༸གོང་ས་མཆོག་གིས་ནང་པས་རིགས་རུས་དབྱེ་འབྱེད་བྱེད་ན་སངས་རྒྱས་ཀྱི་ཞབས་འདྲེན་རེད་ཅེས་བཀའ་བསྩལ་བ།

Facebooktwittergoogle_plusmail

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་སྔ་དྲོ་ཟངས་དཀར་རྒྱལ་བའི་ཕོ་བྲང་གི་ཆོས་རར་ཆེད་དུ་བྱ་བའི་གདུལ་བྱ་ཟངས་དཀར་སེར་སྐྱ་མང་ཚོགས་གཙོ༸གོང་ས་མཆོག་གིས་ནང་པས་རིགས་རུས་ཀྱི་དབྱེ་འབྱེད་བྱེད་ན་སངས་རྒྱས་ཀྱི་ཞབས་འདྲེན་རེད་ཅེས་བཀའ་བསྩལ་བ།་བོར་གྱུར་པའི་ཉེ་འཁོར་ནས་བཅར་བའི་ཆོས་ཞུ་བ་སྟོང་ཕྲག་བརྒལ་བར་འཕགས་པ་ཐུགས་རྗེ་ཆེན་པའི་བཀའ་དབང་བཀྲིན་སྩལ་བ་དང་འབྲེལ། ནང་པ་ཚོས་རིགས་རུས་དབྱེ་འབྱེད་བྱེད་ན་སངས་རྒྱས་བཅོམ་ལྡན་འདས་ཀྱི་ཞབས་འདྲེན་རེད་ཅེས་བཀའ་སྩལ་སོང་།

དེ་རིང་ཟླ་ ༧ ཚེས་ ༡༧ ཉིན་སྔ་དྲོ་༸གོང་ས་མཆོག་གིས་འཕགས་པ་ཐུགས་རྗེ་ཆེན་པོའི་བཀའ་དབང་གྲུབ་མཚམས་སུ་ཟངས་དཀར་ཁུལ་གྱི་རིགས་རུས་དམན་པའི་མང་ཚོགས་ནས་མགོན་པོ་མཆོག་ལ་ཞལ་བག་དང་གསོལ་ཇ་འདེགས་འབུལ་ཞུས་བསྟུན། ༸གོང་ས་མཆོག་གིས་ངོས་ལ་ད་ལན་ཞལ་བག་དང་གསོལ་ཇ་ཞུ་མཁན་ཟངས་དཀར་ཁུལ་གྱི༸གོང་ས་མཆོག་གིས་ནང་པས་རིགས་རུས་ཀྱི་དབྱེ་འབྱེད་བྱེད་རྒྱུ་མེད་པར་བཀའ་བསྩལ་བ།་རོལ་མོ་མཁན་མང་ཚོགས་རྣམས་ལ་རིགས་རུས་དམན་པར་ངོས་འཛིན་གྱི་ཡོད་པ་བཀའ་སྩལ་དང་ཆབས་ཅིག སངས་རྒྱས་བཅོམ་ལྡན་འདས་ཀྱིས་རིགས་རུས་མཐོ་དམན་ཐོག་ལ་མཐའ་གཅིག་ཏུ་དགག་པ་མཛད་ཡོད་ཅེས་བཀའ་སྩལ་སོང་། ལྷག་དོན་དེང་གི་མང་གཙོའི་ལམ་ལུགས་ནང་ཞིང་བྲན་ལམ་ལུགས་དང་འབྲེལ་བའི་གོམས་གཤིས། ལུགས་སྲོལ་ངན་པ་རིགས། དེ་བཞིན་ཆོས་ཕྱོགས་ཀྱི་མིང་སྤྱོད་པའི་དུས་ཚོད་ཡོལ་ཟིན་པར་བརྟེན་ངེས་པར་དུ་བཅོས་བསྒྱུར་ཞིག་གཏོང་དགོས་གལ་ཡིན་པའི་ལམ་སྟོན་མཛད་ཡོད་པ་རེད། མགོན་པོ་༸གང་ཉིད་མཆོག་གིས་ཁྱད་པར་དུ་ནང་པ་ཚོས་རིགས་རུས་དབྱེ་འབྱེད་གནང་ཚེ་སངས་རྒྱས་ཀྱི་བསྟན་པར་གནོད་ངེས་ཡིན་པ་མ་ཟད། བདག་ཅག་གི་སྟོན་པ་སངས་རྒྱས་བཅོམ་ལྡན་འདས་ཀྱི་ཞབས་འདྲེན་རེད་ཅེས་བཀའ་ནན་སྩལ་སོང་།

ད་དུང་མགོན་པོ་༸གང་ཉིད་མཆོག་གིས་ཟངས་དཀར་ Padum ཁུལ་དུ་ཡོད་པའི་རིགས་རུས་དམན་པའི་མང་ཚོགས་ཚོར་ནང་པ་ཚོས་མཐོང་ཆུང་དང་ཁྱད་གསོད་སོགས་བྱས་པར་བརྟེན།  རིགས་དལ་དྭགས་ནང་རིགས་རུན་དམན་པ་ངོས་འཛིན་གྱི་ལྟ་ངན་དོར་དགོས།མན་པའི་མང་ཚོགས་ཚོ་ཁ་ཆེ་ཆོས་ལུགས་ལ་འགྱུར་བ་དང་། དེ་བཞིན་ས་གནས་ནང་པ་ཚོས་ཁ་ཆེའི་ཚོང་ཁང་ལ་འགྲོ་རྒྱུ་མཚ མས་འཇོག་བྱས་སྐོར་གྱི་གནས་ཚུལ་གོ་ཐོས་བྱུང་ཞེས་བཀའ་སྩལ་བ་དང་འབྲེལ། ཟངས་དཀར་ནང་གི་མིང་གྲགས་ཡོད་པའི་དགེ་བཤེས་ཚོས་དེ་དག་ཐོག་འགན་འཁུར་གཙོ་བཞེས་གནང་དགོས་པར་ལམ་སྟོན་མཛད་ཡོད་པ་རེད།

གཞན་ཡང་༸གོང་ས་མཆོག་གིས་ཆོས་ལུགས་ནང་ཁུལ་དབར་མཐུན་སྒྲིལ་གནང་གལ་ཡིན་པའི་ཐོག་ལ་བཀའ་སྩལ་བ་དང་སྦྲགས་ཏེ་འཛམ་གླིང་ཐོག་ཡོད་པའི་ཆོས་ལུགས་ཚང་མས་འགྲོ་བ་མིའི་སྤྱིའི་དོན་ལ་བསམ་བློ་དང་འགན་འཁུར་བླངས་ནས་བྱམས་བརྩེ་ལྡན་པའི་འཛམ་གླིང་ཞིག་བསྐྲུན་ཐུབ་པ་བྱེHHDL IN LADAKH DZANGKAR ད་དགོས་ཞེས་སོགས་བཀའ་སྩལ་ཡོད།

རྩ་བའི་དེ་རིང་སྔ་དྲོ་མགོན་པོ་མཆོག་གིས་ཆོས་ཞུ་བ་ཚོར་པཎ་གྲུབ་ ༡༧ གྱི་གསོལ་འདེབས་བཀའ་ཁྲིད་དང་། འཕགས་པ་ཐུགས་རྗེ་ཆེན་པོའི་བཀའ་དབང་བཀྲིན་བསྩལ་ཡོད་པ་རེད། སང་ཉིན་ཆོས་འབྲེལ་ཉིན་མཐའ་མའི་སྐབས་མགོན་པོ་མཆོག་གིས་ཆོས་ཞུ་བར་སྙིང་པོ་དོན་གསུམ་གྱི་བཀའ་ཁྲིད་དང་། སྨན་ལྷའི་རྗེས་སྣང་བསྩལ་རྒྱུ་ཡིན་པ་མ་ཟད། ཟངས་དཀར་ནང་ཚོགས་དང་དགོན་ཚོགས། དེ་བཞིན་ས་གནས་སུ་ཡོད་པའི་ Royal Club ཞེས་པའི་གཞོན་སྐྱེས་རུ་ཁག་ཚོས་མགོན་པོ་༸གང་ཉིད་མཆོག་ལ་༸སྐུ་ཚེ་མི་འཇིགས་རྡོ་རྗེའི་ཁམས་སུ་བརྟན་ཕྱིར་བརྟན་བཞུགས་བསྟར་འབུལ་ཞུ་གནང་གི་ཡོད་པ་རེད།

ཀློག་གྲངས། ༢༤༡
Facebooktwittergoogle_plusmail

འབྲེལ་ཡོད་གསར་འགྱུར།