ཀརྨ་པ་རིན་པོ་ཆེ་མཆོག་དབྱིན་ཡུལ་དུ་ཆེས་ཐོག་མའི་ཆིབས་བསྒྱུར་བསྐྱངས་པ།

Facebooktwittergoogle_plusmail
ཀརྨ་པ་རིན་པོ་ཆེ་མཆོག་དབྱིན་ཡུལ་དུ་ཆེས་ཐོག་མའི་ཆིབས་བསྒྱུར་བསྐྱངས་པ།

སྒྲུབ་བརྒྱུད་བསྟན་པའི་གསལ་བྱེད་དཔལ་༸རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་ཡུ་རོབ་ཀྱི་རྒྱལ་ཁབ་དབྱིན་ཡུལ་ནང་དུ་ཆོས་འབྲེལ་གྱི་མཛད་འཆར་སླད་ཆེས་ཐོག་མའི་ཆིབས་བསྒྱུར་བསྐྱངས་འདུག་པ་དང་།  ཁ་སང་ཚེས་ ༡༧ ཉིན་ཀརྨ་པ་རིན་པོ་ཆེ་མཆོག་ཁུལ་དེར་༸ཞབས་སོར་བདེ་བར་འཁོད་བསྟུན། ཀརྨ་པ་རིན་པོ་ཆེའི་བླ་བྲང་གི་དྲ་གནས་ཐོག་ཡོངས་ཁྱབ་བརྙན་ཐུང་ཞིག་བརྒྱུད། རིན་པོ་ཆེ་མཆོག་ནས་དེ་སྔ་དབྱིན་ཡུལ་དང་༸རྒྱལ་དབང་ཀརྨ་པ་སྐུ་གོང་མའི་དབར་ལ་ཆོས་ཕྱོགས་ཀྱི་འབྲེལ་ལམ་བཟང་པོ་ཞིག་བྱུང་ཡོད་པ་དང་། འབྲེལ་བ་དེ་རྒྱུན་གནས་ཐུབ་ཐབས་སུ་རིན་པོ་ཆེ་མཆོག་ནས་དེ་སྔ་ནས་དབྱིན་ཡུལ་ནང་དུ་ཆིབས་བསྒྱུར་བསྐྱང་རྒྱུའི་ཐད་ལ་འབད་བརྩོན་གནང་ཡོད་པ་སོགས་འགྲེལ་བརྗོད་དང་སྦྲགས། ད་རེས་རིན་པོ་ཆེ་མཆོག་དངོས་སུ་ཡུལ་དེར་བདེ་འབྱོར་བྱུང་བར་ཐུགས་དགའ་ཚོར་ཆེན་པོ་བྱུང་ཞེས་གསུངས་པ་དང་། རིམ་བཞིན་ཕྱོགས་གཉིས་དབར་ལ་སེམས་ཐག་ཉེ་རུ་དང་འབྲེལ་ལམ་ཇེ་བཟང་དུ་འགྲོ་ངེས་ཡིན་པ་བཀའ་བསྩལ་འདུག

གཞི་རྩའི་ཐེངས་འདིའི་ཆིབས་སྒྱུར་དེ་ནི་ཀརྨ་པ་རིན་པོ་ཆེ་མཆོག་ནས་ད་བར་ཡུ་རོབ་ཁུལ་དུ་ཆིབས་བསྒྱུར་མཛད་པ་ཐེངས་གསུམ་པ་དེ་ཆགས་ཀྱི་ཡོད་པ་རེད།

མཛད་འཆར་ལྟར་ན། དཔལ་༸རྒྱལ་དབང་ཀརྨ་པ་རིན་པོ་ཆེ་མཆོག་གིས་གནངས་ཕྱི་ཚེས་ ༢༠ ནས་ ༢༡ བར་ཁུལ་དེའི་ས་གནས་ཀྱི་དད་ལྡན་མང་ཚོགས་ལ་བློ་སྦྱོང་ཚིགས་བརྒྱད་མའི་ཆོས་འབྲེལ་དང་། སྤྱན་རས་གཟིགས་ཀྱི་རྗེ་སྣང་བཀའ་དྲིན་བསྩལ་གནང་གི་ཡོད་པ་མ་ཟད། དེ་རྗེས་ཚེས་ ༢༧ ཉིན་དབྱིན་ཡུལ་གྱི་ལྷོ་ཕྱོགས་སུ་ཆགས་པའི་ Surrey གྲོང་ཁྱེར་ནང་དུ་དད་ལྡན་མང་ཚོགས་རྣམས་ལ་ཚེ་དཔག་མེད་ཀྱི་བཀའ་དབང་བཀའ་དྲིན་བསྩལ་གྱི་འདུག


འབྲེལ་ཡོད་གསར་འགྱུར།