བོད་རིགས་སློབ་ཕྲུག་ཚོར་དམག་སྦྱོང་སྤྲོད་བཞིན་འདུག


vot.org
Facebooktwittergoogle_plusmail
བོད་རིགས་སློབ་ཕྲུག་ཚོར་དམག་སྦྱོང་སྤྲོད་བཞིན་འདུག

རྒྱ་གཞུང་གིས་དེང་སྐབས་བོད་ཀྱི་ས་ཁྱོན་ཡོངས་ནང་བོོད་རིགས་སློབ་ཕྲུག་ཚོར་སློབ་གྲྭའི་ནང་དམག་སྦྱོང་འཛིན་གྲྭ་ཞིག་ཚོགས་ནས་དམག་གི་སྦྱོང་བརྡར་སྤྲོད་བཞིན་ཡོད་པ་རེད་འདུག

ཉེ་བའི་ཆར་ཟླ་བ་འདིའིི་ནང་བོད་ཁམས་དཀར་མཛེས་ཁུལ་རྟའུ་རྫོང་ནང་ཡོད་པའི་སློབ་གྲྭ་ཞིག་གི་ནང་དུའང་སློབ་ཕྲུག་ཚོར་དམག་ཆས་གཡོག་ཏེ་དམག་སྦྱོང་སྤྲོད་བཞིན་ཡོད་པ་དང་རྟའུ་རྫོང་ནང་ཡོད་པའི་བོད་པའི་སློབ་གྲྭ་དེའི་ནང་གཟའ་འཁོར་རེར་དམག་སྦྱོང་ཐེངས་གཉིས་རེ་གནང་དགོོས་ཀྱི་ཡོད་པ་རེད་འདུག

སློབ་ཕྲུག་ཚོར་དམག་སྦྱོང་ཆེད་དམག་གི་སྒྲིག་ཆས་ཆ་ཚང་ལ་རྒྱ་སྒོར་ ༨༠ རེ་སྤྲད་ནས་ངེས་པར་དུ་ཉོ་དགོས་ཀྱི་ཡོད་པ་དང་། མེ་མདའ་འཕེན་སྟངས། ཆུ་དང་ཤིང་ལ་མཆོང་རྒྱུག་གནང་སྟངས་སོགས་དམག་སྦྱོང་སྣ་ཚོགས་ཤིག་སྦྱོང་བརྡར་སྤྲོད་མུས་རེད་འདུག

སློབ་ཕྲུག་ལ་དམག་སྦྱོང་སྤྲོད་པའི་ལམ་ལུགས་དེ་ནི་ཕྱི་ལོ་ ༢༠༡༥ ཙམ་ནས་རྒྱལ་ཁབ་ཀྱིས་ཡོངས་ཁྱབ་གཏན་འབེབས་འོག་བོད་མདོ་དབུས་ཁམས་གསུམ་གྱི་སློབ་གྲྭ་ཡོངས་སུ་ལག་བསྟར་བྱེད་འགོ་ཚུགས་ཡོད་ཅིང་དམག་སྦྱོང་སྤྲོད་དོན་ནི་སློབ་ཕྲུག་རྣམས་སློབ་འབྲིང་འཛིན་རིམ་བཅུ་གཉིས་ཐོན་རྗེས་དམག་མིར་ཞུགས་ཚེ་དཀའ་ངལ་མེད་པར་འཛུལ་ཞུགས་ཐུབ་ཆེད་ཡིན་སྐོར་བརྗོད་འདུག

འབྲེལ་ཡོད་གསར་འགྱུར།