༸རྒྱལ་བ་སྨན་རིའི་ཁྲི་འཛིན་སོ་བཞི་པ་བསྐོ་གཞག་དང་འབྲེལ་བའི་རྟགས་སྒྲིལ་གྱི་ལས་རིམ་དབུ་འཛུགས་གནང་འདུག


vot.org
Facebooktwittergoogle_plusmail
༸རྒྱལ་བ་སྨན་རིའི་ཁྲི་འཛིན་སོ་བཞི་པ་བསྐོ་གཞག་དང་འབྲེལ་བའི་རྟགས་སྒྲིལ་གྱི་ལས་རིམ་དབུ་འཛུགས་གནང་འདུག

ཞ་དཀར་བསྟན་པའི་མངའ་བདག་འཛམ་གླིང་བོན་འབངས་ཡོངས་ཀྱི་དབུ་ཁྲིད་༸རྒྱལ་བ་སྨན་རིའི་ཁྲི་འཛིན་༣༤ པ་བསྐོ་གཞག་དང་འབྲེལ་བའི་ཆོས་ཕྱོགས་ཀྱི་སྔོན་འགྲོའི་ཟན་སྒྲིལ་གནང་སྒོ་ཁག་དབུ་འཛུགས་གནང་འདུག

ཆོས་ཕྱོགས་ཀྱི་ལས་རིམ་དེ་ནི་རྒྱ་གར་བྱང་ཕྱོགས་ཧི་མཱ་ཅལ་མངའ་སྡེ་ནང་རྟེན་གཞི་བྱས་པའི་གཡུང་དྲུང་བོན་གྱི་གདན་ས་དཔལ་གཤེན་བསྟན་སྨན་རིའི་དགོན་དུ་ཚེས་ ༡༩ ནས་དབུ་འཛུགས་གནང་འདུག

རྩ་བའི་༸རྒྱལ་བ་སྨན་རིའི་ཁྲི་རབས་ ༣༣ པ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་འདི་ལོའི་ཕྱི་ཟླ་ ༩ ཚེས་ ༡༤ ཉིན་དགུང་གྲངས་ ༨༩ ཐོག་དགོངས་པ་བོན་དབྱིངས་སུ་ཐིམ་པའི་ཡིད་སྐྱོའི་གནས་ཚུལ་བྱུང་ཡོད་པ་རེད།

གཡུང་དྲུང་བོན་གྱི་ཁྲི་འཛིན་གསར་པ་བསྐོ་གཞག་དང་འབྲེལ་བའི་ཟན་རྟགས་སྒྲིལ་གནང་རྒྱུ་དང་རིམ་གྲོ་སོགས་ཆོས་ཕྱོགས་ཀྱི་གནང་སྒོ་ཁག་གི་སྐོར་ལ་དབུས་གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་དྲུང་ཆེ་དགེ་བཤེས་ཟླ་བ་དར་རྒྱས་ལགས་སུ་བཀའ་འདྲི་ཞུས་པ་ཡིན།

དབུས་གཡུང་དྲུང་བོན་འཛིན་སྐྱོང་ལྷན་ཚོགས་ནས་དེ་དོན་རྒྱ་ཁྱབ་གསལ་བསྒྲགས་ཤིག་སྤེལ་གནང་པའི་ནང་། ཐེངས་འདིའི་ཆོས་ཕྱོགས་ཀྱི་གནང་སྒོ་ཁག་སྨན་རིའི་ཡོངས་འཛིན་སློབ་དཔོན་བསྟན་འཛིན་རྣམ་དག་རིན་པོ་ཆེ་མཆོག་ལ་ཇི་དགེའི་བཀའ་སློབ་ལམ་སྟོན་གཞིར་བཟུང་གིས་སློབ་དཔོན་འཕྲིན་ལས་ཉི་མ་རིན་པོ་ཆེ་མཆོག་གཙོ་གྱུར་འབྲེལ་ཡོད་བོན་གྱི་བླ་སྤྲུལ་དགེ་བཤེས་དང་གཞན་ཡང་ཕྱི་ནང་གི་གནད་ཡོད་མི་སྣ་མང་པོར་བཀའ་བསྡུར་རིམ་པ་གནང་ཡོད་པ་བཅས་གསུངས་འདུག