རྒྱལ་སྤྱིའི་ཁོར་ཡུག་ཚོགས་ཆེན་ཐོག་བོད་ཀྱི་ཁོར་ཡུག་གནད་དོན་གླེང་དགོས་པའི་འབོད་སྐུལ།


vot.org
Facebooktwittergoogle_plusmail
རྒྱལ་སྤྱིའི་ཁོར་ཡུག་ཚོགས་ཆེན་ཐོག་བོད་ཀྱི་ཁོར་ཡུག་གནད་དོན་གླེང་དགོས་པའི་འབོད་སྐུལ།

དེ་ཡང་ཟླ་བ་འདིའི་ཚེས་ ༦ ནས་ཡོ་རོབ་འཇར་མ་ནི་གྲོང་ཁྱེར་ Bonn ནང་དུ་རྒྱལ་སྤྱིའི་མཉམ་འབྲེལ་རྒྱལ་ཚོགས་ཀྱི་ཁོར་ཡུག་ལྷན་ཚོགས་ཐེངས་ ༢༣ པ་འཚོགས་བཞིན་རྒྱལ་སྤྱིའི་ཁོར་ཡུག་ཚོགས་ཆེན་ཐོག་བོད་ཀྱི་ཁོར་ཡུག་གནད་དོན་གླེང་དགོས་པའི་འབོད་སྐུལ།པ་དང་བསྟུན། དེ་རིང་སྔ་དྲོ་ཆུ་ཚོད་ ༡༡ ཐོག་བཞུགས་སྒར་དུ་རྟེན་གཞི་བྱས་པའི་བོད་ཀྱི་བེུད་ལྷན་ཚོགས་དང་བོད་རང་བཙན་སློབ་ཕྲུག་ཚོགས་པ་གཉིས་ཟུང་འབྲེལ་ཐོག་རྡ་ས་མེག་གྷན་ཁྲོམ་གཞུང་དུ་ རྒྱལ་སྤྱིའི་ཁོར་ཡུག་ཚོགས་ཆེན་ཐོག་བོད་ཀྱི་ཁོར་ཡུག་གནད་དོན་གླེང་དགོས་པའི་འབོད་སྐུལ་གནང་སོང་།

སྐབས་དེར་ཚོགས་པ་གཉིས་ནས་ཁྲོམ་གཞུང་དུ་རྒྱ་ནག་གི་སྲིད་འཛིན་འཛིན་ཞི་ཅིང་ཕིང་གིས་སྣེ་ཁྲིད་འོག་བོད་ཀྱི་ས་ཁུལ་འདྲ་མིན་ནང་གཏེར་ཁ་སྔོག་འདོན་དང་། ལྷག་པར་དུ་ཨེ་ཤ་ཡའི་རྒྱལ་ཁབ་རྒྱ་གར་དང་འབར་མ། དེ་བཞིན་བྷང་ལ་དེ་ཤི་སོགས་ཀྱི་ནང་རྒྱུག་བཞིན་པའི་བོད་ཀྱི་གཙང་པོ་ཆེ་ཁག་ཐོག་ཆུ་མཛོད་རྒྱབ་བཞིན་པའི་གནས་སྟངས་འོག་བོད་ཀྱི་ཁོར་ཡུག་དང་ས་གནས་ཀྱི་གནམ་གཤིས་ལ་དོ་ཕོག་བཏང་བ་ཙམ་མ་ཟད། གཤམ་འོག་རྒྱལ་ཁབ་ཁག་གི་གནམ་གརྒྱལ་སྤྱིའི་ཁོར་ཡུག་ཚོགས་ཆེན་ཐོག་བོད་ཀྱི་ཁོར་ཡུག་གནད་དོན་གླེང་དགོས་པའི་འབོད་སྐུལ།ཤིས་ལའང་དོ་ཕོག་བཏང་རྐྱེན་ཆུའི་འཇིག་པ་ཤུགས་ཆེ་བྱུང་ནས་མི་སེར་མང་པོའི་ཚེ་སྲོག་ཤོར་མུས་ཡིན་པ་སོགས་གཏམ་བརྗོད་ཀྱི་ལམ་ནས་ས་གནས་མང་ཚོགས་ཚོར་བརྒྱུད་བསྒྲགས་གནང་སོང་།

དེ་བཞིན་བོད་རང་བཙན་སློབ་ཕྲུག་ཚོགས་པའི་འགན་འཛིན་བསྟན་འཛིན་ཚེ་ལྷ་ལགས་ནས་མང་ཚོགས་ཁྲོད་ལ་བོད་ཀྱི་གནམ་གཤིས་འགྱུར་ལྡོག་དང་དེའི་གལ་གནད་ཁག་ངོ་སྤྲོད་གནང་རྒྱུ་དང་། རྒྱལ་ཚོགས་རྒྱལ་སྤྱིའི་ཁོར་ཡུག་ལྷན་ཚོགས་ཐོག་གནད་དོན་དེ་ངེས་པར་དུ་གླེང་སློང་གནང་དགོས་པ་གསུངས་སོང་།

བོད་ཀྱི་བུད་མེད་ལྷན་ཚོགས་ཀྱི་ཁོར་ཡུག་ལས་བྱེད་ཟླ་བ་སྒྲོལ་མ་ལགས་ཀྱིས་རྒྱ་ནག་གཞུང་གི་བོད་ཀྱི་གཙང་པོ་ཆེ་ཁག་ཐོག་ཆུ་མཛོད་གང་བྱུང་དུ་གསར་རྒྱག་བྱེད་བཞིན་པའི་གནས་སྟངས་ཙམ་མ་ཟད། འདས་པའི་ལོ་དུས་ནང་ལའང་རྒྱ་ནག་གཞུང་གིས་བོད་ཀྱི་ཤིང་ནགས་རྩ་སྟོང་དང་གཏེར་ཁ་སྔོག་འདོན་གྱི་ལས་འགུལ་སྤེལ་རྐྱེན་བོད་ཀྱི་ཁོར་ཡུག་སྤྱི་ལ་གནོད་སྐྱོན་ཚབས་ཆེ་ཕོག་ཡོད་པ་སོགས་འགྲེལ་བརྗོད་གནང་སོང་།

གཞི་རྩའི་རྒྱལ་སྤྱིའི་མཉམ་འབྲེལ་རྒྱལ་ཚོགས་ཀྱི་ཁོར་ཡུག་ལྷན་ཚོགས་ཐེངས་ ༢༣ པ་ཐོག་རྒྱལ་ཚོགས་ཀྱི་ཚོགས་མི་རྒྱལ་ཁབ་ ༡༩༧ གྱི་སྐུ་ཚབ་འཐུས་མི་དང་།  རྒྱལ་ཁབ་འདྲ་མིན་གྱི་དབུ་ཁྲིད། དེ་བཞིན་གཞུང་འབྲེལ་མ་ཡིན་པའི་ཚོགས་པ་འདྲ་མིན་གྱི་སྐུ་ཚབ་དང་ཁོར་ཡུག་ཚན་རིག་པ་དང་ཉམས་ཞིབ་པ། ཁོར་ཡུག་སྲུང་སྐྱོབ་ལས་འགུལ་བ་སོགས་ནས་མཉམ་ཞུགས་གནང་ཡོད་པ་མ་ཟད། བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱི་ཁྱབ་ཁོངས་བོད་ཀྱི་སྲིད་བྱུས་ཉམས་ཞིབ་ཁང་གི་ཁོར་ཡུག་ཉམས་ཞིབ་པ་བསྟན་པ་རྒྱལ་མཚན་ལགས་དང་བདེ་ཆེན་དཔལ་མོ་ལགས་རྣམ་གཉིས་ནས་མཉམ་ཞུགས་ཀྱིས་བོད་མཐོ་སྒང་གི་ཁོར་ཡུག་དེ་འཛམ་གླིང་སྤྱི་ལ་གནད་ཆེ་ཆགས་ཡོད་པ་དང་འདི་བཞིན་གོ་ལའི་གནམ་གཤིས་འགྱུར་ལྡོག་མྱུར་པོ་འགྲོ་བཞིན་པར་བརྟེན་བོད་མཐོ་སྒང་གི་ཁོར་ཡུག་ལ་ཤུགས་རྐྱེན་ངན་པ་ཇི་ཐེབས་སོགས་གསལ་བཏོན་གནང་ཡོད་པ་རེད།