Tibetan Royal Year of 2151 | Year of the Wood Dragon

༸གོང་ས་མཆོག་དབུ་བཞུགས་ཐོག་ཀ་ན་ཊ་ཀ་གཞུང་མང་གཉིས་ལ་ཐུགས་རྗེ་ཆེ་ཞུའི་ལས་རིམ་ཚོགས་པ།

Tibetan News Headlines

  • ༸གོང་ས་མཆོག་གིས་ཧིན་དྷུའི་བླ་ཆེན་དགོངས་པ་རྗོགས་པར་ཐུགས་གསོའི་གསུང་འཕྲིན་སྩལ་འདུག
  • མགོན་པོ་སྐྱིད་ལགས་ཀྱིས་ཉེན་རྟོག་པས་ཁོང་ལ་སྡུག་སྦྱོང་བཏང་བའི་སྐོར་ཁྲིམས་ཁང་ལ་ཞུ་གཏུག་བྱས་འདུག
  • དྭང་བླངས་དཔྱ་དངུལ་ལག་དེབ་ཆག་ཡང་དང་འབུལ་ཚེའི་དུས་བཀག་ཕར་འགྱང་གནང་སོང་།
  • ནང་སྲིད་ལས་ཁུངས་དང་སྦྲགས་ལྷན་ཁང་ཁག་གི་སྔོན་རྩིས་གཏན་འབེབས་དང་བགྲོ་གླེང་ལས་རིམ་གྲུབ་སོང་།
  • ཁྲིམས་ཞིབ་པའི་འོས་ཆོས་ལྡན་པའི་མི་འགྲོ་འཚོལ་རྒྱུ་ཁག་པོ་མ་གཏོགས་གཞན་དཀའ་ངལ་མེད་པ་གསུངས་སོང་།
  • དབྱིན་ཡུལ་གྱི་གྲོང་སྡེ་གཉིས་ལ་ Hikvision བརྙན་མིག་སྤྱོད་རྒྱུ་མཚམས་འཇོག་དགོས་པའི་ཞུ་སྐུལ་གནང་འདུག

Thursday 28/03/2024

  • Dalai Lama expresses ‘sadness’ and offers ‘condolences’ on the passing away of Swami Smaranananda Maharaj
  • Gonmo Kyi sues China’s police over ‘repressive censorship and vigilant supervision’
  • Parliament extends Chatrel exemption period by six months
  • House discusses budget allocation for DoH for the fiscal year 2024-25
  • MPs express concern over challenges in finding nominees for Justice Commissioners
  • Review into Harborough and Lutterworth CCTV cameras after concerns made by company with links to Chinese government Now

དེ་རིང་ཟླ་ ༨ ཚེས་ ༡༠ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཐོག་རྒྱ་གར་ལྷོ་ཕྱོགས་ཀ་ན་ཊ་ཀ་གཞུང་མང་གཉིས་ལ་ཐུགས་རྗེ་ཆེ་ཞུའི་མཛད་སྒོ་ཞིག་ཚོགས་ཡོད་པ་དང་། སྐབས་དེར་༸གོང་ས་མཆོག་གིས་ང་ཚོ་བོད་མི་རིགས་ཀྱིས་ལོ་ངོ་སྟོང་ཕྲག་ལྷག་གི་རིང་ནས་གཅེས་ཉར་བྱས་པའི་དཔལ་ནཱ་ལེནྡཱའི་རིག་གནས་དེ་དག་ད་ཆ་དེའི་འབྱུང་ཁུངས་རྒྱ་གར་ལ་ཕར་ལེགས་སྐྱེས་ཚུལ་དུ་ཕུལ་རྒྱུ་བྱུང་བར་མགོན་པོ་༸གང་ཉིད་མཆོག་དགའ་སྤོབས་ཆེན་པོ་བྱུང་ཞེས་བཀའ་བསྩལ་བ་དང་། དེ་ནི་རྒྱ་གར་དབུས་གཞུང་དང་ཀ་ན་ཊ་ཀ་མངའ་སྡེ་གཞུང་གཉིས་ཀྱིས་རྒྱབ་སྐྱོར་དང་མཐུན་འགྱུར་གནང་བའི་བཀྲིན་ལ་བརྟེན་ནས་ཡིན་པར་བཀའ་བསྩལ་འདུག
དེ་བཞིན་མགོན་པོ་༸གང་ཉིད་མཆོག་གིས་ང་ཚོ་བོད་ལ་ངོམས་སུ་ཆོག་པའི་རིག་གཞུང་ཕྱུག་པོ་ཡོད་པས་བོད་ཀྱི་གནད་དོན་འདི་ནམ་ཡང་རྩ་བརླག་འགྲོ་ཡི་མ་རེད་ཅེས་བཀའ་བསྩལ་དང་ཆབས་ཅིག་ཏུ་བོད་མི་ཚོའི་ངོས་ནས་སེམས་ཤུགས་ཆག་རྒྱུ་མེད་སྐོར་སོགས་བཀའ་བསྩལ་མཛད་འདུག༸གོང་ས་མཆོག་དབུ་བཞུགས་ཐོག་ཀ་ན་ཊ་ཀ་གཞུང་མང་གཉིས་ལ་ཐུགས་རྗེ་ཆེ་ཞུའི་ལས་རིམ་ཚོགས་པ།དེ་དང་ཕྱོགས་མཚུངས་ཀ་ན་ཊ་ཀ་མངའ་སྡེ་གཞུང་གི་སྤྱི་ཁྱབ་བློན་ཆེན་ལས་ཐོག་པ་སྐུ་ཞབས་ Shri H.D Kumaraswamy མཆོག་གིས་ཀ་ན་ཊ་ཀ་མངའ་སྡེ་གཞུང་ནས་ལྷོ་ཕྱོགས་བཙན་བྱོལ་བོད་མི་རྣམས་ལ་རོགས་རམ་གང་དགོས་གནང་རྒྱུ་ཡིན་པའི་ཞལ་བཞེས་གནང་འདུག
བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་གྲོས་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་རྣམ་གཉིས་ནས་ཀྱང་རྒྱ་གར་གཞུང་མང་དང་ལྷག་དོན་མངའ་སྡེ་དེའི་ངོས་ནས་ད་བར་བཙན་བྱོལ་བོད་མི་རྣམས་ལ་མཐུན་འགྱུར་རྒྱབ་སྐྱོར་གནང་བའི་ལོ་རྒྱུས་ལ་དྲན་གསོ་དང་སྦྲགས་བཀའ་སྤྱི་གཉིས་ཀྱི་ཚབ་ཞུས་ཏེ་ཐུགས་རྗེ་ཆེ་ཞུ་མཚོན་པའི་ཆོས་ཀྱི་འཁོར་ལོའི་གཟེངས་རྟགས་ཤིག་ཕུལ་ཡོད་པ་རེད།
རྩ་བའི་སང་ཉིན་ཚེས་ ༡༡ དང་ ༡༢ བཅས་གཉིས་རིང་ Conrad Hotel གསོལ་མགྲོན་ཁང་དུ་རྒྱ་གར་ཝ་ན་ཐེབས་རྩ་ཁང་གིས་གོ་སྒྲིག་ཞུས་པའི་རྒྱ་གར་སློབ་ཕྲུག་དང་ཡུལ་མི་བཅས་ ༧༥༠ ཙམ་ལ་བླང་དོར་བཀའ་སློབ་བསྩལ་རྒྱུ་དང་ཚེས་ ༡༣ ཉིན་སྦེང་ལོར་ཏཱ་ལའི་བླ་མ་མཐོ་སློབ་ཀྱི་བུའི་སྡོད་ཁང་དབུ་འབྱེད་རབ་གནས་དང་འབྲེལ་དགེ་ལས་སློབ་ཕྲུག་རྣམས་ལ་བཀའ་སློབ་བསྩལ་རྒྱུ་རེད་འདུག དེ་རྗེས་ཚེས་ ༡༤ ཉིན་སྦེང་ལོར་ནས་ཆིབས་ཞལ་བསྒྱུར་གནང་གི་ཡོད་པ་རེད།

འབྲེལ་ཡོད་གསར་གནས།

གསར་གནས།