༸གོང་ས་མཆོག་གིས་ཁ་ཆེའི་འཇིགས་སྐུལ་བ་དང་ནང་པའི་འཇིགས་སྐུལ་བ་ཞེས་མེད་པ་བཀའ་བསྩལ་བ།


vot.org
Facebooktwittergoogle_plusmail
༸གོང་ས་མཆོག་གིས་ཁ་ཆེའི་འཇིགས་སྐུལ་བ་དང་ནང་པའི་འཇིགས་སྐུལ་བ་ཞེས་མེད་པ་བཀའ་བསྩལ་བ།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་རིགས་གཞོན་སྐྱེས་གཙོ་འགྱུར་ཕྱི་ནང་གི་དད་ལྡན་སྟོང་ཕྲག་བརྒལ་བར་སྤྱོད་འཇུག་ཆེན་མོའི་གསུང་ཆོས་མུ་མཐུད་འཕྲོ་སྐྱོང་མཛད་པ་མ་ཟད། བཀའ་ཆོས་ཞུ་མཁན་ཁོངས་སུ་ཡོད་པའི་ཏུར་ཏུག་ནས་བཅར་བའི་ཁ་ཆེའི་སློབ་མ་ཞིག་གི་དྲི་བར་བཀའ་ལན་གནང་སྐབས་ཁ་ཆའི་ཆོས་ལུས་ནང་དཀོན་མཆོག་གིས་བཀོད་པ་ཡོངས་ལ་གུས་བརྩི་ཞུ་དགོས་སྐོར་འཁོད་པ་དེར་ཡིད་རང་ཞུས་པ་དང་འབྲེལ། འཇིགས་སྐུལ་བ་དེ་འཇིགས་སྐུལ་བ་རང་མ་གཏོགས་ཁ་ཆེའི་འཇིགས་སྐུལ་བ་དང་ནང་པའི་འཇིགས་སྐུལ་བ་ཟེར་བ་གང་ཡང་ཡོད་མ་རེད་ཅེས་བཀའ་ནན་བསྩལ་ཡོད།

བོད་རིགས་གཞོན་སྐྱེས་ཚོར་ནང་ཆོས་ངོ་སྤྲོད།

རྩ་བའི་༸གོང་ས་མཆོག་གིས་དེ་རིང་གསུང་ཆོས་ཉིན་གཉིས་པར་སྤྱོད་འཇུག་གི་ལེའུ་ལྔ་པའི་འཕྲོ་སྐྱོང་དང་ལེའུ་དྲུག་པ་བཟོད་པའི་ལེའུ་བཀའ་ཁྲིད་མཛད་ཡོད་པ་དང། མགོན་པོ་༸གང་ཉིད་མཆོག་གིས་ངོས་ཀྱི་སེམས་རྒྱུད་དུ་སྟོང་ཉིད་ཀྱི་ལྟ་བ་དང་བྱང་ཆུབ་སེམས་གཉིས་ཀྱི་ལྟ་བ་གདེངས་ཁེལ་བ་ཞིག་ཡོད་ཅེས་བཀའ་བསྩལ་བ་དང་ཆབས་ཅིག བྱང་ཆུབ་ཀྱི་སེམས་བསྟན་པའི་ཕྱག་དཔེ་སྤྱོད་འཇུག་ལས་ལྷག་པ་མེད་སྐོར་བཀའ་བསྩལ་སོང་།བོད་རིགས་གཞོན་སྐྱེས་ཚོར་ནང་ཆོས་ངོ་སྤྲོད།

སློབ་མའི་ཁྲོད་མགོན་པོ་༸གང་ཉིད་མཆོག་ལ་བཀའ་འདྲི་ཞུ་རྒྱུའི་གོ་སྐབས་གནང་དོན་ལྟར། བོད་རིགས་སློབ་མ་དང་བོད་ཕྲུག་ཁྱིམ་སྡེར་སློབ་གཉེར་བྱེད་མཁན་ཁ་ཆེའི་སློབ་མ་བཅས་ནས་༸གོང་ས་མཆོག་ལ་གཞན་གྱི་ཁོང་ཁྲོ་སོགས་ལ་གཉེན་པོ་བསྟན་ཚུལ་དང་། ཤེས་བཞིན་ཉམས་ལེན་བྱེད་སྟངས་། ཚན་རིག་སོགས་ཀྱི་བརྗོད་གཞི་འདྲ་མིན་ཐོག་བཀའ་འདྲི་དགོངས་སྐོར་ཞུས་པར་མགོན་པོ་མཆོག་ནས་ཐུགས་བརྩེ་བ་ཆེན་པོས་བཀའ་ལན་མཛད་ཡོད་པ་རེད།

འབྲེལ་ཡོད་གསར་འགྱུར།