Tibetan Royal Year of 2151 | Year of the Wood Dragon

Freddy lim ལགས་ཀྱི་ལོ་རྒྱུས་གློག་བརྙན་ཞིག་གཟིགས་འབུལ་ཞུ་རྒྱུར་དཀའ་ངལ་འཕྲད་འདུག

Tibetan News Headlines

  • ༸གོང་ས་མཆོག་གིས་ཧིན་དྷུའི་བླ་ཆེན་དགོངས་པ་རྗོགས་པར་ཐུགས་གསོའི་གསུང་འཕྲིན་སྩལ་འདུག
  • མགོན་པོ་སྐྱིད་ལགས་ཀྱིས་ཉེན་རྟོག་པས་ཁོང་ལ་སྡུག་སྦྱོང་བཏང་བའི་སྐོར་ཁྲིམས་ཁང་ལ་ཞུ་གཏུག་བྱས་འདུག
  • དྭང་བླངས་དཔྱ་དངུལ་ལག་དེབ་ཆག་ཡང་དང་འབུལ་ཚེའི་དུས་བཀག་ཕར་འགྱང་གནང་སོང་།
  • ནང་སྲིད་ལས་ཁུངས་དང་སྦྲགས་ལྷན་ཁང་ཁག་གི་སྔོན་རྩིས་གཏན་འབེབས་དང་བགྲོ་གླེང་ལས་རིམ་གྲུབ་སོང་།
  • ཁྲིམས་ཞིབ་པའི་འོས་ཆོས་ལྡན་པའི་མི་འགྲོ་འཚོལ་རྒྱུ་ཁག་པོ་མ་གཏོགས་གཞན་དཀའ་ངལ་མེད་པ་གསུངས་སོང་།
  • དབྱིན་ཡུལ་གྱི་གྲོང་སྡེ་གཉིས་ལ་ Hikvision བརྙན་མིག་སྤྱོད་རྒྱུ་མཚམས་འཇོག་དགོས་པའི་ཞུ་སྐུལ་གནང་འདུག

Thursday 28/03/2024

  • Dalai Lama expresses ‘sadness’ and offers ‘condolences’ on the passing away of Swami Smaranananda Maharaj
  • Gonmo Kyi sues China’s police over ‘repressive censorship and vigilant supervision’
  • Parliament extends Chatrel exemption period by six months
  • House discusses budget allocation for DoH for the fiscal year 2024-25
  • MPs express concern over challenges in finding nominees for Justice Commissioners
  • Review into Harborough and Lutterworth CCTV cameras after concerns made by company with links to Chinese government Now

ད་རིང་ཐེ་ཝན་གསར་ཁང་ནས་གནས་ཚུལ་སྤེལ་བ་ལྟར་ན། རྒྱ་གཞུང་གིས་གནོན་ཤུགས་འོག་ཐེ་ཝན་གྲོས་ཚོགས་འཐུས་མི་སྐུ་ཞབས་ Freddy lim ལགས་ཀྱི་སྐུ་ཚེའི་ལོ་རྒྱུས་ཁྲོད་ཁོང་གྲགས་ཅན་གྱི་གཞས་པ་ཞིག་ནས་རྒྱལ་ཁབ་ཀྱི་ཁྲིམས་བཟོ་ལྷན་ཚོགས་ཀྱི་ཚོགས་མི་ཞིག་ཏུ་བསྒྱུར་བའི་དངོས་བྱུང་གི་གློག་བརྙན་ Metal politics Taiwan ཅེས་པ་ཡུལ་དེར་གཟིགས་འབུལ་ཞུ་རྒྱུ་དཀའ་ངལ་འཕྲད་འདུག
དེ་ཡང་གློག་བརྙན་དེའི་བཀོད་ཁྲིད་པ་སྐུ་ཞབས་ Macro Wilms ལགས་ཀྱིས་སྐུ་ཞབས་ Freddy ལགས་ནི་ཐེ་ཝན་རང་བཙན་དང་བོད་ཀྱི་གནད་དོན་བཅས་གཞི་རྩའི་འགྲོ་བ་མིའི་ཐོབ་ཐང་རྩོད་མཁན་གྱི་ལས་འགུལ་བ་ཞིག་ཡིན་པ་ཟད། རྒྱ་གར་དུ་༸གོང་ས་མཆོག་དང་མཇལ་མོལ་གནང་མྱོང་མཁན་ཞིག་ཡིན་སྟབས་རྒྱ་ནག་གཞུང་གིས་གནོན་ཤུགས་འོག་གློག་བརྙན་བཟོ་ལས་ཁང་གཞན་རྣམས་ནས་གཟིགས་འབུལ་ཞུ་ཐུབ་མེད་པ་ཞིག་ཡིན་པར་བརྗོད་འདུག
སྐུ་ཞབས་ Freddy ལགས་ཀྱི་སྐུ་ཚེའི་ལོ་རྒྱུས་དང་འབྲེལ་བའི་དངོས་བྱུང་གློག་བརྙན་དེ་རྒྱ་ནག་གཞུང་གི་གནོན་ཤུགས་འོག་ཐེ་ཝན་གྱི་གློག་བརྙན་བཟོ་ལས་ཁང་གཞན་རྣམས་ཀྱིས་གཟིགས་འབུལ་ཞུ་ཐུབ་མེད་ནའང་ད་རིང་ཕྱི་ཟླ་ ༥ ཚེས་ ༢༡ ཉིན་ཐེ་ཝན་གྱི་རྒྱལ་ས་ Taipei ནང་དུ་ཚོགས་བཞིན་པའི་2018 Urban Nomad film fest གློག་བརྙན་དུས་སྟོན་གྱི་ཐོག་རྒྱ་གཞུང་གིས་གནོན་ཤུགས་ལ་མ་འཛེམས་པར་གློག་བརྙན་དེའི་བཀོད་སྒྲིག་པ་སྐུ་ཞབས་ Macro Wilms ལགས་ནས་ཉིན་གཉིས་ཀྱི་རིང་གཟིགས་འབུལ་ཞུ་རྒྱུ་ཡིན་པ་རེད་འདུག
རྩ་བའི་ཐེ་ཝན་གྱི་གཞས་པ་གྲགས་ཅན་གྲོས་ཚོགས་འཐུས་མི་སྐུ་ཞབས་ Freddy lim ལགས་ནི་ཐེ་ཝན་གྲོས་ཚོགས་བོད་དོན་རྒྱབ་སྐྱོར་ཚོགས་པ་གསར་འཛུགས་གནང་མཁན་ཡིན་པ་མ་ཟད། ད་ཆ་ཐེ་ཝན་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ཡང་ཡིན་པ་རེད། སྐུ་ཞབས་ Freddy ལགས་ནི་བོད་ཀྱི་རྩ་དོན་ལ་དོན་གཉེར་ཆེན་པོ་གནང་མཁན་ཞིག་ཡིན་པ་དང་། ༸གོང་ས་མཆོག་དང་མཇལ་འཕྲད་ཐེངས་ཁ་ཤས་གནང་མྱོང་ཡོད་པ་རེད།

འབྲེལ་ཡོད་གསར་གནས།

གསར་གནས།