བོད་རྒྱལ་ཡོངས་རྩེད་རིགས་ཚོགས་པས་གོ་སྒྲིག་གནང་པའི་འདི་ལོ་ ༢༠༡༧ ལོའི་རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་རྩེད་འགྲན་ཐེངས་ ༢༣ པ་
དེ་ཕྱི་ཟླ་ ༤ ཚེས་༨ ཉིན་རྒྱབ་ཚོུད་ ༡།༠༠ ཐོག་རྒྱ་གར་ལྷོ་ཕྱོགས་བོད་མིའི་གཞིས་ཆགས་ཀོ་ལི་གྷལ་དོན་ལྡན་གླིང་དུ་གྲོང་སྡེ་སི་ཉེ་འགྲམ་དུ་ཡོད་པའི་རྩེད་ཐང་དུ་འགོ་འཛུགས་གནང་ཡོད་པ་རེད།
བོད་མིའི་སྒྲིག་འཛུགས་ཀྱི་ནང་སྲིད་བཀའ་བློན་འཁོར་ལྷ་ཚང་བསོད་ནམས་སྟོབས་རྒྱལ་མཆོག་གིས་དབུ་འབྱེད་གནང་པའི་རྩེད་འགྲན་དེའི་ནང་སྦེང་ལོར་ཏཱ་ལའི་བླ་མ་མཐོ་སློབ་དང ། སྦེལ་ཀོབ་གྷོ་ལ་ཐལ་རུ་ཁག སྦེལ་ཀོབ་བདེ་སླར་རུ་ཁག བོད་ཁྱིམ་མཉམ་སྦྲེལ་རུ་ཁག Clement Town དོན་གྲུབ་གླིང་རུ་ཁག་ དར་ཆེ་གླིང་རུ་ཁག སྒང་ཏོག་རུ་ཁག གྷོ་བ་རུ་ཁག ཧུན་རུབ་རྒྱས་གླིང་རུ་ཁག ཀོ་ལི་གྷལ་གྱི་རུ་ཁག་གཉིས། མོན་གྷོ་དོན་ལྡན་གླིང་རུ་ཁག ཨུ་རི་ས་ཕུན་ཚོགས་གླིང་རུ་ཁག དེ་བཞིན་གངས་ལྗོངས་ཤི་ལོངས་རུ་ཁག་དང་རྩམ་པ་རུ་ཁག་བཅས་ཁྱོན་རུ་ཁག་ ༡༥ ནས་མཉམ་ཞུགས་གནང་ཡོད་པ་རེད།
ཐེངས་འདིའི་རྩེད་འགྲན་གྱི་ལས་རིམ་རྣམས་རྒྱ་ཆེའི་གཟིགས་མོ་བ་ཚོས་ཐད་ཀར་གཟིགས་ཐུབ་ཆེད་ངོ་དེབ་སོགས་བརྒྱུད་ནས་ཐད་གཏོང་གན
ང་རྒྱུར་འབད་བརྩོན་གནང་བཞིན་ཡོད་ཀྱང་། ས་གནས་ལ་དྲ་ལམ་གྱི་དཀའ་ངལ་ཡོད་པར་བརྟེན་གལ་ཏེ་ཐད་གཏོང་གཟིགས་མ་ཐུབ་པ་བྱུང་ཚེ། རང་གི་ལག་ཐོག་ཁ་པར་ནས་ཕབ་ལེན་བྱ་རྒྱུ་ཡོད་པའི་ GCM 2017 ཞེས་པའི་མཉེན་ཆས་ཞིག་གསར་བཟོ་གནང་ཡོད་པ་དང་དེའི་བརྒྱུད་ནས་ཉིན་རེའི་གནས་ཚུལ་རྣམས་ཐད་གཟིགས་ཞུ་རྒྱུ་འདུག
ཉིན་དང་པོའི་རྩེད་འགྲན་སྐབས་སྦེང་ལོར་ཏཱ་ལའི་བླ་མ་མཐོ་སློབ་རུ་ཁག་དང་སྦེལ་ཀོབ་བདེ་སླར་རུ་ཁག་གཉིས་དབར་རྩེད་འགྲན་གནང་ནས་སྤོ་ལོ་གཅིག་དང་གཉིས་ཀྱི་ཁྱད་པར་བྱུང་སྟབས་སྦེང་ལོར་ཏཱ་ལའི་བླ་མ་མཐོ་སློབ་ལ་རྒྱལ་ཁ་ཐོབ་ཡོད་པ་དང་། རྩེད་འགྲན་གཉིས་པ་ཨུ་རི་ས་ཕུ
ན་ཚོགས་གླིང་རུ་ཁག་དང་ཀོ་ལི་གྷལ་དོན་ལྡན་གླིང་གི་རུ་ཁག་ཀ་པ་གཉིས་བར་འགྲན་བསྡུར་གནང་མཐར་སྤོ་ལོ་ཀླད་ཀོར་དང་གསུམ་གྱི་ཁྱད་པར་ཐོག་ནས་ཀོ་ལི་གྷལ་རུ་ཁག་ལ་རྒྱལ་ཁ་ཐོབ་ཡོད་པ་རེད།
དེ་བཞིན་ཁ་སང་ཚེས་ ༩ རྩེད་འགྲན་ཉིན་གཉིས་པའི་རྩེད་འགྲན་དང་པོར་མོན་གྷོ་འདོད་རྒུ་གླིང་རུ་ཁག་དང་ཀོ་ལི་གྷལ་རུ་ཁག་ཁ་པ་གཉིས་དབར་རྩེད་འགྲན་གནང་པ་ལས་སྤོ་ལོ་ལྔ་དང་ཀླད་ཀོར་གྱི་ཁྱད་པར་ཐོག་ནས་མོན་གྷོ་འདོད་རྒུ་གླིང་རུ་ཁག་ལ་རྒྱལ་ཁ་ཐོབ་ཡོད་པ་དང་། རྩེད་འགྲན་གཉིས་པར་བོད་ཁྱིམ་སྤྱི་མཐུན་རུ་ཁག་དང་དོན་གྲུབ་གླིང་རུ་ཁག་གཉིས་དབར་ལ་སྤོ་ལོ་ཀླད་ཀོར་དང་བཞིའི་ཁྱད་པར་ཐོག་ནས་དོན་གྲུབ་གླིང་རུ་ཁག་ལ་ཐོབ་ཡོད། རྩེད་འགྲན་གསུམ་པའི་སྐབས་གངས་ལྗོངས་ཤི་ལོངས་རུ་ཁག་དང་སྦེལ་ཀོབ་གྷོ་ལ་ཐ་ལ་རུ་ཁག་དབར་བསྡུར་གནང་མཐར་རུ་གཉིས་ཀ་ནས་སྤོ་ལོ་གཅིག་ཀྱང་བླུགས་མ་ཐུབ་པར་གཅིག་མཚུངས་ཀྱི་གནས་སྟངས་ཆགས་ཡོད་རེད། སྤྱིར་ཚེས་༨ ནས་དེ་རིང་ཚེས་ ༡༠ བར་རུ་ཁག་ཕན་ཚུན་དབར་ཁྱོན་རྩེད་འགྲན་ཐེངས་ ༨ གནང་ཟིན་ཡོད་པ་རེད།
