༸གོང་ས་མཆོག་གིས་ཇོ་ལུགས་སྤྱན་རས་གཟིགས་ཡི་གེ་དྲུག་མའི་རྗེས་གནང་བསྩལ་སོང་།


vot.org
Facebooktwittergoogle_plusmail
༸གོང་ས་མཆོག་གིས་ཇོ་ལུགས་སྤྱན་རས་གཟིགས་ཡི་གེ་དྲུག་མའི་རྗེས་གནང་བསྩལ་སོང་།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་དེ་རིང་བོད་ཟླ་བཞི་པའི་ཚེས་ ༡ ས་ག་ཟླ་བ་དབུ་བཙུགས་པའི་དུས་ཚིགས་སུ་དམིགས་བསལ་དགེ་བ་འགྱུར་ཁྱད་ལ་དགོངས་ཏེ་བཞུགས་སྒར་ཐེགས་ཆེན་ཆོས་གླིང་གཙུག་ལག་ཁང་དུ་ཕྱི་ནང་གི་དད་ལྡན་ཆོས་ཞུ་བ་སྟོང་ཚོགས་བརྒལ་བར་ཇོ་ལུགས་སྤྱན་རས་གཟིགས་ཡི་གེ་དྲུག་མའི་རྗེས་གནང་བཀྲིན་བསྩལ་སོང་།
སྐབས་དེར་༸གོང་ས་མཆོག་གིས་ད་ལྟའི་འཛམ་གླིང་དེའི་ཐོག་མིས་བཟོས་པའི་དཀའ་ངལ་མང་པོ་དེ་དག་ནི་གཙོ་བོ་སེམས་མ་འདུལ་བ་ལས་བྱུང་བ་ཞིག་ཡིན་པ་དང་ཆོས་དད་ཡོད་མེད་ལ་ལྟོས་མེད་སེམས་འདུལ་བ་ཞིག་བྱུང་ནས་འཛམ་གླིང་དེ་བདེ་སྐྱིད་ལྡན་པ་ཞིག་ཡོང་གི་རེད་ཅེས་དང་། གལ་ཏེ་མིའི་སེམས་མ་འདུལ་བ་ཡིན་ན་དཔལ་འབྱོར་དང་འཕྲུལ་རིག དེ་བཞིན་གོ་མཚོན་ག་ཚོད་ཀྱི་ཡར་རྒྱས་ཕྱིན་ནའང་ཕན་ཐོགས་ཡོད་མ་རེད་ཅེས་བཀའ་བསྩལ་ཡོད་པ་རེད།