བོད་རྔ་པ་གཟི་རྩ་སྡེ་དགུ་རྫོང་ཁུལ་དུ་ས་ཡོམ་འོག་མི་ ༡༩ ཚེ་སྲོག་ཤོར་འདུག

Facebooktwittergoogle_plusmail
བོད་རྔ་པ་གཟི་རྩ་སྡེ་དགུ་རྫོང་ཁུལ་དུ་ས་ཡོམ་འོག་མི་ ༡༩ ཚེ་སྲོག་ཤོར་འདུག

རྒྱ་གཞུང་གིས་དབྱེ་བའི་སི་ཁྲོན་ཞིང་ཆེན་རྔ་བ་ཁུལ་གཟི་རྩ་སྡེ་དགུ་རྫོང་ཁོངས་སུ་ཁ་སང་དགོང་དྲོ་ཚོུད་༩།༡༩ ཙམ་ལ་ས་ཡོམ་ཤུགས་ཚད་རིམ་པ་ ༧ ཅན་ཞིག་བརྒྱབ་ནས་དེ་རིང་ཉིན་གུང་ཚོུད་ ༡།༠༠ བར་མི་ ༡༩ འི་ཚེ་སྲོག་ཤོར་ཡོད་པ་ཤེས་རྟོགས་བྱུང་འདུག
ད་ལྟའི་གནས་སྐབས་སུ་བརྒྱུད་ལམ་ཁ་ཤས་ཀྱིས་གནས་ཚུལ་སྤེལ་བར་གཞིགས་ན། ས་ཡོམ་བྱུང་ས་དེར་ནམ་རྒྱུན་ཕྱི་ནས་ཡུལ་སྐོར་བ་མང་དག་ཕེབས་ཡུལ་ཞིག་ཆགས་ཀྱི་ཡོད་སྟབས། རྐྱེན་འདས་སུ་སོང་མཁན་ཁོངས་སུ་ས་གནས་ཀྱི་མི་ཙམ་མ་ཟད་རེ་ཟུང་ཡུལ་སྐོར་སྤྲོ་འཆམ་བ་ཡིན་པ་གསུངས་འདུག
ད་བར་ཤེས་རྟོགས་བྱུང་བར་ས་ཡོམ་གྱི་འཇིགས་པ་དེའི་ཁྲོད་དུ་རྨས་སྐྱོན་ཕོག་མཁན་མི་གྲངས་ ༢༤༧ དང་རྨས་སྐྱོན་ཚབས་ཆེ་ཕོག་མཁན་མི་གྲངས་ ༤༠ ཡོད་པ་རྣམས་འབྲེ་ལ་ཡོད་ས་གནས་ཀྱི་སྨན་ཁང་དུ་བསྐྱལ་ཡོད་འདུག
འདི་ག་རླུང་འཕྲིན་ཁང་ནས་འབྲེལ་ཡོད་མི་སྣ་ཁག་ཅིག་ལ་བཅར་འདྲི་ཞུས་པའི་ཁྲོད་གཟི་རྩ་སྡེ་དགུའི་ཉེ་འཁྲིས་ས་གནས་ཁག་ཅིག་ཏུ་ས་འearth quake in tibetགུལ་ཚོར་བ་ཙམ་ལས་ཚེ་སྲོག་ཤོར་བའི་གནས་ཚུལ་ཐོས་རྒྱུ་མི་འདུག་གསུངས་ཀྱི་འདུག
བོད་ནང་གི་བོད་སྐད་རླུང་འཕྲིན་དྲ་བ་ཞེས་པའི་ཐོག་གནས་ཚུལ་སྤེལ་བར་གཟི་རྩ་སྡེ་དགུ་རྫོང་དེའི་ནང་གི་གཡུང་དྲུང་བོན་གྱི་དགོན་པ་ཆེ་ཤོས་རབ་དབེན་དགོན་བཀྲིས་ཕུན་ཚོགས་གླིང་གི་གཡུང་དྲུང་ལྷ་རྩེ་མཆོད་རྟེན་དང་འདུ་ཁང་སོགས་ལ་གས་སྲུབས་བྱུང་ཡོད་པ་དང། དགོན་པའི་གྲྭ་བཙུན་རྣམས་ནས་ས་ཡོམ་ལ་གཡོལ་ཆེད་ཕྱི་ལོགས་སུ་བཞུགས་འདུག
རྩ་བའི་ཁ་སང་རྔ་པ་གཟི་རྩ་སྡེ་དགུ་རྫོང་ཁུལ་གྱི་ས་ཡོམ་དེ་ཤུགས་ཚད་ཆེ་བ་གྲས་ཤིག་ཆགས་ཀྱི་ཡོད་སྟབས། སི་ཁྲོན་ཞིང་ཆེན་ཁྱབ་ཁོངས་ཀྱི་སྡོད་ཁང་འབུམ་གཅིག་ལྷག་ཙམ་ལ་གས་རྡིབ་དང་། གཞུང་ལམ་ཁག་ཅིག་བཅད་པ་སོགས་གོད་ཆགས་ཆེན་བྱུང་འདུག ཁ་སང་དགོང་དྲོ་ཚོུད་ ༩།༡༩ ཐོག་ས་ཡོམ་ཐོག་མ་དེ་བྱུང་པ་མ་ཟད་དེའི་རྗེས་སུ་ཤུགས་ཚད་ཆུང་བའི་ས་འགུལ་སྔ་རྗེས་བྱུང་འདུག


འབྲེལ་ཡོད་གསར་འགྱུར།