Tibetan Royal Year of 2151 | Year of the Wood Dragon

རྒྱ་གཞུང་གིས་རྔ་བ་ནས་བེུད་གཅིག་འཛིན་བཟུང་བྱས་འདུག

Tibetan News Headlines

  • ༸གོང་ས་མཆོག་གིས་ཧིན་དྷུའི་བླ་ཆེན་དགོངས་པ་རྗོགས་པར་ཐུགས་གསོའི་གསུང་འཕྲིན་སྩལ་འདུག
  • མགོན་པོ་སྐྱིད་ལགས་ཀྱིས་ཉེན་རྟོག་པས་ཁོང་ལ་སྡུག་སྦྱོང་བཏང་བའི་སྐོར་ཁྲིམས་ཁང་ལ་ཞུ་གཏུག་བྱས་འདུག
  • དྭང་བླངས་དཔྱ་དངུལ་ལག་དེབ་ཆག་ཡང་དང་འབུལ་ཚེའི་དུས་བཀག་ཕར་འགྱང་གནང་སོང་།
  • ནང་སྲིད་ལས་ཁུངས་དང་སྦྲགས་ལྷན་ཁང་ཁག་གི་སྔོན་རྩིས་གཏན་འབེབས་དང་བགྲོ་གླེང་ལས་རིམ་གྲུབ་སོང་།
  • ཁྲིམས་ཞིབ་པའི་འོས་ཆོས་ལྡན་པའི་མི་འགྲོ་འཚོལ་རྒྱུ་ཁག་པོ་མ་གཏོགས་གཞན་དཀའ་ངལ་མེད་པ་གསུངས་སོང་།
  • དབྱིན་ཡུལ་གྱི་གྲོང་སྡེ་གཉིས་ལ་ Hikvision བརྙན་མིག་སྤྱོད་རྒྱུ་མཚམས་འཇོག་དགོས་པའི་ཞུ་སྐུལ་གནང་འདུག

Thursday 28/03/2024

  • Dalai Lama expresses ‘sadness’ and offers ‘condolences’ on the passing away of Swami Smaranananda Maharaj
  • Gonmo Kyi sues China’s police over ‘repressive censorship and vigilant supervision’
  • Parliament extends Chatrel exemption period by six months
  • House discusses budget allocation for DoH for the fiscal year 2024-25
  • MPs express concern over challenges in finding nominees for Justice Commissioners
  • Review into Harborough and Lutterworth CCTV cameras after concerns made by company with links to Chinese government Now

བོད་མདོ་སྨད་རྔ་བ་རྫོང་རྨེའུ་རུ་མ་ནས་ཡིན་པའི་རྡོ་རྗེ་སྒྲོལ་མ་ཞུ་མཁན་བེུད་གཅིག་གིས་བོད་ལ་རང་དབང་དགོས་པའི་ཞི་རྒོལ་གྱི་རྔམ་སྟོན་གནང་རྗེས་བཙོན་འཇུག་བྱས་འདུག ཕྱི་ཟླ་ ༨ ཚེས་ ༢༠ ཉིན་གྱི་བོད་ནང་གི་ཕྱི་དྲོ་ཚོུད་ ༨།༣༠ ཡས་མས་ཙམ་ལ་རྔ་པ་རྫོང་ཐོག་གི་གྲོང་ཁྱེར་དཀྱིལ་ལམ་ཞེས་པར་རྡོ་རྗེ་སྒྲོལ་མ་ལགས་ཀྱིས་ཞི་རྒོལ་སྐད་འབོད་གནང་མ་ཐག་རྒྱ་གཞུང་ཉེན་རྟོག་མི་སྣ་ ༡༠ གྲངས་ལྷག་འབྱོར་ནས་ཁོ་མོ་བཙན་ཁྲིད་བྱས་ཡོད་པ་རེད་འདུག རྡོ་རྗེ་སྒྲོལ་མ་ལགས་ནས་ཞི་རྒོལ་གནང་བའི་སྐབས་ཞོགས་པ་སྔ་པོ་ཡིན་སྟབས། ཁྲོམ་གཞུང་ཐོག་ལ་ཁོ་མོས་སྐད་འབོད་བྱས་པ་མཐོང་མཁན་མི་སྣ་ཧ་ཅང་ཉུང་ཉུང་ཡིན་པས་ཁོང་བཙན་ཁྲིད་བྱས་ནས་ད་བར་ཉིན་ལྔ་ལྷག་ཕྱིན་ཡོད་ནའང་ ད་ལྟའི་ཆར་ཁོང་ས་གནས་གང་དུ་བཙོན་འཇུག་བྱེད་ཡོད་མེད་དང་གནས་སྟངས་ཇི་ཆགས་སོགས་ཤེས་རྟོགས་གང་ཡང་བྱུང་ཐུབ་མེད། གཞི་རྩའི་བོད་མདོ་སྨད་རྔ་བ་རྫོང་དུ་ཞི་རྒོལ་བྱས་ནས་བཙན་ཁྲིད་བྱས་པ་རྡོ་རྗེ་སྒྲོལ་མ་ལགས་ཙམ་མ་ཟད། ཕྱི་ཟླ་ ༨ ཚེས་ ༡༥ ཉིན་གྱི་བོད་ནང་གི་ཕྱི་དྲོ་ཚོུད་ ༣ ཙམ་ལ་རྔ་པ་རྫོང་རྨེའུ་རུ་མ་ཡུལ་ཚོ་ནས་རང་ལོ་ ༢༣ ཡས་མས་སོན་པའི་བུ་མོ་འོད་དཀར་སྐྱིད་ལགས་ཀྱིས་བོད་ལ་རང་དབང་དགོས། ༸གོང་ས་༸སྐྱབ་མགོན་ཆེན་པོ་མཆོག་བོད་ལ་གདན་ཞུའི་རང་དབང་དགོས། ང་ཚོ་ལ་གཉའ་གནོན་བྱས་པ་ཚད་ལས་བརྒལ་སོང་ཞེས་རྨེའུ་རུ་མ་ཡུལ་ཚོའི་གཞུང་ལམ་ཐོག་ཞི་རྒོལ་གྱི་འབོད་ཚིག་སྒྲོག་བཞིན་རྔམ་སྟོན་གནང་རྗེས་རྒྱ་གཞུང་གིས་འཛིན་བཟུང་བྱས་པ་མ་ཟད། གཞན་ཡང་ཟླ་ ༧ ཕྱི་ཚེས་ ༡༥ ཉིན་མདོ་སྨད་རྔ་བ་རྫོང་རྨེའི་རུ་མ་ཡུལ་ཚོའི་ཁྲོམ་གཞུང་དུ་བེུད་དབང་མོ་ལགས་ཀྱིས་ཀྱང་༸གོང་ས་མཆོག་བོད་དུ་ཕེབས་དགོས། བོད་ལ་རང་དབང་དགོས་ཞེས་སྐད་འབོད་གནང་བཞིན་ཁྲོམ་སྐོར་བྱས་པར་བརྟེན་རྒྱ་གཞུང་ཉེན་རྟོག་པས་ཁོ་མོ་བཙན་ཁྲིད་ཀྱིས་འཛིན་བཟུང་བྱས་པ་བཅས་ཟླ་བ་གཉིས་ནང་ཚུད་ལ་བོད་མདོ་རྔ་བ་ནས་བེུད་གསུམ་ནས་ཞི་རྒོལ་བྱས་པའི་གནས་ཚུལ་བྱུང་ཡོད་རེད།

འབྲེལ་ཡོད་གསར་གནས།

གསར་གནས།