུ་ནི་གནད་དོན་གཙོ་གྲས་ཤིག་ཡིན་པར་ངོས་འཛིན་བྱས་འདུག རྒྱ་གཞུང་གིས་རྔ་བ་ཁུལ་ནས་དགེ་འདུན་པ་ཞིག་འཛིན་བཟུང་འོག་གར་སོང་ཤེས་རྟོགས་མེད་པ། རྒྱ་ནག་ནང་ཡོད་པའི་ཨ་རིའི་གཙུག་ལག་སློབ་གྲྭ་ཆེན་མོ་ཁག་ཏུ་དྲ་རྒྱའི་རང་དབང་ཐོག་དཀའ་ངལ་འཕྲད་པ་མངོན་གསལ་གནང་འདུག སྲིད་སྐྱོང་མཆོག་གིས་Philippines གྲོས་ཚོགས་འཐུས་མི་འདས་གྲོངས་སུ་གྱུར་བར་ཐུགས་གསོ་གནང་པ། བཙན་བྱོལ་བོད་མིའི་གནས་སྟངས་ངོ་སྤྲོད། བོད་པ་ཁ་ཆེའི་སྤྱི་ཚོགས་སྐོར། Friday 30/09/2016 Lhagyari Namgyal Dolkar elected new President of Gu-Chu Sum movement Hongkongers should learn from Tibet’s history, says umbrella movement activist New TAR Chief says countering Dalai Lama’s influence top priority Ngaba monk arrested 3 months ago, whereabout still unknown US universities in China enjoy academic freedom but face internet censorship Sikyong condoles demise of Senator Miriam Defensor-Santiago of Philippines DIASPORA FEATURE: Tibetan Muslim Community

དེའང་ ༢༠༡༤ ལོར་ཧོང་ཀོང་ནང་བྱུང་བའི་ Umbrella Movement འམ་ཆར་དུགས་ཀྱི་ལས་འགུལ་ཞེས་མང་གཙོའི་ལས་འགུལ་ནང་མཉམ་ཞུགས་གནང་མཁན་གཙོ་གྲས་སྐུ་ཞབས་ Edward Chin ལགས་ཀྱིས་ཧོང་ཀོང་མི་སེར་ཚོས་བོད་ཀྱི་ཁུངས་ལྡན་རྒྱལ་རབས་ལོ་རྒྱུས་ལས་བསླབ་བྱ་བླང་རྒྱུ་གལ་ཆེ་ཡིན་པ་གསུངས་འདུག སྐུ་ཞབས་ Edward Chin ལགས་ཟླ་འདིའི་ཚེས་ ༨ ནས་དབུ་འཛུགས་ཀྱིས་ཚེས་ ༡༠ བར་ཡོ་རོབ་རྒྱལ་ཁབ་བྷེལ་ཇམ་གྱི་རྒྱལ་ས་ Brussels ནང་དུ་ཚོགས་པའི་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་བདུན་པའི་ཐོག་མཉམ་ཞུགས་གནང་ཡོད་པ་དང་། ཁོང་གིས་དེ་རིང་ཧོང་ཀོང་གི་ཆབ་སྲིད་གསར་ཤོག་ Harbor Times ཐོག་ད་ལྟའི་བོད་ནང་གི་ཆབ་སྲིད་གནས་སྟངས་ཐད་ལ་ང་ཚོ་ཚང་མས་སེམས་འཁུར་ཆེན་པོ་གནང་བཞིན་ཡོད་ཅེས་འགྲེལ་བརྗོད་གནང་པ་དང་སྦྲགས། ཧོང་ཀོང་མི་སེར་རྣམས་ནས་འདས་པའི་རྒྱལ་རབས་ལོ་རྒྱུས་ལ་དོ་སྣང་དང་དཔྱད་ཞིབ་གནང་དགོས་པ་མ་ཟད། ལྷག་པར་དུ་བོད་ཀྱི་ཁུངས་ལྡན་རྒྱལ་རབས་ལོ་རྒྱུས་ཁག་ལ་སློབ་གཉེར་གནང་ནས་ཧོང་ཀོང་དེ་ད་ལྟའི་བོད་ཀྱི་གནས་སྟངས་ལྟར་མ་ཆགས་པར་འབད་བརྩོན་གནང་གལ་ཡིན་པ་གསུངས་འདུག ད་དུང་ཁོང་གིས་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐོག་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་འཕྲད་ཞུས་སྐབས་༸གང་ཉིད་མཆོག་གིས་ཧོང་ཀོང་གི་མི་སེར་རྣམས་ནས་རེ་བ་དང་སེམས་ཤུགས་མ་བརླག་པར་མུ་མཐུད་འཚེ་མེད་ཞི་བའི་ཐོག་ནས་མང་གཙོ་རྩོད་དགོས་གལ་ཡིན་པར་བཀའ་བསྩལ་ལུང་འདྲེན་གྱིས་ཁོང་རང་ཉིད་ཀྱི་ངོས་ནས་ཀྱང་འདས་པའི་ལོ་དུས་ནང་། དེ་སྔ་ཕྱི་ལོ་ ༡༩༥༡ ལོར་རྒྱ་གཞུང་གིས་བོད་ཐོག་བཞག་པའི་ཆིངས་ཡིག་ ༡༧ ཟེར་བ་དང་། དེ་བཞིན་ ༡༩༨༤ ལོར་ཧོང་ཀོང་རྒྱ་ནག་ལ་རྩིས་སྤྲོད་བྱེད་སྐབས་ཁུལ་དེའི་མང་ཚོགས་ཀྱི་བསམ་བློ་ལ་མ་ལྟོས་པར་རྒྱ་ནག་དང་དབྱིན་ཡུལ་གཉིས་དབར་བཞག་པའི་སྤྱི་བསྒྲགས་གཉིས་ལ་སློབ་སྦྱོང་གནང་ཚེ་ཡིག་ཆ་དེ་གཉིས་ཐོག་རྒྱ་གཞུང་ནས་འཛིན་པའི་དམིགས་ཡུལ་དང་ནང་དོན་མང་པོ་ཞིག་འདྲ་པོ་ཡོད་ལུགས་བརྗོད་འདུག  ཧོང་ཀོང་མང་ཚོགས་ཚོས་རྒྱ་གཞུང་གི་ཆིངས་ཡིག་དང་སྤྱི་བསྒྲགས་དེ་དག་ཐོག་བཀོད་པའི་གནད་དོན་རྣམས་དོན་དངོས་ཐོག་ལག་བསྟར་བྱེད་ཀྱི་ཡོད་མེད་ཐད་ལ་དགོངས་བཞེས་གནང་གལ་ཡིན་པ་གསུངས་ཡོད་པ་རེད། ལྷག་པར་དུ་ཁོང་ནས་ཉེ་དུས་སུ་རྒྱ་ནག་གཞུང་གིས་ཧོང་ཀོང་ནང་གི་དཔེ་དེབ་ཚོང་འགྲེམས་བྱེད་མཁན་འཛིན་བཟུང་བྱས་པ་མ་ཟད། རྒྱལ་ཡོངས་གཟུགས་མཐོང་རླུང་འཕྲིན་ཐོག་ཁོང་རྣམས་ལ་བཙན་དབང་གིས་ནག་ཉེས་ཁས་ལེན་བྱས་བཅུག་སྐོར་གསུངས་པ་དང་ཆབས་ཅིག འདས་པའི་ལོ་ ༦༠ ལྷག་གི་ནང་ལ་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་གཤིས་སྤྱོད་ལ་བཟང་ཕྱོགས་ཀྱི་འགྱུར་བ་གང་ཡང་ཕྱིན་མེད་སྐོར་མངོན་གསལ་གནང་ཡོད་པ་རེད། གཞི་རྩའི་སྐུ་ཞབས་ Edward Chin ལགས་ནས་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་འཕྲད་ཞུས་སྐབས་མགོན་པོ་མཆོག་གིས་༸གང་ཉིད་ཀྱིས་ལྗགས་རྩོམ་མཛད་པའི་ངོས་ཀྱི་ཡུལ་དང་ངོས་ཀྱི་མི་མང་ཞེས་པའི་ཕྱག་དེབ་དེ་ཁོང་ལ་གནང་ཡོད་པ་རེད། དེ་མཚུངས་སྐབས་དེར་སྐུ་ཞབས་ Edward Chin ལགས་ནས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་ལྷན་དུ་གླེང་མོལ་ཡང་གནང་ཡོད་པ་རེད།

བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་ཆེན་མཇུག་སྒྲིལ་དང་འབྲེལ་སྤྱི་འཐུས་ལྷ་རྒྱ་རི་རྣམ་རྒྱལ་སྒྲོལ་དཀར་ལགས་ཚོགས་གཙོར་འདེམས་ཐོན་བྱུང་སོང། དེའང་ཟླ་ ༩ ཚེས་ ༢༧ ནས་ ༢༩ བར་བཅས་ཉིན་གྲངས་གསུམ་རིངབཞུགས་སྒར་དུ་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་སྐབས་བདུན་པའི་ཚོགས་ཆེན་ཚོགས་ཡོད་པ་དང། ཁ་སང་ཚོགས་ཆེན་མཇུག་སྒྲིལ་གནང་པ་དང་འབྲེལ་རྒྱུན་ལས་གསར་འདེམས་གནང་ཡོད་པ་རེད། སྐབས་དེར་ཚོགས་མི་ ༣༦ གིས་འོས་ཤོག་འཕེན་པའི་ཁྲོད་སྐབས་གོང་མའི་ཚོགས་གཞོན་སྤྱི་འཐུས་ལས་ཐོག་ལྷ་རྒྱ་རི་རྣམ་རྒྱལ་སྒྲོལ་དཀར་ལགས་སུ་འོས་གྲངས་ ༣༣ ཐོབ་པར་བརྟེན་མང་མོས་ཐོག་སྐབས་ ༧ པའི་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་གཙོར་འོས་འདེམས་གནང་སོང་། རྩ་བའི་ད་རེས་བོད་ཀྱི་དགུ་བཅུ་གསུམ་ལས་འགུལ་ཚོགས་པས་ཉིན་གྲངས་གསུམ་རིང་གི་ཚོགས་ཆེན་དེའི་ཐོག་མ་འོངས་པར་ཚོགས་པའི་ལས་དོན་དང་འབྲེལ་བའི་གྲོས་ཆོད་ཁག་ཅིག་བཞག་པར་གཞིགས་ན།  བོད་ཀྱི་སྐད་ཡིག་ནི་རང་རེའི་ཆོས་དང་རིག་གཞུང་གི་སྲོག་རྩ་ཡིན་པར་སོང་སྐད་ཡིག་མི་ཉམས་གོང་འཕེལ་ཡོང་ཕྱིར་ལས་འགུལ་སྣ་མང་སྤེལ་རྒྱུ། བོད་ནང་གི་ཛ་དྲག་གི་གནས་སྟངས་དང་ཆབ་སྲིད་བཙོན་པའི་གནས་སྟངས་སོགས་དོན་སྙིང་ལྡན་ལ་ལོ་རྒྱུས་གཞུང་ལྡན་ཡོད་པའི་ཡིག་ཆ་བཟོས་ཏེ་རྒྱལ་སྤྱིའི་གཞུང་ཚབ་ཁག་ལ་ཞུ་གཏུག་གནང་རྒྱུ། ཚོགས་པས་ཚོགས་མི་ཉམ་ཐག་རྒན་གཞོན་བར་གསུམ་ལ་གནས་བབ་དང་འཚམས་པའི་ཐོག་ནས་རོགས་རམ་ལྟ་སྐྱོང་བྱ་རྒྱུ། འོས་ཐོབ་བྱུང་བའི་རྒྱུན་ལས་ལས་ཁུར་གྱི་རིང་༸གོང་ས་མཆོག་དང་བཙན་བྱོལ་བོད་མིའི་ལངས་ཕྱོགས་དང་ལྟ་བ་ལ་དངོས་ཤུགས་བརྒྱུད་གསུམ་ནས་སྐྱོན་བརྗོད་ཀྱི་རིགས་གཏན་ནས་བྱ་མི་ཆོག་པ། བོད་མི་ཆིག་སྒྲིལ་ཐོག་ཤུགས་གནོན་རྒྱབ་རྒྱུ་དང་།  བོད་ནང་གི་ཆབ་སྲིད་བཙོན་པའི་གནས་སྟངས་རྒྱལ་སྤྱིའི་ཐོག་ཞུ་གཏུག་གནང་རྒྱུ་སོགས་དོན་ཚན་བཅུ་ཡོད་པའི་གྲོས་ཆོད་གཏན་འབེབས་གནང་ཡོད་པ་རེད། རྩ་བའི་བོད་ཀྱི་དགུ་བཅུ་གསུམ་ལས་འགུལ་ཚོགས་པ་དེ་ནི། རྒྱ་ནག་གུང་ཁྲན་ཏང་གི་བཙོན་ཁང་དུ་བཞུགས་དགོས་བྱུང་བའི་བཙོན་ཟུར་བ་གཙོ་བོར་གྱུར་པའི་ཆབ་སྲིད་ཉེན་གཡོལ་ལ་ཕེབས་པའི་རྒྱལ་གཅེས་པ་དག་གིས་ཆབ་སྲིད་ཀྱི་ལྟ་བ་དང་། དམིགས་ཡུལ་ངེས་ཅན་ཞིག་ཡོད་པ་དེ་ཉིད་མངོན་འགྱུར་ཡོང་ཆེད་ཕྱི་ལོ་ ༡༩༩༡ ཟླ་ ༩ ཚེས་ ༢༧ ཉིན་བཞུགས་སྒར་རྡ་རམ་ས་ལར་དངོས་སུ་དབུ་བརྙེས་པའི་གཞུང་འབྲེལ་མིན་པའི་ཚོགས་པ་ཞིག་ཡིན་ཞིང་། ད་ལྟའི་ཆར་ཚོགས་པ་འདིར་གནས་ཡུལ་རྒྱ་གར་གཙོས་པའི་ཕྱི་རྒྱལ་ཡུལ་གྲུ་ཁག་གི་ནང་ཁྱོན་ཚོགས་མི་ ༦༢༠ ལྷག་ཡོད་པ་དང་།  རྒྱ་གར་གཅིག་པོའི་ནང་ཆབ་སྲིད་བཙོན་ཟུར་ ༢༠༠ མན་ཙམ་ཡོད་པ་རེད་འདུག སྐབས་བདུན་པའི་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་རྒྱུན་ལས་གསར་དུ་འདེམས་ཐོན་བྱུང་བ་ཚོགས་མི་ ༡༡ ཡོད་པའི་ཁོངས་སུ། སྤྱི་འཐུས་ལས་ཐོག་ལྷ་རྒྱ་རི་རྣམ་རྒྱལ་སྒྲོལ་དཀར་ལགས་དང་།  རྡོ་རྗེ་ཚེ་རིང་ལགས།  འཇམ་དབྱངས་སྦྱིན་པ་ལགས། རྒྱལ་ཐང་སྤྲུལ་སྐུ་ལགས།  ཟླ་བ་བཀྲིས་ལགས། ཆོས་འཛོམས་ལགས།  བློ་བཟང་བསྟན་འཛིན་ལགས།  བསོད་ནམས་རྡོ་རྗེ་ལགས།  འཆི་མེད་རྡོ་རྗེ་ལགས།  བསྟན་འཛིན་དོན་ཡོད་ལགས། དེ་བཞིན་ཀརྨ་ཕུན་ཚོགས་ལགས་བཅས་ཡིན་པ་རེད།

https://www.youtube.com/embed/W7Q7JTJpzII

བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་དབུ་བཞུགས་སྤྱི་རྣམ་པ་དང་། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་དབུས་པའི་བཀའ་བློན་རྣམ་པ་ལྷན་བཞུགས་ཐོག་འདས་པའི་ཉིན་གྲངས་དགུ་རིང་གྲོས་ཚོགས་ཚོགས་དུས་གཉིས་པ་དེ་ཚོགས་ཡོད་པ་ལྟར་དེ་རིང་ལས་རིམ་ཡོངས་སུ་མཇུག་སྒྲིལ་གནང་ཡོད་པརེད། དེ་རིང་ལས་ཉིན་མཐའ་མའི་སྐབས་ཉེ་སྔོན་ལས་ཉིན་གཉིས་པའི་སྐབས་བཀའ་ཤག་གི་གསལ་བཤད་ཐོག་བགྲོ་གླེང་གནང་སྐབས་སྤྱི་འཐུས་ཁག་ཅིག་གིས་སྲིད་སྐྱོང་མཆོག་ལ་༸གོང་ས་མཆོག་གི་༸སྐུ་ཕྱྭ་དང་ཆབ་སྲིད། དེ་བཞིན་འཛིན་སྐྱོང་དང་འབྲེལ་བའི་དྲི་བ་མང་དག་ཕེབས་ཡོད་པར་བཀའ་ཤག་ནས་ལན་འདེབས་གསལ་བཤད་གནང་སོང་བ་དང་། སྐབས་དེར་སྲིད་སྐྱོང་བློ་བཟང་སེང་གེ་མཆོག་གིས་༸གོང་ས་༸སྐྱབས་མགོན་ཆེན་པོ་མཆོག་གི་སྐོར་དང་འབྲེལ། ༸གང་ཉིད་མཆོག་ནི་ང་ཚོར་ཧ་ཅང་གི་བཀྲིན་ཆེན་པོ་ཆགས་ཡོད་པས་༸རྒྱལ་བའི་བཀྲིན་རྗེས་སུ་དྲན་པ་དང་སྦྲགས། འཛིན་སྐྱོང་གི་ངོས་ནས་༸གང་ཉིད་མཆོག་གི་༸སྐུ་ཕྱྭ་འི་གནད་དོན་དེ་ནི་གལ་ཆེ་ཤོས་སུ་ངོས་འཛིན་གནང་ཡོད་སྐོར་གསུངས་པ་དང་། ལྷག་པར་དུ་༸རྒྱལ་བའི་༸སྐུ་ཕྱྭའི་ཐོག་ལ་ད་བར་རྒྱ་གར་དབུས་དང་མངའ་སྡེའི་གཞུང་ནས་མཐུན་འགྱུར་སྔར་ལྷག་སྦྱར་དང་སྦྱོར་མུས་ཡིན་པར་ཐུགས་རྗེ་ཆེ་ཞུས་གནང་སོང་། ད་དུང་སྲིད་སྐྱོང་མཆོག་ནས་བོད་རྒྱ་འབྲེལ་མོལ་དང་སྐུ་ཚབ་བསྐོ་གཞག་སྐོར། རྒྱ་ནག་ནང་གི་འགོ་ཁྲིད་འཕོ་འགྱུར་དང་རྒྱལ་སྤྱིའི་འགྱུར་འགྲོས། རྒྱ་གར་ནང་གི་བོད་མི་ཚོས་རྒྱ་གར་མི་སེར་ལག་དེབ་བཟོ་མིན་ཐད་བཀའ་ཤག་གི་བཞེངས་ཕྱོགས་སྐོར་ཡང་གསུངས་གནང་སོང་པ་མ་ཟད། ལྷག་པར་དུ་བཀའ་ཤག་ནས་བོད་དོན་ལས་འགུལ་སྤེལ་མཁན་ཚོར་མཐུན་འགྱུར་དང་རྒྱབ་སྐྱོར་ཞུ་ཕྱོགས་སྐོར་དྲི་བ་ཕེབས་པར་སྲིད་སྐྱོང་མཆོག་གིས་འཛིན་སྐྱོང་གི་ལམ་སྟོན་གཙོ་བོ་གསུམ་ཡོད་པ་དཔེ་མཚོན་དང་འབྲེལ་ནས་བཀའ་ནན་གནང་སོང། གཞན་ཡང་སྲིད་སྐྱོང་མཆོག་ནས་སྤྱི་འཐུས་འགའ་ཞིག་གིས་བཀའ་ཤག་ནས་བོད་ནས་ཕེབས་མཁན་གསར་འབྱོར་བ་ཚོར་འཕྲད་བཞིན་པའི་དཀའ་ངལ་ལ་གཟིགས་རྟོགས་གནང་གལ་ཡིན་པ་གསུངས་མཁན་རྣམས་ལ་གསལ་བཤད་གནང་སྐབས། འཛིན་སྐྱོང་ནས་གསར་འབྱོར་དང་རྙིང་འབྱོར་གྱི་དབྱེ་བ་མ་ཕྱེས་པར་བོད་མི་སུ་ལ་དཀའ་ངལ་འཕྲད་ཀྱང་གཅིག་མཚུངས་ཐོག་ནས་སེལ་ཐབས་གནང་གི་ཡོད་པ་ཞིབ་ཚགས་གསུངས་སོང་། ད་དུང་དེ་རིང་སྲིད་སྐྱོང་མཆོག་གིས་བཀའ་ཤག་གི་ལན་འདེབས་གསལ་བཤད་དབུ་འཛུགས་གནང་སྐབས་ཁ་སང་གྲོས་ཚོགས་ཀྱི་ལས་ཉིན་བརྒྱད་པའི་ཐོག་སྤྱི་འཐུས་ཐུབ་བསྟན་ལུང་རིག་ལགས་ཀྱིས་སྤྱི་འཐུས་སྒེར་གྱི་གསལ་བཤད་ཞེས་པ་ཞིག་བསྣམས་ཏེ། སྲིད་སྐྱོང་མཆོག་གིས་དེ་སྔ་གྲོས་ཚོགས་ཚོགས་དུས་དང་པོའི་སྐབས་ཕྱག་རོགས་བཀའ་བློན་རྣམ་པའི་མཚན་འདོན་གནང་སྐབས་བཀའ་བློན་གྱི་འོས་མི་རྣམ་པའི་དང་བླང་དཔྱ་དངུལ་ལག་དེབ་བཏོན་མེད་པའི་གནད་དོན་དང་འབྲེལ། གྲོས་ཚོགས་དབུ་སྐོར་བཏང་ཡོད་པ་གསུངས་པའི་ཐད་ལ་ལན་འདེབས་གནང་སྐབས། སྤྱི་འཐུས་ཐུབ་བསྟན་ལུང་རིག་ལགས་ཀྱིས་སྐབས་ཐོག་དེ་གར་ལས་རིམ་རྣམ་གཞག་བཏོན་པ་དང་སྦྲགས། སྲིད་སྐྱོང་མཆོག་ནས་སྤྱི་འཐུས་སྒེར་གྱི་གསལ་བཤད་ལ་ལན་འདེབས་གནང་ཆོག་གི་མེད་ཅིང་། གལ་ཏེ་དེ་ལྟར་གནང་ཚེ་ཁོང་ལའང་བགྲོ་གླེང་གི་གོ་སྐབས་གཅིག་མཚུངས་དགོས་པའི་གནས་ཚུལ་བྱུང་མཐར། སྲིད་སྐྱོང་མཆོག་གིས་ཡིག་ཆ་དང་བཅས་གྲོས་ཚོགས་ནང་ཁོང་གིས་བཀའ་བློན་གྱི་འོས་མི་བཏོན་གནང་པ་དེ་དག་བཀའ་ཤག་གོང་མའི་འོས་ཆོས་ལྟར་བཏོན་པ་ལས་གྲོས་ཚོགས་ལ་དབུ་སྐོར་ཞུས་མེད་པ་འགྲེལ་བརྗོད་གནང་སོང། འོན་ཀྱང་སྤྱི་འཐུས་ཐུབ་བསྟན་ལུང་རིག་ལགས་ནས་དེའི་ཐོག་ལན་འདེབས་གནང་སྐབས་སྲིད་སྐྱོང་མཆོག་གིས་སྐབས་དེར་གྲོས་ཚོགས་སུ་བཀའ་བློན་གྱི་འོས་མིག་ཚང་མ་འོས་ཆོས་ཚང་བ་ཡིན་པར་འགྲེལ་བརྗོད་གནང་ཡང། བཀའ་བློན་དུ་མཚན་བཏོན་གནང་པའི་སྤྱི་ཟུར་ཞིག་རྗེས་སུ་བཀའ་བློན་ནས་ཕྱིར་འཐེན་གནང་དགོས་བྱུང་བ་དེ་གྲོས་ཚོགས་ལ་དབུ་སྐོར་བཏང་བ་ཞིག་ཡིན་པར་འགྲེལ་བརྗོད་གནང་ཡོད། གཞི་རྩའི་སྲིད་སྐྱོང་མཆོག་གིས་དེ་སྔའི་གྲོས་ཚོགས་སུ་སྐབས་དེའི་དབུས་གཙང་སྤྱི་འཐུས་ཤར་གླིང་བསྟན་འཛིན་ཟླ་སྒྲོན་ལགས་བཀའ་བློན་དུ་མཚན་བཏོན་གནང་སྐབས་ཁོང་ལ་གྲོས་ཚོགས་ནང་མང་མོས་ཐོག་རྒྱབ་སྐྱོར་ཐོབ་ཡོད་པ་རེད། འོན་ཀྱང་རྗེས་སུ་གསར་འགྱུར་བརྒྱུད་ལམ་ཐོག་བཀའ་བློན་གྱི་འོས་མིག་དེ་ཉིད་བཅའ་ཁྲིམས་གཞིར་བཟུང་ལོ་ ༣༥ ཧྲིལ་པོ་ལོན་མེད་པ་མངོན་གསལ་བྱུང་རྗེས། དེའི་ཕྱི་ཉིན་ཁོང་བཀའ་བློན་གྱི་མཚན་གནས་ནས་ཕྱིར་འཐེན་གནང་ཡོད་པ་དང། ད་རེས་ཐེངས་འདིའི་གྲོས་ཚོགས་ཐོག་སླར་ཡང་ཁོང་བཀའ་བློན་དུ་མིང་འདོན་གནང་ཡང་མང་མོས་རྒྱབ་སྐྱོར་ཐོབ་མེད་པ་རེད། དེ་རིང་སྲིད་སྐྱོང་མཆོག་གིས་གསལ་བཤད་ཀྱི་མཐའ་མར་ད་རེས་གྲོས་ཚོགས་འདིའི་ནང་བེུད་ཀྱི་བཀའ་བློན་འོས་མི་གཅིག་ལ་བཀའ་འཁྲོལ་བྱུང་མེད་ནའང། སླང་ཡང་བེུད་གཅིག་བསྣམ་རྒྱུའི་རེ་བ་མུ་མཐུད་གནང་རྒྱུ་ཡིན་པ་གསུངས་སོང་། བཀའ་ཤག་གི་གསལ་བཤད་གྲུབ་བསྟུན་དེ་རིང་གི་ལས་རིམ་མཐའ་མ་དེར་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་ཚོགས་འདུ་མཇུག་བསྡོམས་ཀྱི་གསུངས་བཤད་གནང་སོང་བ་དང། སྐབས་དེར་ཚོགས་གཙོ་མཆོག་གིས་ད་རེས་གྲོས་ཚོགས་འཐུས་མི་རྣམ་པ་ཡོངས་ནས་ལས་བསྡོམས་ཁག་གཙོས་པའི་སྤྱི་ཡོངས་ལས་རིམ་ཐོག་ལ་བགྲོ་གླེང་ལྷུག་པོ་དང་མང་གཙོ་འགྲོ་སྟངས་ཚད་དང་ལྡན་པ་ཞིག་བྱུང་ཡོད་པ་བསྔགས་བརྗོད་དང་ཐུགས་རྗེ་ཆེ་ཞུས་སོང་བ་དང་དུས་མཉམ། གྲོས་ཚོགས་ནང་སྐབས་རེ་སྤྱི་འཐུས་ནང་ཕུན་ཚིག་རྒྱག་འཕེན་རེ་དང་སྤྱོད་ལམ་བསྟན་ཕྱོགས་ཀྱི་ཆ་ནས་ཐུགས་འཚབ་བྱུང་ཡོད་སྟབས། མ་འོངས་པ་ན་འགན་འཁུར་ཡོད་པ་གནང་གལ་ཡིན་པ་ལམ་སྟོན་གནང་ཡོད་པ་རེད། གཞན་ཡང་ཚོགས་གཙོ་མཆོག་གིས་ཐེངས་འདིའི་གྲོས་ཚོགས་ནང་ཤེས་རིག་སྐོར་དང་འབྲེལ་བོད་ཀྱི་སྐད་ཡིག་ཐོག་ལ་ཚོར་བ་ཆེན་པོས་བགྲོ་གླེང་ཤུགས་ཆེ་བྱུང་གནང་སྐོར་གསུངས་པ་དང་ཆབས་ཅིག མ་འོངས་པར་བོད་ཀྱི་སྐད་ཡིག་འཛིན་སྐྱོང་སྤེལ་གསུམ་གྱི་འགན་མི་རེ་ངོ་རེ་དང་ཁྱིམ་ཚང་། དེ་བཞིན་སྤྱི་ཚོགས་ཧྲིལ་པོ་ལ་ཡོད་པ་གསུངས་ཡོད་པ་རེད། གཞི་རྩའི་ཐེངས་འདིའི་གྲོས་ཚོགས་དེ་བཞིན་ལས་བསྡོམས་གྲོས་ཚོགས་ཆགས་ཡོད་པ་ལྟར་གྲོས་ཚོགས་ཀྱི་ལས་ཉིན་དགུ་པོའི་དུས་ཚོུད་མང་ཆེ་བ་བོད་མིའི་སྒྲིག་འཛུགས་ལྷན་ཁང་ཁག་སོ་སོའི་ཕྱི་ལོ་ ༢༠༡༥་༡༦ ལོའི་ལོ་འཁོར་ལས་བསྡོམས་སྤྱིའི་ཐོག་ལ་བཏང་གནང་སོང་བ་དང་། གཞན་ཡང་ལས་རིམ་ཁྲོད་བོད་ནང་གི་ཛ་དྲག་གནང་སྟངས་སོགས་ཀྱི་ཐོག་ལ་གཞུང་འབྲེལ་གདུང་སེམས་མཉམ་བསྐྱེད་ཀྱི་གྲོས་ཆོད་གྲོས་འཆར་དང་། བཀའ་ཤག་ནས་དམིགས་བསལ་ལས་བྱེད་བསྐོ་གཞག་སོགས་གཞུང་འབྲེལ་ཁྲིམས་སྒྲིག་བསྐྱར་བཅོས་ཁག་ཅིག སྐར་རྟགས་ཅན་གྱི་དྲི་བ་ཁག་ཅིག་སོགས་ཀྱང་ཕེབས་ཡོད་པ་རེད།

ཉན་པ།: Listen ཕབ་ལེན། Download སྐབས་ ༡༦ པའི་སྤྱི་འཐུས་གྲོས་ཚོགས་ཚོགས་དུས་གཉིས་པ་མཇུག་སྒྲིལ། བླ་སྨན་པའི་དམིགས་ཚད་གཟུང་པར་སྨན་ཁང་ཁག་ཏུ་སྨན་པ་བཞུགས་རོགས་བྱེད་ཀྱི་མི་འདུག་ཅེས་གསུངས་སོང་། ༸གོང་ས་མཆོག་གིས་སྐུ་ཞབས་ Shimon Peres མཆོག་དམ་པ་དེ་ཉིད་འདས་གྲོངས་སུ་གྱུར་བར་ཐུགས་གསོའི་གསུང་འཕྲིན་བསྩལ་བ། རྒྱ་ནག་ནང་ལ་རྒྱ་ནག་དང་ཡོ་རོབ་དབར་གྱི་འགྲོ་བ་མིའི་ཐོབ་ཐང་ལྷན་ཚོགས་ཤིག་ཚོགས་པ། ཨིན་ཌོ་ནེ་ཤིཡར་བོད་ཀྱི་ཆོས་བརྒྱུད་ཁག་གི་ཆེས་མཐོའི་སྐུ་ཚབ་ཚོགས་ཆུང་གཟིགས་སྐོར་མཇུག་སྒྲིལ། Thursday 29/09/2016 Second session of the 16th TPiE concludes Tibetan MPs question Health Kalon on shortage of doctors Dalai Lama expresses regret at Shimon Peres’s passing away China-Europe seminar on Human Rights opens, launches new action plan Tibetan religious delegation concludes Indonesia visit

ཁ་སང་ཟླ་ ༩ ཚེས་ ༢༨ ཉིན་རྒྱ་ནག་གི་གྲོང་ཁྱེར་ Chongqing ནང་དུ་གྲངས་ཉུང་མི་རིགས་ཀྱི་རང་དབང་སྲུང་སྐྱོབ་གནང་ཕྱོགས་ཞེས་པའི་བརྗོད་གཞིའི་ཐོག་རྒྱ་ནག་དང་ཡོ་རོབ་རྒྱལ་ཁབ་དབར་གྱི་འགྲོ་བ་མིའི་ཐོབ་ཐང་ལྷན་ཚོགས་ཤིག་ཚོགས་འདུག དེ་ཡང་ལྷན་ཚོགས་དེ་ཁ་སང་ནས་འགོ་འཛུགས་ཀྱིས་དེ་རིང་བར་ཉིན་གྲངས་གཉིས་རིང་ཚོགས་ཡོད་པ་དང་། ལྷན་ཚོགས་ཀྱི་འགོ་འབྱེད་གཏམ་བཤད་ཐོག་རྒྱ་ནག་དབུས་གཞུང་གི་དྲིལ་བསྒྲགས་ལྷན་ཁང་གི་འགན་འཛིན་གཞོན་པ་ Cui Yuying ནས་ཕྱི་ལོ་ ༢༠༡༢ ལོར་རྒྱ་ནག་དམར་ཤོག་ཚོགས་པའི་འགོ་ཁྲིད་ལ་འགྱུར་བ་ཕྱིན་པ་ནས་བཟུང་རྒྱ་ནག་ནང་འགྲོ་བ་མིའི་ཐོབ་ཐང་གི་གནས་སྟངས་ཡར་རྒྱས་འགྲོ་བཞིན་ཡོད་སྐོར་བརྗོད་པ་མ་ཟད། ལྷག་པར་དུ་རྒྱ་ནག་གཞུང་ནས་གྲངས་ཉུང་མི་རིགས་རྣམས་ལ་ཐོབ་ཐང་འདྲ་མཉམ་ཐོབ་ཐབས་ཀྱི་སྲིད་བྱུས་ཤིག་གཏན་འབེབས་ཀྱིས་གྲངས་ཉུང་མི་རིགས་རྣམས་ལ་རྒྱལ་ཁབ་ཀྱི་ཆབ་སྲིད་ལས་དོན་དང་། ཁྲིམས་དོན་གྱི་ལས་གནས། དེ་བཞིན་ཚོགས་སྡེ་དང་སློབ་གྲྭ་སོགས་སྒྲིག་འཛུགས་ལྟེ་ཁག་གི་ཐོབ་ཐང་སོགས་རྒྱ་རིགས་མང་ཚོགས་དང་གཅིག་མཚུངས་སྤྲོད་བཞིན་ཡོད་པ་བརྗོད་འདུག ཁོང་གིས་རྒྱ་ནག་གཞུང་གིས་གྲངས་ཉུང་མི་རིགས་ཁག་གི་ཐུན་མོང་མ་ཡིན་པའི་རིག་གཞུང་། སྐད་ཡིག་དང་ཆོས་སོགས་མི་ཉམས་རྒྱུན་འཛིན་ཐུབ་པར་ལས་འཆར་འདྲ་མིན་སྤེལ་མུས་ཡིན་སྐོར་དང་འབྲེལ། སྐབས་དེར་བཅར་བའི་ཡོ་རོབ་རྒྱལ་ཁབ་ཁག་གི་སྐུ་ཚབ་རྣམས་ནས་ལྷན་ཚོགས་དེའི་བརྒྱུད་ཕྱོགས་གཉིས་ཀྱི་འབྲེལ་ལམ་གོང་མཐོར་གཏོང་བའི་རེ་བ་ཡོད་ཅེས་བརྗོད་འདུག འོན་ཀྱང་སྐབས་དེར་ཧྥ་རན་སི་ནས་བཅར་བའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་གཙོ་སྐུ་ཞབས་ Pierre Bercis ལགས་ཀྱིས་གྲངས་ཉུང་མི་རིགས་རྣམས་ཀྱི་རིག་གཞུང་། སྐད་ཡིག་དང་ཆོས་བཅས་ལ་གུས་བརྩི་དང་སྲུང་སྐྱོབ་གནང་རྒྱུ་གལ་ཆེ་ཡིན་པ་མ་ཟད། ཁྱད་པར་དུ་གྲངས་ཉུང་མི་རིགས་རྣམས་ཀྱི་གཞི་རྩའི་འགྲོ་བ་མིའི་ཐོབ་ཐང་ཁག་ལ་བརྩི་སྲུང་དང་སྲུང་སྐྱོབ་གནང་རྒྱུ་དེ་བས་ཀྱང་གལ་ཆེ་ཡིན་པ་གསུངས་ཡོད་པ་རེད། དེ་རིང་སྔ་དྲོ་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་རྒྱལ་སྲིད་སྤྱི་ཁྱབ་ཁང་ནས་རྒྱ་ནག་རྒྱལ་ཁབ་ཀྱི་ ༢༠༡༦ ནས་ ༢༠༢༠ ལོའི་བར་གྱི་འགྲོ་བ་མིའི་ཐོབ་ཐང་ལག་བསྟར་བྱེད་ཕྱོགས་ཀྱི་འཆར་གཞི་ཞིག་ཕྱིར་བསྒྲགས་བྱས་འདུག་པ་དང་། འཆར་གཞི་དེའི་ནང་མང་ཚོགས་རྣམས་ལ་གཞུང་གི་ལས་གནས་གོ་སྐབས་དང་། ཆབ་སྲིད། དཔལ་འབྱོར། དེ་བཞིན་སྤྱི་ཚོགས་དང་རིག་གཞུང་གི་ཐོབ་ཐང་ཁག་གཅིག་མཚུངས་ཐོབ་ཐབས་སུ་ཤུགས་སྣོན་འཕར་མ་བརྒྱབ་རྒྱུ་ཡིན་པ་བཀོད་འདུག རྒྱ་ནག་གཞུང་ནས་ཁུལ་དེའི་ནང་གི་ཉམ་ཐག་དབུལ་ཕོངས་ཀྱི་དཀའ་ངལ་ཁག་སེལ་ཐབས་སུ་གཞི་རྩའི་ས་གནས་མི་མང་གི་སྡོད་ཁང་དང་ཆུ། གློག་ དེ་བཞིན་ཟས་རིགས་ལ་ཡར་རྒྱས་འཕར་མ་གཏོང་ཐོག་ ༢༠༢༠ ལོར་ས་གནས་མི་མང་ས་ཡ་སུམ་ཅུ་ལྷག་ཉམ་ཐག་དབུལ་ཕོངས་ཀྱི་དཀའ་ངལ་ལས་གྲོལ་ཐབས་བྱེད་རྒྱུ་ཡིན་པ་གསལ་འདུག འདི་ག་རླུང་འཕྲིན་ཁང་ནས་བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་བོད་གནས་ཉམས་ཞིབ་པ་པདྨ་ཆོས་སྒྲོན་ལགས་སུ་རྒྱ་གཞུང་གིས་ཕྱིར་བསྒྲགས་ཟིན་པའི་ཕྱི་་ལོ་ ༢༠༡༦ ནས་ ༢༠༢༠ ལོའི་བར་གྱི་འགྲོ་བ་མིའི་ཐོབ་ཐང་ལག་བསྟར་བྱེད་ཕྱོགས་ཀྱི་འཆར་གཞི་དེར་བསམ་ཚུལ་གང་ཡོད་བཅར་འདྲི་ཞུས་པར་ཁོང་གིས་ད་བར་རྒྱ་ནག་གཞུང་གིས་འགྲོ་བ་མིའི་ཐོབ་ཐང་ཡར་རྒྱས་གཏོང་རྒྱུའི་འཆར་གཞི་མང་པོ་ཞིག་འདོན་སྤེལ་བྱས་ཡོད་ཀྱང་དོན་དངོས་ཐོག་རྒྱ་གཞུང་གི་བྱ་སྤྱོད་དེ་ནི་དུས་རྒྱུན་གྱི་འགྲོ་སྟངས་འགྲོ་ལུགས་ཙམ་ལས་འགྲོ་བ་མིའི་ཐོབ་ཐང་གྱི་གནས་སྟངས་ལ་ཡར་རྒྱས་ཕྲན་བུ་ཙམ་ཡང་བཏང་མེད་སྐོར་གསུངས་ཀྱི་འདུག རྩ་བའི་རྒྱ་ནག་གཞུང་གིས་ ༢༠༠༩ ལོ་ནས་བཟུང་ད་བར་འགྲོ་བ་མིའི་ཐོབ་ཐང་ཡར་རྒྱས་གཏང་ཕྱོགས་དང་འབྲེལ་བའི་འཆར་གཞིའི་ཡིག་ཆ་ཐེངས་གསུམ་འདོན་སྤེལ་ཟིན་ཀྱང་།  ཐོག་མར་ཡིག་ཆ་དེ་དག་འདོན་སྤེལ་སྐབས་རྒྱལ་སྤྱིའི་རྒྱལ་ཁབ་མང་པོ་ཞིག་ནས་དོ་སྣང་ཆེན་པོ་གནང་པ་མ་ཟད། རྒྱ་གཞུང་ནས་དོན་དངོས་ཐོག་འགྲོ་བ་མིའི་ཐོབ་ཐང་ཡར་རྒྱས་ཡོང་བར་དོན་སྨིན་སོན་པའི་ལས་དོན་གང་ཡང་བྱེད་མེད་སྟབས། རྒྱལ་ཚོགས་གཙོས་པའི་རྒྱལ་སྤྱིའི་རྒྱལ་ཁབ་མང་པོ་ཞིག་ནས་རྒྱ་གཞུང་ལ་སྐྱོན་བརྗོད་མང་དག་ཞིག་བསྟུད་མར་གནང་ཡོད་པ་རེད།